ദുബായ്: ഐസിസി ഏകദിന റാങ്കിംഗില് ഇന്ത്യന് നായകന് വിരാട് കോഹ്ലി ഒന്നാം സ്ഥാനത്ത് തിരിച്ചെത്തി. കരിയറിലെ ഏറ്റവും ഉയര്ന്ന റേറ്റിംഗ് പോയിന്റുമായാണ് കോഹ്ലി ഒന്നാം സ്ഥാനം തിരിച്ചുപിടിച്ചത്.
പോയിന്റില് സച്ചിന് തെണ്ടുല്ക്കര് 1998ല് നേടിയ 887 പോയിന്റാണ് പുതിയ പട്ടികയില് കോഹ്ലി മറികടന്നത്. ഇന്ത്യന് നായകന് 889 പോയിന്റുണ്ട്. ഒരു ഇന്ത്യന് ബാറ്റ്സ്മാന്റെ ഏറ്റവും മികച്ച പോയിന്റാണിത്. ന്യൂസിലന്ഡിനെതിരേ മൂന്നു മത്സരങ്ങളുടെ ഏകദിന പരമ്പരയില് പുറത്തെടുത്ത മികവാണ് ഡല്ഹി ബാറ്റ്സ്മാനെ ഒന്നാമതെത്തിച്ചത്.
രണ്ടു സെഞ്ചുറി ഉള്പ്പെടെ 263 റണ്സാണ് കോഹ് ലി ഈ പരമ്പരയില് അടിച്ചുകൂട്ടിയത്. രോഹിത് ശര്മ കരിയറിലെ 799 പോയിന്റുമായി കരിയറിലെ മികച്ച റേറ്റിംഗ് സ്വന്തമാക്കിയെങ്കിലും പട്ടികയില് മുന്നോട്ടു കയറാനായില്ല. രോഹിത് ഏഴാം സ്ഥാനത്ത് തുടരുകയാണ്.