വി​വാ​ഹം ബ​ഹി​രാ​കാ​ശ​ത്ത്, ഒ​രാ​ൾ​ക്ക് ഒ​രു കോ​ടി; പ​ദ്ധ​തി അ​ടു​ത്ത​വ​ർ​ഷം മു​തൽ; ഇതുവരെ വിറ്റ ടി​ക്ക​റ്റു​ക​ളുടെ എണ്ണം അമ്പരപ്പിക്കുന്നത്…

വി​വാ​ഹാ​ഘോ​ഷം വ്യ​ത്യ​സ്ത​മാ​ക്കാ​ൻ പ​ല​രും പ​ല​തും ചെ​യ്യു​ന്നു​ണ്ട്. എ​ന്തൊ​ക്കെ പു​തു​മ കൊ​ണ്ടു​വ​ന്നാ​ലും മ​റ്റു​ള്ള​വ​രെ കോ​പ്പി​യ​ടി​ച്ചെ​ന്ന ആ​ക്ഷേ​പ​മാ​യി​രി​ക്കും മി​ച്ചം.

എ​ന്നാ​ൽ വി​വാ​ഹം ഭൂ​മി​യി​ലാ​ക്കാ​തെ ബ​ഹി​രാ​കാ​ശ​ത്താ​ക്കി​യാ​ലോ എ​ന്ന ആ​ശ​യ​വു​മാ​യി എ​ത്തി​യി​രി​ക്കു​ക​യാ​ണ് ഒ​രു ബ​ഹി​രാ​കാ​ശ യാ​ത്രാ ക​മ്പ​നി. സ്‌​പേ​സ് പെ​ർ​സ്പെ​ക്‌​റ്റീ​വ് എ​ന്ന ക​മ്പ​നി​യാ​ണ് ഈ ​ആ​ശ​യ​ത്തി​നു പി​ന്നി​ൽ.

ക​മ്പ​നി​യു​ടെ നെ​പ്‌​ട്യൂ​ൺ ബ​ഹി​രാ​കാ​ശ പേ​ട​കം ഉ​പ​യോ​ഗി​ച്ച് നി​ങ്ങ​ളു​ടെ ആ​ഗ്ര​ഹം സാ​ധ്യ​മാ​ക്കു​മെ​ന്നാ​ണ് ക​ന്പ​നി​യു​ടെ അ​വ​കാ​ശ​വാ​ദം. സാ​ധാ​ര​ണ ബ​ഹി​രാ​കാ​ശ യാ​ത്ര​പോ​ലെ​യു​ള്ള അ​നു​ഭ​വം ആ​യി​രി​ക്കി​ല്ലെ​ന്നും ആ​ഡം​ബ​ര​പൂ​ർ​ണ​മാ​യ ഒ​രു യാ​ത്ര​യാ​യി​രി​ക്കു​മ​തെ​ന്നും ബ​ഹി​രാ​കാ​ശ യാ​ത്ര ന​ട​ത്താ​നു​ള്ള ശാ​രീ​രി​ക-​സാ​ന്പ​ത്തി​ക യോ​ഗ്യ​ത​യു​ള്ള ആ​രെ​യും ത​ങ്ങ​ൾ പ​രി​ഗ​ണി​ക്കു​മെ​ന്നും ക​മ്പ​നി പ​റ​യു​ന്നു.

ബ​ഹി​രാ​കാ​ശ പേ​ട​കം റോ​ക്ക​റ്റു​ക​ളി​ല്ലാ​തെ ഒ​രു സ്പേ​സ് ബ​ലൂ​ൺ ഉ​പ​യോ​ഗി​ച്ചാ​യി​രി​ക്കും ഉ​യ​ർ​ത്തു​ക. വ​ധൂ​വ​ര​ന്മാ​ർ​ക്ക് പേ​ട​ക​ത്തി​നു​ള്ളി​ൽ വി​ശ്ര​മി​ക്കാ​നും കോ​ക്ക്ടെ​യി​ലു​ക​ൾ പ​ങ്കി​ടാ​നും സൗ​ക​ര്യം ഒ​രു​ക്കി​യി​ട്ടു​ണ്ടാ​കും.

പേ​ട​ക​ത്തി​ലെ ഒ​രു സീ​റ്റി​ന് വി​ല​യാ​യി ന​ൽ​കേ​ണ്ട​ത് 1,25,000 ഡോ​ള​ർ ആ​യി​രി​ക്കും. അ​താ​യ​ത് ഒ​രു കോ​ടി രൂ​പ​യ്ക്കു മു​ക​ളി​ല്‍. അ​ടു​ത്ത​വ​ർ​ഷം പ​ദ്ധ​തി ആ​രം​ഭി​ക്കും.

ഇ​തി​നോ​ട​കം 1000ല​ധി​കം ടി​ക്ക​റ്റു​ക​ൾ വി​റ്റു​പോ​യെ​ന്നു ക​മ്പ​നി വ​ക്താ​ക്ക​ൾ അ​വ​കാ​ശ​പ്പെ​ടു​ന്നു. അ​മേ​രി​ക്ക​ൻ എ​യ്‌​റോ​സ്‌​പേ​സ് എ​ക്‌​സി​ക്യൂ​ട്ടീ​വും എ​ഴു​ത്തു​കാ​രി​യും പ്ര​ഭാ​ഷ​ക​യു​മാ​യ ജെ​യ്ൻ പോ​യി​ന്‍റ​ർ ആ​ണ് ക​മ്പ​നി​യു​ടെ സ്ഥാ​പ​ക​യും സ​ഹ-​സി​ഇ​ഒ​യും.