എന്തിനാണ് പിന്നെ പണം മുടക്കി ഇതു വാരിക്കൂട്ടിയത് ? വാ​രി​യ മ​ണ​ൽ വീ​ണ്ടും പു​ഴ​യി​ലേ​ക്ക് ; പാതി ഒലിച്ചുപോയി

കൊ​ക്ക​യാ​ർ: പ്ര​ള​യ​ത്തി​ൽ ന​ദി​ക​ളി​ലും തോ​ടു​ക​ളി​ലും വ​ന്ന​ടി​ഞ്ഞു​കൂ​ടി​യ മ​ണ​ലും മാ​ലി​ന്യ​ങ്ങ​ളും ഒരു പരിധിവരെ നീക്കം ചെയ്തെങ്കിലും വാരിക്കൂട്ടിയ മണൽ വീണ്ടും പുഴയിലേക്കു തന്നെ എത്തുമെന്ന് ആശങ്ക.

വാ​രി​ക്കൂ​ട്ടി​യ മ​ണ​ൽ ലേ​ലം ചെ​യ്യാ​ത്ത​താണ് വിനയാകുന്നത്. കഴിഞ്ഞ ദിവസങ്ങളിലെ കനത്ത മഴയിൽ വാരിക്കൂട്ടിയ മണലിൽ ഒരു ഭാഗം ഒഴുകിപ്പോയി.

മേ​ജ​ർ ഇ​റി​ഗേ​ഷ​ൻ ഡി​പ്പാ​ർ​ട്ട്മെ​ന്‍റി​ന്‍റെ നേ​തൃ​ത്വ​ത്തി​ലാ​ണ് പു​ല്ല​ക​യാ​റ്റി​ലെ​യും മ​ണി​മ​ല​യാ​റ്റി​ലെ​യും മ​ണ​ലും മാ​ലി​ന്യ​ങ്ങ​ളും നീ​ക്കം ചെ​യ്യു​ന്ന​ത്.

ഇ​ങ്ങ​നെ സം​ഭ​രി​ക്കു​ന്ന മ​ണ​ൽ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ലേ​ലം ചെ​യ്യു​ക​യും തു​ക​യു​ടെ 70 ശ​ത​മാ​നം അ​തതു പ​ഞ്ചാ​യ​ത്തു​ക​ൾ​ക്കും 30 ശ​ത​മാ​നം റ​വ​ന്യു വ​കു​പ്പി​നും ല​ഭി​ക്കുകയും ചെയ്യുന്ന രീ​തി​യി​ലാ​യി​രു​ന്നു ആ​ദ്യം മ​ണ​ൽ നീ​ക്കംചെ​യ്യ​ൽ ആ​രം​ഭി​ച്ച​ത്.

പാതി ഒലിച്ചുപോയി

എ​ന്നാ​ൽ, പി​ന്നീ​ട് പ​ഞ്ചാ​യ​ത്തു​ക​ൾ ഈ ​മ​ണ​ൽ ലേ​ലം ചെ​യ്യേ​ണ്ട​ എന്ന നി​ല​പാ​ടാ​ണ് ബ​ന്ധ​പ്പെ​ട്ട വ​കു​പ്പു​ക​ൾ സ്വീ​ക​രി​ച്ച​ത്.

കൊ​ക്ക​യാ​ർ – മു​ണ്ട​ക്ക​യം – കൂ​ട്ടി​ക്ക​ൽ പ​ഞ്ചാ​യ​ത്തി​ന്‍റെ ഭാഗങ്ങളിൽ ആ​യി​ര​ക്ക​ണ​ക്കിനു ലോ​ഡ് മ​ണ​ലാ​ണ് ഇ​ങ്ങ​നെ കൂ​ട്ടി​യി​ട്ടി​രി​ക്കു​ന്ന​ത്.

എ​ന്നാ​ൽ മാ​സ​ങ്ങ​ൾ ക​ഴി​ഞ്ഞി​ട്ടും ഇ​തി​ന്‍റെ ലേ​ല ന​ട​പ​ടി​ക​ൾ ആരംഭിച്ചിട്ടില്ല. പു​ല്ലുക​യാ​റ്റി​ൽനി​ന്നും കു​ട്ടി​ക്ക​ൽ ചെ​ക്ക് ഡാ​മി​ൽനി​ന്നും ശേ​ഖ​രി​ച്ച മ​ണ്ണ​ൽ കൊ​ക്ക​യാ​ർ പ​ഞ്ചാ​യ​ത്തി​ന്‍റെ ബോ​യ്സ് എ​സ്റ്റേ​റ്റ്, മു​ക്കു​ളം എ​ന്നീ പ്ര​ദേ​ശ​ങ്ങ​ളി​ലാ​ണ് ശേഖരിച്ചിരി​ക്കു​ന്ന​ത്.

ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത ശ​ക്ത​മാ​യ മ​ഴ​യി​ൽ ഇ​വി​ടു​ത്തെ മ​ണ​ൽ പാ​തി ഒ​ലി​ച്ചുപോ​യ നി​ല​യി​ലാ​ണ്.

കാ​ല​വ​ർ​ഷം ശ​ക്ത​മാ​കു​ന്ന​തോ​ടെ ഈ ​മ​ണ​ൽ വീ​ണ്ടു​മൊ​ഴു​കി പു​ല്ല​ക​യാ​റ്റി​ലും മ​ണി​മ​ല​യാ​റ്റി​ലു​മെ​ത്താ​നു​ള്ള സാ​ധ്യ​ത​യേ​റെ​യാ​ണ്.

കാ​ല​വ​ർ​ഷം ശ​ക്തി​പ്രാ​പി​ക്കു​ന്ന​തി​ന് മു​മ്പ് ലേ​ലം നടന്നില്ലെങ്കിൽ ല​ക്ഷ​ങ്ങ​ൾ മു​ട​ക്കി വാരിക്കൂട്ടിയ മണൽ വീണ്ടും പുഴയിലെത്തും.