അ​ന്യ​സം​സ്ഥാ​ന​ങ്ങ​ളി​ൽ നി​ന്നു​ള്ള ശ​ബ​രി​മ​ല തീ​ർ​ഥാ​ട​ക വാ​ഹ​ന​ങ്ങ​ളു​ടെ എ​ണ്ണം കൂ​ടി;​ കു​തി​രാ​നി​ൽ വീ​ണ്ടും  ഗ​താ​ഗ​ത​ക്കു​രു​ക്ക് രൂക്ഷം

വ​ട​ക്ക​ഞ്ചേ​രി: ഒ​രാ​ഴ്ച​ത്തെ ഇ​ട​വേ​ള​ക്ക് ശേ​ഷം ഇ​ന്ന് രാ​വി​ലെ കു​തി​രാ​നി​ലൂ​ടെ​യു​ള്ള വാ​ഹ​ന ഗ​താ​ഗ​തം വീ​ണ്ടും സ്തം​ഭി​ച്ചു. ഇ​ന്ന​ലെ അ​ർ​ധ​രാ​ത്രി​യോ​ടെ ആ​രം​ഭി​ച്ച കു​രു​ക്ക് പ​ത്ത് മ​ണി​ക്കൂ​ർ നീ​ണ്ടു. കു​തി​രാ​ൻ റോ​ഡി​ൽ പ​ല​യി​ട​ത്താ​യി ലോ​റി ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ കേ​ടു​വ​ന്ന് നി​ന്ന​തും കു​രു​ക്കി​നി​ട​യി​ലൂ​ടെ ചി​ല വാ​ഹ​ന​ങ്ങ​ൾ കു​ത്തി ക​യ​റി​യ​തു​മാ​ണ് കു​രു​ക്ക് രൂ​ക്ഷ​മാ​ക്കി​യ​ത്.

കു​തി​രാ​നി​ൽ വാ​ഹ​ന​ങ്ങ​ൾ കു​ടു​ങ്ങി​യ​തോ​ടെ തൃ​ശൂ​ർ-​പാ​ല​ക്കാ​ട് റൂ​ട്ടി​ൽ ഇ​ന്ന് രാ​വി​ലെ ബ​സ് സ​ർ​വീ​സ് ഭാ​ഗി​ക​മാ​യി​രു​ന്നു. ബ​സു​ക​ളെ​ല്ലാം വ​ട​ക്ക​ഞ്ചേ​രി-​പാ​ല​ക്കാ​ട് റൂ​ട്ടി​ൽ മാ​ത്ര​മാ​ക്കി സ​ർ​വ്വീ​സ് വെ​ട്ടി​ക്കു​റ​ച്ചു. തൃ​ശൂ​രി​ൽ നി​ന്നു​ള്ള ബ​സു​ക​ൾ പ​ട്ടി​ക്കാ​ട്, ചു​വ​ന്ന മ​ണ്ണ് ഭാ​ഗ​ത്തും കു​ടു​ങ്ങി കി​ട​ന്നു.

അ​ധ്യാ​പ​ക​രും വി​ദ്യാ​ർ​ഥി​ക​ളും മ​റ്റു യാ​ത്ര​ക്കാ​രു​മെ​ല്ലാം വ​ഴി​യി​ൽ​പ്പെ​ട്ടു. ഹൈ​വേ പോ​ലീ​സും പീ​ച്ചി പോ​ലീ​സും കു​തി​രാ​നി​ലെ ജ​ന​കീ​യ പ്ര​തി​ഷേ​ധ കൂ​ട്ടാ​യ്മ പ്ര​വ​ർ​ത്ത​ക​രും മ​റ്റു യാ​ത്ര​ക്കാ​രു​മെ​ല്ലാം ഏ​റെ പ​ണി​പ്പെ​ട്ടാ​ണ് കു​രു​ക്കി​ന് പ​രി​ഹാ​രം ക​ണ്ട​ത്.

വാ​ഹ​ന​ങ്ങ​ൾ ഇ​ഴ​ഞ്ഞു നീ​ങ്ങി ര​ണ്ടും മൂ​ന്നും മ​ണി​ക്കൂ​ർ എ​ടു​ത്താ​ണ് മൂ​ന്ന് കി​ലോ​മീ​റ്റ​ർ ഭാ​ഗം ക​ട​ന്നു പോ​യി​രു​ന്ന​ത്. നി​ര​വ​ധി വാ​ഹ​ന​ങ്ങ​ൾ ചേ​ല​ക്ക​ര വ​ഴി​യും ഷൊ​ർ​ണൂ​ർ വ​ഴി​യും തി​രി​ഞ്ഞു പോ​യെ​ങ്കി​ലും വാ​ഹ​ന പെ​രു​പ്പ​ത്തി​ൽ കു​തി​രാ​ൻ സ്തം​ഭി​ക്കു​ക​യാ​യി​രു​ന്നു.

അ​ന്യ​സം​സ്ഥാ​ന​ങ്ങ​ളി​ൽ നി​ന്നു​ള്ള ശ​ബ​രി​മ​ല തീ​ർ​ഥാ​ട​ക വാ​ഹ​ന​ങ്ങ​ളു​ടെ എ​ണ്ണ​വും കൂ​ടി​യ​തോ​ടെ കു​തി​രാ​ൻ വീ​ണ്ടും കു​രു​ക്കി​ലേ​ക്ക് നീ​ങ്ങു​ന്ന സ്ഥി​തി​യാ​ണ്. തൃ​ശൂ​ർ ഭാ​ഗ​ത്തേ​ക്കു​ള്ള തു​ര​ങ്ക പാ​ത​യെ​ങ്കി​ലും അ​ടി​യ​ന്തി​ര​മാ​യി വാ​ഹ​ന​ഗ​താ​ഗ​ത​ത്തി​ന് സ​ജ്ജ​മാ​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​യി​ട്ടു​ണ്ട്.