കൂടത്തായ് കൊലപാതക പരമ്പരയിലെ ആ​ൽ​ഫൈ​ൻ വധക്കേസിൽ മ​ഞ്ചാ​ടി​യി​ൽ എം.​എ​സ്. മാ​ത്യു അ​റ​സ്റ്റി​ൽ

കോ​ഴി​ക്കോ​ട്: കൂ​ട​ത്താ​യി കൊ​ല​പാ​ത​ക​പ​ര​ന്പ​ര​കേ​സി​ലെ പി​ഞ്ചു​കു​ഞ്ഞ് പൊ​ന്നാ​മ​റ്റം ആ​ൽ​ഫൈ​നെ സ​യ​നൈ​ഡ് ന​ൽ​കി കൊ​ല​പ്പെ​ടു​ത്തി​യ കേ​സി​ൽ ര​ണ്ടാം പ്ര​തി മ​ഞ്ചാ​ടി​യി​ൽ സാ​മൂ​വ​ൽ മാ​ത്യു എ​ന്ന ഷാ​ജി​യെ അ​റ​സ്റ്റു​ചെ​യ്തു. ആ​ൽ​ഫൈ​ൻ വ​ധ​കേ​സ് അ​ന്വേ​ഷി​ക്കു​ന്ന തി​രു​വ​ന്പാ​ടി ഇ​ൻ​സ്പെ​ക്ട​ർ ഷ​ജു ജോ​സ​ഫി​ന്‍റെ നേ​തൃ​ത്വ​ത്തി​ലാ​ണ് ഇ​ന്ന​ലെ വൈ​കി​ട്ട് ജി​ല്ലാ ജ​യി​ലി​ലെ​ത്തി അ​റ​സ്റ്റ് രേ​ഖ​പ്പെ​ടു​ത്തി​യ​ത്.

പ്ര​തി വി​വ​ധ കേ​സു​ക​ളി​ൽ ഒ​രു മാ​സ​ത്തി​ല​ധി​ക​മാ​യി റി​മാ​ൻ​ഡി​ലാ​ണ്. ത​നി​ക്ക് സ​യ​നെ​ഡ് ന​ൽ​കി​യ​ത് ഭ​ർ​ത്താ​വ് റോ​യി​യു​ടെ അ​മ്മാ​വ​നാ​യ സാ​മൂ​വ​ലി​ന്‍റെ മ​ക​ൻ മാ​ത്യു​വാ​ണെ​ന്ന് മു​ഖ്യ​പ്ര​തി ജോ​ളി നേ​ര​ത്തെ മൊ​ഴി​ന​ൽ​കി​യി​രു​ന്നു. കോ​ഴി​ക്കോ​ട്ടെ ജ്വ​ല്ല​റി​യി​ൽ ജീ​വ​ന​ക്കാ​ര​നാ​യി​രു​ന്ന മാ​ത്യു​വു​മാ​യി റോ​യി​യു​ടെ മ​ര​ണ​ത്തി​നു​മു​ൻ​പു​ത​ന്നെ ഉ​റ്റ​ബ​ന്ധ​മു​ള്ള​താ​യും ജോ​ളി മൊ​ഴി ന​ൽ​കി​യി​രു​ന്നു.

ആ​ൽ​ഫൈ​ൻ കേ​സി​ലെ അ​റ​സ്റ്റി​നു​ശേ​ഷം മാ​ത്യു​വി​നെ ക​സ്റ്റ​ഡി​യി​ൽ ആ​വ​ശ്യ​പ്പെ​ട്ട് അ​ന്വേ​ഷ​ണ​സം​ഘം ഉ​ട​ൻ കോ​ട​തി​യി​ൽ അ​പേ​ക്ഷ ന​ൽ​കും . മൂ​ന്നാം പ്ര​തി​യാ​യ പ്ര​ജി​കു​മാ​ർ മാ​ത്യു​വി​ന് സ​യ​നൈ​ഡ് കൈ​മാ​റി​യ​ത് താ​മ​ര​ശേ​രി​യി​ലെ പ്ര​ജി​കു​മാ​ർ ജോ​ലി​ചെ​യ്യു​ന്ന സ്ഥാ​പ​ന​ത്തി​ൽ​വ​ച്ചാ​ണ്. പ്ര​ജി​കു​മാ​റി​ന്‍റെ ഭാ​ര്യ ഇ​വി​ടെ ജോ​ലി​ചെ​യ്യു​ന്നു​ണ്ട്.

ക​സ്റ്റഡി​യി​ൽ വാ​ങ്ങി​യ​ശേ​ഷം മ​ഹ​സ​ർ ത​യാ​റാ​ക്കു​ന്ന​തി​നാ​യി മാ​ത്യു​വി​നെ താ​മ​ര​ശേ​രി​യി​ലെ പ്ര​ജി​കു​മാ​റി​ന്‍റെ സ്ഥാ​പ​ന​ത്തി​ലെ​ത്തി​ച്ച് തെ​ളി​വെ​ടു​ക്കും. കൂ​ട​ത്താ​യി​യി​ലെ വീ​ട്ടി​ൽ മാ​ത്യു സ്ഥി​രം സ​ന്ദ​ർ​ശ​ക​നാ​യി​രു​ന്നെ​ന്ന ജോ​ളി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ ഇ​യാ​ളെ കൂ​ട​ത്താ​യ് പൊ​ന്നാ​മ​റ്റം വീ​ട്ടി​ലെ​ത്തി​ച്ചും തെ​ളി​വെ​ടു​ക്കും.

റോ​യ് തോ​മ​സ്, സി​ലി വ​ധ​കേ​സു​ക​ളി​ൽ മാ​ത്യു​വി​നെ നേ​ര​ത്തെ അ​റ​സ്റ്റ്ചെ​യ്തി​രു​ന്നു. മാ​ത്യു​വി​ന്‍റെ ക​സ്റ്റ​ഡി അ​വ​സാ​നി​ച്ച​ശേ​ഷം ആ​ൽ​ഫൈ​ൻ വ​ധ​കേ​സി​ൽ മൂ​ന്നാം പ്ര​തി പ്ര​ജി​കു​മാ​റി​നേ​യും അ​റ​സ്റ്റു​ചെ​യ്യും.