ഒല്ലൂർ (തൃശൂർ): ക്രിസ്റ്റഫർനഗറിൽ കെഎസ്ആർടിസി ബസും ടൂറിസ്റ്റ് ബസും കൂട്ടിയിടിച്ച് അപകടം. ആറുപേർക്ക് പരിക്കേറ്റു. രണ്ടു ബസുകളുടെയും ഡ്രൈവർമാർക്ക് സാരമായ പരിക്കുണ്ട്. ഇന്ന് പുലർച്ചെ രണ്ടോടെയായിരുന്നു അപകടം.
ബംഗ്ലൂരുവിൽ നിന്ന് തിരുവനന്തപുരത്തേയ്ക്കു പോകുകയായിരുന്ന ടുറിസ്റ്റ് ബസും എറണാകുളം ഭാഗത്തുനിന്ന് തൃശൂരിലേക്ക് വരികയായിരുന്ന കെഎസ്ആർടിസി ബസുമാണ് കൂട്ടിയിടിച്ചത്.
അപകടത്തിൽ പരിക്കേറ്റ ഡ്രൈവർമാർ ഉൾപ്പെടെയുള്ള ആറുപേരെയും തൃശൂരിലെ സ്വകാര്യാശുപത്രിയിൽപ്രവേശിപ്പിച്ചു. ഒല്ലൂർ പോലീസ് സ്ഥലത്തെത്തി രക്ഷാപ്രവർത്തനങ്ങൾക്കു നേതൃത്വം നൽകി.
