കു​റ​വ​ൻ​തോ​ട്ടിൽ മാ​ലി​ന്യക്കൂമ്പാ​രം; ദു​ർ​ഗ​ന്ധം കൊ​ണ്ട് പൊ​റു​തി മു​ട്ടി നാ​ട്ടു​കാ​ർ; കാമറ സ്ഥാപിക്കണമെന്ന ആവശ്യം ശക്തമാകുന്നു

അ​മ്പ​ല​പ്പു​ഴ:​കു​റ​വ​ൻ​തോ​ട്ടിൽ മാ​ലി​ന്യ കൂ​മ്പാ​രം. ദു​ർ​ഗ​ന്ധം കൊ​ണ്ട് പൊ​റു​തി മു​ട്ടി നാ​ട്ടു​കാ​ർ. പു​ന്ന​പ്ര തെ​ക്ക് ഗ്രാ​മ​പ​ഞ്ചാ​യ​ത്ത് പ​രി​ധി​യി​ൽ സ്ഥി​തി ചെ​യ്യു​ന്ന കു​റ​വ​ൻ​തോ​ട് ജം​ഗ്ഷ​ൻ മു​ത​ൽ കി​ഴ​ക്കോ​ട്ട് കി​ട​ക്കു​ന്ന തോ​ട്ടി​ലാ​ണ് മാ​ലി​ന്യ​ങ്ങ​ൾ കു​മി​ഞ്ഞ് കൂ​ടി ദു​ർ​ഗ​ന്ധം വ​മി​ക്കു​ന്ന​ത്.ഈ ​തോ​ടി​നോ​ട് ചേ​ർ​ന്നു​ള്ള പ​ഴ​യ ന​ട​ക്കാ​വ് റോ​ഡി​ന് വേ​ണ്ടി​യു​ള്ള ക​ൽ​ക്കെ​ട്ട് പി​ച് നി​ർ​മ്മാ​ണ​ത്തി​ന്‍റെ മാ​ലി​ന്യ​ങ്ങ​ൾ ഗ്രാ​മ പ​ഞ്ചാ​യ​ത്ത് നീ​ക്കം ചെ​യ്തു കൊ​ടു​ക്കാ​ത്ത​തി​നാ​ൽ നീ​രൊ​ഴു​ക്ക് നി​ല​ച്ച അ​വ​സ്ഥ​യി​ലാ​ണ് .

കു​റ​വ​ൻ​തോ​ട് ജം​ഗ്ഷ​ൻ മു​ത​ൽ കി​ഴ​ക്ക് വെ​ള്ളാ​പ്പ​ള്ളി മു​ക്ക് വ​രെ റോ​ഡി​ന് വീ​തി കൂ​ട്ടു​ന്ന​തി​നാ​യി പി​ച്ച് നി​ർ​മ്മാ​ണം ന​ട​ന്നു​കൊ​ണ്ടി​രി​ക്കു​ക​യാ​യി​രു​ന്നു എ​ന്നാ​ൽ ആ​ഴ്ച​ക​ളാ​യി പ​ഞ്ചാ​യ​ത്തി​നോ​ട് പിഡബ്ളിയുഡി കു​റ​വ​ൻ​തോ​ട്ടി​ലെ മാ​ലി​ന്യ​ങ്ങ​ൾ നീ​ക്കം ചെ​യ്യു​വാ​ൻ ആ​വ​ശ്യ​പ്പെ​ട്ട​ങ്കി​ലും പ​ഞ്ചാ​യ​ത്ത് അ​ധി​കാ​രി​ക​ൾ മാ​ലി​ന്യം നീ​ക്കം ചെ​യ്യു​വാ​ൻ ന​ട​പ​ടി സ്വീ​ക​രി​ക്കാ​ത്ത​തി​നാ​ൽ പി​ച്ച് നി​ർ​മ്മാ​ണം പൂ​ർ​ത്തി​യാ​ക്കാ​ൻ സാ​ധി​ച്ചി​ല്ല.

പി​ച്ച് നി​ർ​മ്മാ​ണം ക​ഴി​ഞ്ഞാ​ൽ മാ​ത്ര​മെ പ​ഴ​യ ന​ട​ക്കാ​വ് റോ​ഡി​ന്‍റെ നി​ർ​മ്മാ​ണം പൂ​ർ​ത്തി​ക​രി​ക്കാ​ൻ പിഡബ്ളിയുഡി ക്ക് ​ക​ഴി​യുകയു​ള്ളു .ഈ ​റോ​ഡി​ലൂ​ടെ ദി​വ​സേ​ന നൂ​റ് ക​ണ​ക്കി​ന് സ്കൂ​ൾ വി​ദ്യാ​ർ​ത്ഥി​ക​ള​ട​ക്കം ഉ​ള്ള​വ​ർ​ കാ​ൽ​ന​ട​യാ​യി സ​ഞ്ച​രി​ക്കു​ന്നു. റോ​ഡി​ൽ പൊ​ടി​പ​ട​ലം മൂ​ലം യാ​ത്ര ചെ​യ്യു​വാ​ൻ വ​യ്യാ​ത്ത അ​വ​സ്ഥ​യാ​ണു​ള്ള​ത് .ഈ ​ഭാ​ഗ​ത്തു​ള്ള റോ​ഡ് പൊ​ളി​ച്ചി​ട്ട് മാ​സ​ങ്ങ​ളാ​യി .

കു​റ​വ​ൻ​തോ​ട്ടി​ലെ മാ​ലി​ന്യ​ങ്ങ​ൾ നീ​ക്കം ചെ​യ്ത ശേ​ഷം പു​ന്ന​പ്ര സൗ​ത്ത് ഗ്രാ​മ​പ​ഞ്ചാ​യ​ത്ത് മു​ൻ​കൈ എ​ടു​ത്ത് സിസിടിവി ക്യാ​മ​റ സ്ഥാ​പി​ക്കു​ക​യും രാ​ത്രി​യു​ടെ മ​റ​വി​ൽ മാ​ലി​ന്യ​ങ്ങ​ൾ നി​ക്ഷേ​പി​ക്കു​ന്ന​വ​രെ പി​ടി​കൂ​ടി ശി​ക്ഷി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം .ഈ ​ആ​വ​ശ്യ​ങ്ങ​ൾ ഉ​ന്ന​യി​ച്ചു കു​റ​വ​ൻ​തോ​ട് റെ​സി​ഡ​ൻ​സ് അ​സ്സോ​സി​യേ​ഷ​ൻ അ​ധി​കാ​ര കേ​ന്ദ്ര​ങ്ങ​ളി​ൽ പ​രാ​തി ന​ൽ​കാ​ൻ തീ​രു​മാ​നി​ച്ചു.