ചാലക്കുടി : വെട്ടിക്കുഴിയിൽ വീട്ടുപറമ്പിൽ വനപാലകർ സ്ഥാപിച്ച കെണി കൂട്ടിൽ പുലി കുടുങ്ങി. വെട്ടിക്കുഴി ചക്കാലക്കൽ റോയിയുടെ വീടിനു സമീപം പറമ്പിൽ സ്ഥാപിച്ച കെണി കൂട്ടിലാണ് പുലർച്ചെ പുലി കുടുങ്ങിയത്.
കഴിഞ്ഞ മാസം റോയിയുടെ വീട്ടിലെ കോഴിക്കൂട് തകർത്ത് അകത്തുകടന്ന പുലി കോഴികളെ കൊന്നു തിന്നിരുന്നു. ഈ പ്രദേശത്ത് പുലി ശല്യം പതിവായിരുന്നു.
ഇതിനെ തുടർന്ന് നാട്ടുകാർ ആവശ്യപ്പെട്ടതനുസരിച്ചാണ് കെണി കൂട് സ്ഥാപി ച്ചത്. ഇതിനിടയിൽ പുലി പട്ടിയെ പിടിച്ചുകൊണ്ടുപോയിരുന്നു. വനപാലകർ സ്ഥലത്തെത്തി പുലിയെ കൊണ്ടുപോകുന്നതിനുള്ള നടപടികൾ ആരംഭിച്ചു.
