കു​ട്ടി​യെ കാ​ണാ​താ​യ സം​ഭ​വം; പ്ര​തി​യെ ക​ണ്ടെ​ത്താ​നാ​കാ​തെ പോ​ലീ​സ്; കു​ട്ടി ഒ​റ്റ​യ്ക്കു ന​ട​ന്നു പോ​കി​ല്ലെ​ന്നു ബ​ന്ധു​ക്ക​ൾ

തി​രു​വ​ന​ന്ത​പു​രം: ചാ​ക്ക​യി​ൽനി​ന്നു കാ​ണാ​താ​യ ര​ണ്ട് വ​യ​സു​കാ​രി​യെ ക​ണ്ടെ​ത്തി ദി​വ​സ​ങ്ങ​ൾ പി​ന്നി​ട്ടി​ട്ടും പ്ര​തി​ക​ളെ​ക്കു​റി​ച്ച് വ്യ​ക്ത​മാ​യ വി​വ​രം കി​ട്ടാ​തെ പോ​ലീ​സ്. നി​ര​വ​ധി സി​സി​ടി​വി കാ​മ​റ ദൃ​ശ്യ​ങ്ങ​ൾ പ​രി​ശോ​ധി​ച്ചി​ട്ടും നി​ർ​ണാ​യ​ക വി​വ​ര​ങ്ങ​ൾ പോ​ലീ​സി​ന് ഇ​തു​വ​രെ ല​ഭി​ച്ചി​ട്ടി​ല്ല. ക​ഴി​ഞ്ഞ ദി​വ​സം രാ​ത്രി​യി​ലാ​ണ് കൊ​ച്ചു​വേ​ളി റെ​യി​ൽ​വേ സ്റ്റേ​ഷ​ന് സ​മീ​പ​ത്തെ പൊ​ന്ത​ക്കാ​ടി​നോ​ട് ചേ​ർ​ന്നു​ള്ള ഓ​ട​യി​ൽനി​ന്നു ക്ഷീ​ണി​ത​യാ​യ കു​ട്ടി​യെ പോ​ലീ​സ് ക​ണ്ടെ​ത്തി​യ​ത്.

കു​ട്ടി​യെ ആ​രെ​ങ്കി​ലും ത​ട്ടി​ക്കൊ​ണ്ടുപോ​യശേ​ഷം പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യ​പ്പോ​ൾ ഉ​പേ​ക്ഷി​ച്ചതോ അ​ല്ലെ​ങ്കി​ൽ കു​ട്ടി ഒ​റ്റ​യ്ക്ക് ന​ട​ന്ന് പൊ​ന്ത​ക്കാ​ട്ടി​ന​രി​കി​ലേ​ക്ക് പോ​യ​തോ ആ​കാ​മെ​ന്നാ​ണ് പോ​ലീ​സി​ന്‍റെ നി​ഗ​മ​നം. എ​ന്നാ​ൽ കു​ട്ടി ഒ​റ്റ​യ്ക്ക് ന​ട​ന്ന് പോ​കി​ല്ലെ​ന്നാ​ണ് കു​ട്ടി​യു​ടെ പി​താ​വും ബ​ന്ധു​ക്ക​ളും പ​റ​യു​ന്ന​ത്.

കു​ട്ടി റെ​യി​ൽ​വെ ട്രാ​ക്കി​ന​ടു​ത്തേ​ക്ക് സ്വ​യം പോ​യി​ട്ടി​ല്ലെ​ന്നും കി​ട​ക്കു​ന്ന സ്ഥ​ല​ത്തുനി​ന്നു മ​റ്റൊ​രി​ട​ത്തേ​ക്കും ത​ന്‍റെ കു​ട്ടി​ക​ൾ പോ​കി​ല്ലെ​ന്നു​മാ​ണ് പി​താ​വ് മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞ​ത്. ത​ങ്ങ​ളു​ടെ കൂ​ട്ട​ത്തി​ലു​ള്ള ആ​രും കു​ട്ടി​യെ ത​ട്ടി​ക്കൊ​ണ്ട് പോ​കി​ല്ലെ​ന്നും മാ​താ​പി​താ​ക്ക​ളും ബ​ന്ധു​ക്ക​ളും പ​റ​യു​ന്നു. ത​ങ്ങ​ൾ​ക്ക് ആ​രെ​യും സം​ശ​യ​മി​ല്ലെ​ന്നും ഇ​വ​ർ പ​റ​യു​ന്നു. എ​സ്എ​ടി ആ​ശു​പ​ത്രി​യി​ൽ ചി​കി​ത്സ​യി​ലാ​ണ് ര​ണ്ട് വ​യ​സു​കാ​രി .

കു​ട്ടി​യെ വി​ട്ട് ത​ര​ണ​മെ​ന്നാ​വ​ശ്യ​പ്പെ​ട്ട് കു​ട്ടി​യു​ടെ മാ​താ​പി​താ​ക്ക​ളും ബ​ന്ധു​ക്ക​ളും എ​സ്എ​ടി ആ​ശു​പ​ത്രി സൂ​പ്ര​ണ്ട് ഓ​ഫീ​സി​ന് മു​ന്നി​ൽ പ്ര​തി​ഷേ​ധി​ക്കു​ക​യാ​ണ്. ഇ​വ​രു​ടെ മ​റ്റ് കു​ട്ടി​ക​ൾ ചൈ​ൾ​ഡ് വെ​ൽ​ഫെ​യ​ർ ക​മ്മി​റ്റി​യു​ടെ സം​ര​ക്ഷ​ണ​യി​ലാ​ണ്. അ​തേസ​മ​യം കു​ട്ടി​യെ അ​വ​ശ​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നാ​ണ് പോ​ലീ​സ് വ്യ​ക്ത​മാ​ക്കി​യ​ത്.

പേ​ട്ട റെ​യി​ല്‍​വേ സ്റ്റേ​ഷ​നു സ​മീ​പം താ​മ​സി​ച്ചു​വ​രി​ക​യാ​യി​രു​ന്ന നാ​ടോ​ടി ദ​മ്പ​തി​ക​ളു​ടെ മ​ക​ളെ​യാ​ണ് രണ്ട് ദിവസം മുന്പ് പു​ല​ർ​ച്ചെ കാ​ണാ​താ​യ​ത്. മൂ​ന്നു സ​ഹോ​ദ​ര​ങ്ങ​ള്‍​ക്കൊ​പ്പം ഉ​റ​ങ്ങി​ക്കി​ട​ന്ന കു​ട്ടി​യെ ആ​ണ് കാ​ണാ​താ​യ​ത്. 19 മ​ണി​ക്കൂ​ര്‍ നീ​ണ്ട തെ​ര​ച്ചി​ലി​നൊ​ടു​വി​ലാ​ണ് കു​ട്ടി​യെ 300 മീ​റ്റ​ര്‍ അ​ക​ലെ റേ​റ്റി​ല്‍​വെ പാ​ള​ത്തി​ന​ടു​ത്ത് ഒ​രു ഓ​ട​യി​ല്‍ ക​ണ്ടെ​ത്തി​യ​ത്.