ക​ണ്ണൂ​രി​ൽ ഓ​ട്ടോ​റി​ക്ഷാ ഡ്രൈ​വ​റെ ട്രി​പ്പ് വി​ളി​ച്ചു കൊ​ണ്ടു​പോ​യി കു​ത്തി; ആ​ക്ര​മ​ണ​ത്തി​ന് പി​ന്നി​ൽ മൂ​ന്നം​ഗ​സം​ഘം

ക​ണ്ണൂ​ർ: ക​ണ്ണൂ​ർ ന​ഗ​ര​ത്തി​ൽ നി​ന്നും ട്രി​പ്പ് വി​ളി​ച്ചു കൊ​ണ്ടു​പോ​യി ഓ​ട്ടോ​റി​ക്ഷാ ഡ്രൈ​വ​റെ കു​ത്തി​പ്പ​രി​ക്കേ​ൽ​പി​ച്ചു. പു​തി​യ​തെ​രു​വി​ലെ താ​മ​സ​ക്കാ​ര​നും ക​ണ്ണൂ​ർ ത​യ്യി​ൽ സ്വ​ദേ​ശി​യു​മാ​യ നി​ഹാ​ലി​നാ​ണ് (40) കു​ത്തേ​റ്റ​ത്. ഇ​ന്ന​ലെ രാ​ത്രി 11 ഓ​ടെ​യാ​യി​രു​ന്നു സം​ഭ​വം.

ചേം​ബ​ർ​ഹാ​ൾ പ​രി​സ​ര​ത്തു​നി​ന്നും മൂ​ന്നം​ഗ​സം​ഘം തോ​ട്ട​ട​യി​ലേ​ക്ക് ട്രി​പ്പ് പോ​ക​ണ​മെ​ന്ന് ആ​വ​ശ്യ​പ്പെ​ട്ട് ഓ​ട്ടോ​റി​ക്ഷ വി​ളി​ക്കു​ക​യാ​യി​രു​ന്നു. താ​ഴെ​ചൊ​വ്വ റെ​യി​ൽ​വേ ഗേ​റ്റി​നു സ​മീ​പം എ​ത്തി​യ​പ്പോ​ൾ ഓ​ട്ടോ​റി​ക്ഷ നി​ർ​ത്താ​ൻ സം​ഘം ആ​വ​ശ്യ​പ്പെ​ട്ടു. ഉ​ട​ൻ ഓ​ട്ടോ​റി​ക്ഷ​യി​ൽ നി​ന്നി​റ​ങ്ങി​യ​വ​ർ ഓ​ട്ടോ​റി​ക്ഷാ ഡ്രൈ​വ​ർ നി​ഹാ​ലി​നെ വ​ലി​ച്ചി​റ​ക്കി കു​ത്തു​ക​യാ​യി​രു​ന്നു.

വ​യ​റി​ന് പ​രി​ക്കേ​റ്റ ഇ​യാ​ൾ ഓ​ട്ടോ​റി​ക്ഷ​യി​ൽ ക​യ​റി ബ​ഹ​ളം വ​ച്ച​തി​നെ തു​ട​ർ​ന്ന് സ​മീ​പ​ത്തു​ള്ള​വ​ർ ഓ​ടി​യെ​ത്തി ഇ​യാ​ളെ ന​ഗ​ര​ത്തി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. ടൗ​ൺ എ​സ്ഐ ബാ​വേ​ഷി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ആ​ശു​പ​ത്രി​യി​ലെ​ത്തി മൊ​ഴി രേ​ഖ​പ്പെ​ടു​ത്തി.

സം​ഭ​വ​ത്തി​ൽ ക​ണ്ടാ​ല​റി​യാ​വു​ന്ന മൂ​ന്നു​പേ​ർ​ക്കെ​തി​രേ കേ​സെ​ടു​ത്തു. മൂ​ന്നു​വ​ർ​ഷം മു​ന്പ് ന​ൽ​കി​യ ഒ​രു കേ​സു​മാ​യി ബ​ന്ധ​പ്പെ​ട്ട വൈ​രാ​ഗ്യ​മാ​ണ് അ​ക്ര​മ​ത്തി​നു കാ​ര​ണ​മെ​ന്ന് പോ​ലീ​സ് പ​റ​യു​ന്നു. ഈ ​കേ​സ് ഇ​ന്നു വി​ചാ​ര​ണ​യ്ക്ക് വ​രേ​ണ്ട​യി​രു​ന്ന​താ​ണ്.