വ്യാ​പാ​രി​യെ ത​ട്ടി​ക്കൊ​ണ്ടു പോ​കാ​ൻ ശ്ര​മം; പോലീസുകാരനടക്കം ര​ണ്ടു പേ​ർ പി​ടി​യി​ൽ; പ്രതികളെത്തിയത് പോലീസ് വേഷത്തിൽ

കാ​ട്ടാ​ക്ക​ട : പോ​ലീ​സ് വേ​ഷ​ത്തി​ലെ​ത്തി വ്യാ​പാ​രി​യെ ത​ട്ടി​ക്കൊ​ണ്ടു പോ​കാ​ൻ ശ്ര​മി​ച്ച കേ​സി​ൽ ഒരു പോലീസുകാരൻ അടക്കം ര​ണ്ടുപേ​ർ പി​ടി​യി​ൽ. കാ​ട്ടാ​ക്ക​ട ഡി​വൈ​എ​സ്പി ഷി​ബു​വാ​ണ് ഇ​വ​രെ പി​ടി​കൂ​ടി​യ​ത്.

ഇ​വ​ർ നെ​ടു​മ​ങ്ങാ​ട് സ്വ​ദേ​ശി​ക​ളാ​ണ്. പോലീസുകാരനായ വിനീത്, സുഹൃത്ത് അരുൺ എന്നിവരാണ് അറസ്റ്റിലായത്. ഇ​വ​രെ ചോ​ദ്യം ചോ​ദ്യം ചെ​യ്ത് വ​രു​ന്നു.

‌വി​വി​ധ ടീ​മു​ക​ളാ​യി തി​രി​ഞ്ഞ് അ​ന്വേ​ഷ​ണം ന​ട​ത്തു​ന്ന പോ​ലീ​സ് സം​ഘ​ത്തി​നു പ്ര​തി​ക​ളെക്കു​റി​ച്ചുള്ള വിവരം ഇ​ന്ന​ലെ കി​ട്ടി​യി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​വ​ർ പി​ടി​യി​ലാ​യ​ത്.

ത​ട്ടി​പ്പ് കേ​സി​ൽ വി​നീ​ത് സ​സ്പെ​ൻ​ഷ​നി​ലാ​യി​രു​ന്നു. ടൈ​ൽ​സ് ക​ട ന​ട​ത്തി ന​ഷ്ട​ത്തി​ലാ​യ വി​നീ​ത് പ​ണ​ത്തി​ന് വേ​ണ്ടി​യാ​ണ് വ്യാ​പാ​രി മു​ജീ​ബി​നെ ത​ട്ടി​ക്കൊ​ണ്ടു പോ​കാ​ൻ ശ്ര​മി​ച്ച​ത്.

മ​റ്റൊ​രു പൊ​ലീ​സു​കാ​ര​ന്‍റെ കാ​റാ​ണ് ത​ട്ടി​ക്കൊണ്ട് പോ​കാ​ൻ വാ​ട​ക​ക്കെ​ടു​ത്ത​ത്. ഈ ​കാ​റും കാ​ട്ടാ​ക്ക​ട പൊ​ലീ​സ് ക​സ്റ്റ​ഡി​യി​ൽ എ​ടു​ത്തി​ട്ടു​ണ്ട്.

നെ​ടു​മ​ങ്ങാ​ട് പ​ഴ​കു​റ്റി സോ​ണി മ​ൻ​സി​ലി​ൽ മു​ജീ​ബ്(43)​നെ ശ​നി​യാ​ഴ്ച രാ​ത്രി പ​ത്തോ​ടെ​യാ​ണ് പോലീസ് വേഷത്തിലെ ത്തിയ രണ്ടം​ഗ സം​ഘം കാ​റി​ൽ വി​ല​ങ്ങി​ട്ടു ബ​ന്ധി​ച്ചു ക​ട​ന്ന​ത്.

ക​ട പൂ​ട്ടി വീ​ട്ടി​ലേ​ക്കു മ​ട​ങ്ങ​വേ കാ​റി​ൽ പി​ന്തു​ട​ർ​ന്നെ​ത്തി​യ സം​ഘം പൂ​വ​ച്ച​ൽ ജം​ഗ്ഷ​നു സ​മീ​പം കാ​ർ ത​ട​ഞ്ഞാ​ണ് മു​ജീ​ബി​നെ കാ​റി​ൽ ബ​ന്ധി​യാ​ക്കി​യ​ത്.​ നാട്ടുകാർ വന്നതോടെ ഇവർ രക്ഷപ്പെടുകയായിരുന്നു.

സം​ഭ​വം സം​ബ​ന്ധി​ച്ച് മു​ജീ​ബി​നെ പോ​ലീ​സ് വി​ശ​ദ​മാ​യ ചോ​ദ്യം ചെ​യ്യ​ലി​നു വി​ധേ​യ​നാ​ക്കി. പ്ര​തി​ക​ൾ സ​ഞ്ച​രി​ച്ചി​രു​ന്ന​താ​യി പ​റ​യ​പ്പെ​ടു​ന്ന നീ​ല സ്വി​ഫ്റ്റ് കാ​റി​ന്‍റെ ആ​ര്യ​നാ​ട് വ​രെ​യു​ള്ള സ​ഞ്ചാ​ര ദി​ശ മ​ന​സി​ലാ​ക്കാ​ൻ ക​ഴി​ഞ്ഞെ​ങ്കി​ലും കാ​റി​ന്‍റെ ന​മ്പ​ർ ദൃ​ശ്യ​ങ്ങ​ളി​ൽ വ്യ​ക്ത​മ​ായിരുന്നില്ല.ന​മ്പ​ർ ക​ണ്ടെ​ത്താ​ൻ സി ​ഡാ​ക്കി​ന്‍റെ സ​ഹാ​യം തേ​ടി​യതാ​ണ് അ​ന്വേ​ഷ​ണ​ത്തി​നു വ​ഴി​കാ​ട്ടി​യാ​യ​ത്.