റോഡ് വക്കിലെ കിണർ ഇടിഞ്ഞു താണു;   മു​ന്ന​റി​യി​പ്പു ബോ​ർ​ഡ് സ്ഥാ​പി​ച്ച് പ്ര​ശ്ന​പ​രി​ഹാ​രം ക​ണ്ടെ​ത്ത​ണ​മെ​ന്ന് യാ​ത്ര​ക്കാ​ർ

വ​ണ്ടി​ത്താ​വ​ളം: ക​ന​ത്ത​മ​ഴ​യി​ൽ സ്വ​കാ​ര്യ​വ്യ​ക്തി​യു​ടെ വീ​ടി​നു​മു​ന്നി​ലെ കി​ണ​ർ ഇ​ടി​ഞ്ഞ് അ​പ​ക​ട​ഭീ​ഷ​ണി​യാ​യി.  വ​ണ്ടി​ത്താ​വ​ളം സ്കൂ​ൾ ഗ്രൗ​ണ്ടി​നു​സ​മീ​പം അ​ല​യാ​ർ റോ​ഡി​ലെ ബ​ഷീ​ർ ഖാ​ന്‍റെ വീ​ട്ടു​കി​ണ​റാ​ണ് ഇ​ടി​ഞ്ഞ​ത്. കി​ണ​റി​ന​രി​കേ ഒ​ന്ന​ര​മീ​റ്റ​ർ വ്യ​ത്യാ​സ​ത്തി​ലാ​ണ് വ​ണ്ടി​ത്താ​വ​ളം-​വി​ള​യോ​ടി പ്ര​ധാ​ന​പാ​ത.

പ​തി​ന​ഞ്ച് സ്വ​കാ​ര്യ ബ​സു​ക​ളും പ​ന്ത്ര​ണ്ട് സ്കൂ​ളു​ൾ ബ​സു​ക​ളും പ​തി​വാ​യി സ​ഞ്ച​രി​ക്കു​ന്ന​ത് ഇ​തു​വ​ഴി​യാ​ണ്.
കി​ണ​റി​ൽ ജ​ല​നി​ര​പ്പ് കൂ​ടു​ക​യും കു​ത്തി​യൊ​ഴു​കി​യ മ​ഴ​വെ​ള്ള​വു​മാ​ണ് ആ​ൾ​മ​റ​യി​ല്ലാ​ത്ത കി​ണ​റി​നു ത​ക​ർ​ച്ചാ​ഭീ​ഷ​ണി​യു​ണ്ടാ​ക്കി​യ​ത്.

35 വ​ർ​ഷം​മു​ന്പാ​ണ് ഇ​വി​ടെ കി​ണ​ർ കു​ഴി​ച്ച​ത്. അ​ന്ന് പ​ഞ്ചാ​യ​ത്തി​ന്‍റെ പ​രി​ധി​യി​ൽ വീ​തി​കു​റ​ഞ്ഞ മെ​റ്റ​ൽ റോ​ഡാ​ണ് ഇ​വി​ടെ​യു​ണ്ടാ​യി​രു​ന്ന​ത്. എ​ന്നാ​ൽ പ​ല​ത​വ​ണ റോ​ഡു​വി​ക​സ​നം ന​ട​ത്തി​യ​തോ​ടെ കി​ണ​ർ റോ​ഡി​ന് അ​രി​കി​ലാ​കു​ക​യാ​യി​രു​ന്നു.ഇ​രു​വ​ശ​ത്തു​നി​ന്നും ഒ​രേ​സ​മ​യം വ​ലി​യ വാ​ഹ​ന​ങ്ങ​ൾ എ​ത്തി​യാ​ൽ വ​ൻ​തോ​തി​ൽ മ​ണ്ണി​ടി​ച്ചി​ൽ ഉ​ണ്ടാ​കു​ന്ന സാ​ഹ​ച​ര്യ​മാ​ണ് നി​ല​വി​ലു​ള്ള​ത്.

കി​ണ​റി​നു​സ​മീ​പ​ത്ത് വേ​ലി​കെ​ട്ടി​യി​രി​ക്കു​ന്ന​തി​നാ​ൽ സം​ഭ​വ​സ്ഥ​ല​ത്തെ അ​പ​ക​ടം വാ​ഹ​നം ഓ​ടി​ക്കു​ന്ന​വ​ർ​ക്കും മ​ന​സി​ലാ​ക്കാ​നാ​കു​ന്നി​ല്ല. ഈ ​സാ​ഹ​ച​ര്യ​ത്തി​ൽ കി​ണ​റി​ന്‍റെ അ​പ​ക​ടാ​വ​സ്ഥ തി​രി​ച്ച​റി​യു​ന്ന വി​ധ​ത്തി​ൽ റോ​ഡി​ന്‍റെ ഇ​രു​വ​ശ​ത്തും മു​ന്ന​റി​യി​പ്പു ബോ​ർ​ഡ് സ്ഥാ​പി​ച്ച് പ്ര​ശ്ന​പ​രി​ഹാ​രം ക​ണ്ടെ​ത്ത​ണ​മെ​ന്നാ​ണ് യാ​ത്ര​ക്കാ​ർ ആ​വ​ശ്യ​പ്പെ​ടു​ന്ന​ത്.