ന​ടു​റോ​ഡി​ൽ കൃ​ഷി​വ​കു​പ്പ് ജീ​വ​ന​ക്കാ​ര​ന് മർദനം: പ്രതികളെ പോ​ലീ​സ് ഇ​നി​യും പി​ടി​കൂ​ടി​യി​ല്ല; അന്വേഷണം നടന്നുകൊണ്ടിരിക്കുന്നുവെന്ന് കരമന പോലീസ്

തി​രു​വ​ന​ന്ത​പു​രം: ക​ര​മ​ന​യി​ൽ ന​ടു​റോ​ഡി​ൽ വ​ച്ച് കൃ​ഷി​വ​കു​പ്പ് ജീ​വ​ന​ക്കാ​ര​നെ ക്രൂ​ര​മാ​യി മ​ർ​ദ്ദി​ച്ച കേ​സി​ലെ പ്ര​തി​ക​ളാ​യ സ​ഹോ​ദ​ര​ൻ​മാ​രെ പോ​ലീ​സ് ഇ​നി​യും പി​ടി​കൂ​ടി​യി​ല്ല.

കു​ഞ്ചാ​ലും​മൂ​ട് സ്വ​ദേ​ശി​ക​ളാ​യ മു​ഹ​മ്മ​ദ് ഇ​സ്മാ​യി​ൽ , അ​നീ​ഷ് എ​ന്നി​വ​രാ​ണ് കേ​സി​ലെ പ്ര​തി​ക​ൾ.നെ​യ്യാ​റ്റി​ൻ​ക​ര അ​മ​ര​വി​ള സ്വ​ദേ​ശി​യാ​യ പ്ര​ദീ​പി​നെ​യാ​ണ് ര​ണ്ട് ദി​വ​സം മു​ൻ​പ് നീ​റ​മ​ണ്‍​ക​ര​യി​ൽ വ​ച്ച് ഇ​രു​വ​രും ചേ​ർ​ന്ന് മ​ർ​ദ്ദി​ച്ച​ത്.

സി​ഗ​്നൽ പോ​യി​ന്‍റി​ൽ വ​ച്ച് ഹോ​ണ്‍ മു​ഴ​ക്കി​യെ​ന്നാ​രോ​പി​ച്ചാ​ണ് പ്ര​ദീ​പി​നെ ഇ​രു​വ​രും മ​ർ​ദ്ദി​ച്ച​ത്. പാ​റോ​ട്ട് കോ​ണ​ത്തെ ഓ​ഫീ​സി​ൽ നി​ന്നും ജോ​ലി ക​ഴി​ഞ്ഞ് ബൈ​ക്കി​ൽ വീ​ട്ടി​ലേ​ക്ക് പോ​ക​വെ​യാ​യി​രു​ന്നു സം​ഭ​വം.

മ​ർ​ദ്ദ​ന​ത്തെ തു​ട​ർ​ന്ന് അ​വ​ശ​നാ​യ പ്ര​ദീ​പ് ക​ര​മ​ന പോ​ലീ​സി​ൽ പ​രാ​തി ന​ൽ​കി​യെ​ങ്കി​ലും കേ​സെ​ടു​ക്കാ​തെ പോ​ലീ​സ് നീ​തി നി​ഷേ​ധി​ച്ചു​വെ​ന്ന് പ്ര​ദീ​പ് പ​റ​ഞ്ഞു.

ര​ണ്ട് ദി​വ​സം പോ​ലീ​സ് സ്റ്റേ​ഷ​നി​ൽ ചി​കി​ത്സാ രേ​ഖ​ക​ളു​മാ​യി എ​ത്തി​യി​ട്ടും പോ​ലീ​സ് ന​ട​പ​ടി സ്വീ​ക​രി​ച്ചി​രു​ന്നി​ല്ല. മ​ർ​ദ്ദ​ന​ത്തി​ന്‍റെ സി​സി​ടി​വി ദൃ​ശ്യ​ങ്ങ​ൾ ശേ​ഖ​രി​ച്ച് പ്ര​ദീ​പ് മാ​ധ്യ​മ​ങ്ങ​ൾ​ക്ക് ന​ൽ​കു​ക​യും വാ​ർ​ത്ത​ക​ൾ പ്ര​ച​രി​ച്ച​തോ​ടെ ഇ​ന്ന​ലെ വൈ​കു​ന്നേ​രം പ്ര​ദീ​പി​നെ സ്റ്റേ​ഷ​നി​ലേ​ക്ക് വി​ളി​ച്ച് വ​രു​ത്തി മൊ​ഴി രേ​ഖ​പ്പെ​ടു​ത്തി​യ ശേ​ഷം കേ​സെ​ടു​ക്കു​ക​യാ​യി​രു​ന്നു.

പ്ര​തി​ക​ളെ പി​ടി​കൂ​ടാ​ൻ അ​ന്വേ​ഷ​ണം ആ​രം​ഭി​ച്ചു​വെ​ന്നും ഇ​രു​വ​രും ഒ​ളി​വി​ലാ​ണെ​ന്നു​മാ​ണ് ക​ര​മ​ന പോ​ലീ​സ് പ​റ​യു​ന്ന​ത്.

അ​തേ സ​മ​യം പ്ര​തി​ക​ൾ അ​ഭി​ഭാ​ഷ​ക​ൻ മു​ഖേ​ന കോ​ട​തി​യി​ൽ കീ​ഴ​ട​ങ്ങാ​നു​ള്ള ന​ട​പ​ടി​ക​ളു​മാ​യി മു​ന്നോ​ട്ട് പോ​കു​ന്നു​വെ​ന്നാ​ണ് പോ​ലീ​സ് വൃ​ത്ത​ങ്ങ​ളി​ൽ നി​ന്നും ല​ഭി​ക്കു​ന്ന വി​വ​രം.