പോര് മുറുകുന്നു, കോട്ടയം നഗരസഭയിലെ  ഭരണപക്ഷങ്ങൾ തമ്മിലുള്ള തമ്മിലടിക്കുള്ള  കാരണം ചെറുതല്ല

കോ​ട്ട​യം: ന​ഗ​ര​സ​ഭാ ഭ​ര​ണ​ത്തി​ൽ ചെ​യ​ർ​പേ​ഴ്സ​ൺ- വൈ​സ് ചെ​യ​ർ​മാ​ൻ പോ​ര് മു​റു​കു​ന്നു. പ്ര​തി​പ​ക്ഷ​ത്തി​നേ​ക്കാ​ൾ മു​ന്നി​ൽ ചെ​യ​ർ​പേ​ഴ്സ​ണ്‍ ബി​ൻ​സി സെ​ബാ​സ്റ്റ്യ​നെ മു​ൾ​മു​ന​യി​ൽ നി​ർ​ത്തി വൈ​സ് ചെ​യ​ർ​മാ​ൻ ബി. ​ഗോ​പ​കു​മാ​ർ ആ​രോ​പ​ണ​ങ്ങ​ൾ ഉ​ന്ന​യി​ച്ച​തോ​ടെ കൗ​ണ്‍​സി​ൽ യോ​ഗ​ത്തി​ൽ ബ​ഹ​ള​മാ​യി.

ഇ​ന്ന​ലെ ന​ട​ന്ന ആ​സൂ​ത്ര​ണ സ​മി​തി​യി​ലും ഇ​രു​വ​രും ത​മ്മി​ലു​ള്ള പോ​രി​നു സാ​ക്ഷ്യം വ​ഹി​ച്ചു. ഇ​ന്നു വീ​ണ്ടും ആ​സൂ​ത്ര​ണ സ​മി​തി​യും കൗ​ണ്‍​സി​ൽ യോ​ഗ​വും ചേ​രും.

ഉദ്യോഗസ്ഥ ഭരണം?
ന​ഗ​ര​സ​ഭ​യി​ൽ സെ​ക്ര​ട്ട​റി​യു​ടെ ഉ​ദ്യോ​ഗ​സ്ഥ ഭ​ര​ണ​മാ​ണ് ന​ട​ക്കു​ന്ന​തെ​ന്നും ഉ​ദ്യോ​ഗ​സ്ഥ​രെ നി​ല​യ്ക്കു നി​ർ​ത്താ​നോ ജോ​ലി​യെ​ടു​പ്പി​ക്കാ​നോ ചെ​യ​ർ​പേ​ഴ്സ​ണു ക​ഴി​യു​ന്നി​ല്ലെ​ന്നും സ​മാ​ന്ത​ര ഭ​ര​ണ​മാ​ണ് ന​ട​ക്കു​ന്ന​തെ​ന്നും ബി. ​ഗോ​പ​കു​മാ​റാ​ണ് ആ​രോ​പ​ണം ഉ​ന്ന​യി​ച്ച​ത്. ഇ​തു പ്ര​തി​പ​ക്ഷം ഏ​റ്റെ​ടു​ത്ത​തോ​ടെ യോ​ഗം അലന്പായി.

ന​ഗ​ര​സ​ഭ​യി​ൽ വൈ​കു​ന്നേ​രം അ​ഞ്ചി​നു​ശേ​ഷം സ​മാ​ന്ത​ര ഭ​ര​ണം ന​ട​ക്കു​ക​യാ​ണെ​ന്നും ക​ഴി​ഞ്ഞ കൗ​ണ്‍​സി​ൽ യോ​ഗ​ത്തി​ലെ​ടു​ത്ത തീ​രു​മാ​ന​ങ്ങ​ളി​ൽ സെ​ക്ര​ട്ട​റി എ​ന്തു ന​ട​പ​ടി​യെ​ടു​ത്തു​വെ​ന്നു വ്യ​ക്ത​മാ​ക്കി​യ ശേ​ഷം കൗ​ണ്‍​സി​ൽ തു​ട​ർ​ന്നാ​ൽ മ​തി​യെ​ന്നും ഗോ​പ​കു​മാ​ർ പ​റ​ഞ്ഞ​താ​ണ് തി​ങ്ക​ളാ​ഴ്ച ന​ട​ന്ന യോ​ഗം സം​ഘ​ർ​ഷ​ത്തി​ലെ​ത്തി​ച്ച​ത്.

ചെ​യ​ർ​പേ​ഴ്സണെ മു​ൾ മു​ന​യി​ൽ നി​ർ​ത്തി ഭ​ര​ണ​പ​ക്ഷ​ത്തെ ത​ന്നെ പ്ര​തി​ക്കൂ​ട്ടി​ലാ​ക്കി​യി​രി​ക്കു​ക​യാ​ണ് വൈ​സ് ചെ​യ​ർ​മാ​ൻ.കോ​വി​ഡ് പ്ര​തി​രോ​ധ​ത്തി​നാ​യി ന​ഗ​ര​സ​ഭ​യ്ക്ക് ല​ഭ്യ​മാ​ക്കു​ന്ന ര​ണ്ട് ആ​ബു​ല​ൻ​സ്, മു​ട്ട​ന്പ​ലം ശ്മ​ശാ​ന​ത്തി​ലെ ത​ക​രാ​ർ പ​രി​ഹ​രി​ക്കു​ന്ന​തു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ എ​ന്നി​വ ബ​ഹ​ള​ത്തി​നു കാ​ര​ണ​മാ​യി.

ക​ഴി​ഞ്ഞ​യാ​ഴ്ച മാ​മ്മാ​ൻ മാ​പ്പി​ള ഹാ​ളി​ൽ അ​ഞ്ച​ര മ​ണി​ക്കൂ​ർ നീ​ണ്ട കൗ​ണ്‍​സി​ൽ യോ​ഗ​ത്തി​ലും ന​ഗ​ര​സ​ഭ ഉ​ദ്യോ​ഗ​സ്ഥ ഭ​ര​ണ​ത്തി​നെ​തി​രേ അം​ഗ​ങ്ങ​ൾ ശ​ബ്ദ​മു​യ​ർ​ത്തി​യി​രു​ന്നു.ഭ​ര​ണ​ത്തി​ൽ കൂ​ടി​യാ​ലോ​ചന​യി​ല്ലെ​ന്നും ഉ​ദ്യോ​ഗ​സ്ഥ​രു​ടെ പ​ന്തു​ക​ളി​യാ​ണ് ന​ട​ക്കു​ന്ന​തെ​ന്നു​മാ​ണ് വൈ​സ് ചെ​യ​ർ​മാ​ൻ ബി.​ഗോ​പ​കു​മാ​റി​ന്‍റെ പ്ര​ധാ​ന ആ​രോ​പ​ണം.

പാ​ർ​ട്ടി​യി​ൽ കൂ​ടി​യാ​ലോ​ചി​ക്കാ​തെ ഏ​താ​നും പാ​ർ​ശ്വ​വ​ർ​ത്തി​ക​ളെ​ കൂ​ട്ടി ന​ഗ​ര​ഭ​ര​ണം ചെ​യ​ർ​പേ​ഴ്സ​ണ്‍ ത​ന്നി​ഷ്്ട​പ്ര​കാ​രം ന​ട​ത്തു​ന്നു. ഉ​ദ്യോ​ഗ​സ്ഥ​രെ നി​ല​യ്ക്കു നി​ർ​ത്താ​ൻ ചെ​യ​ർ​പേ​ഴ്സ​നു ക​ഴി​യ​ണം. ഉ​ദ്യോ​ഗ​സ്ഥ​ർ ഭ​ര​ണ​ത്തെ പ​ന്തു​ത​ട്ടു​ക​യാ​ണെ​ന്നും അ​ദ്ദേ​ഹം പ​റ​യു​ന്നു.

സമാന്തര ഭരണം‍‍?
വൈ​സ് ചെ​യ​ർ​മാ​ന്‍റെ നേ​തൃ​ത്വ​ത്തി​ലാ​ണ് സ​മാ​ന്ത​ര ഭ​ര​ണ​മെ​ന്നു ചെ​യ​ർ​പേ​ഴ്സ​ണ്‍ ബി​ൻ​സി സെ​ബാ​സ്റ്റ്യ​ൻ പ്ര​തി​രോ​ധി​ക്കു​ന്നു. വൈ​സ് ചെ​യ​ർ​മാ​ന്‍റെ ആ​രോ​പ​ണം അ​ടി​സ്ഥാ​ന ര​ഹി​ത​മാ​ണ്്. പ്ര​തി​പ​ക്ഷ അം​ഗ​ങ്ങ​ളെ കൂ​ട്ടി സ​മാ​ന്ത​ര ഭ​ര​ണ​ത്തി​നു ശ്ര​മി​ക്കു​ന്ന​ത് വൈ​സ് ചെ​യ​ർ​മാ​നാ​ണ്.

പാ​ർ​ല​മെ​ന്‍റ​റി പാ​ർ​ട്ടി യോ​ഗ​ത്തി​ൽ ഒ​രു കാ​ര്യ​വും പ​റ​യാ​തെ കൗ​ണ്‍​സി​ൽ യോ​ഗ​ത്തി​ൽ വ​ന്നു ബ​ഹ​ള​മു​ണ്ടാ​ക്കു​ന്ന​ത് ശ​രി​യ​ല്ല. ഒ​രു ഉ​ദ്യോ​ഗ​സ്ഥ​നും ഇ​വി​ടെ ഭ​ര​ണം ന​ട​ത്തു​ന്നി​ല്ല. തീ​രു​മാ​ന​ങ്ങ​ൾ ന​ട​പ്പാ​ക്കാ​ൻ കാ​ല​താ​മ​സം വ​രു​ന്ന​ത് സാ​ങ്കേ​തി​ക​മാ​യ താ​മ​സം മാ​ത്ര​മാ​ണെ​ന്നു ചെ​യ​ർ​പേ​ഴ്സ​ണ്‍ പ​റ​യു​ന്നു.

ഇ​തി​നി​ട​യി​ൽ ന​ഗ​ര​സ​ഭ കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ അ​ട്ടി​മ​റി​ച്ചെ​ന്ന് ആ​രോ​പി​ച്ചും പ​ദ്ധ​തി തു​ക ചെ​ല​വ​ഴി​ക്കാ​തെ ന​ഷ്്ട​പ്പെ​ടു​ത്തി​യ​തി​നെ​തി​രെ​യും എ​ൽ​ഡി​എ​ഫ് നേ​തൃ​ത്വ​ത്തി​ൽ ഇ​ന്ന​ലെ ന​ഗ​ര​സ​ഭ ഓ​ഫീ​സി​നു മു​ന്പി​ൽ പ്ര​തി​ഷേ​ധ​വും സം​ഘ​ടി​പ്പി​ച്ചു.