തീരത്തടിഞ്ഞത് ആഴിമലയിൽ ദു​രൂ​ഹ സാ​ഹ​ച​ര്യ​ത്തി​ൽ കാ​ണാ​താ​യ യു​വാ​വിന്‍റെ മൃ​ത​ദേ​ഹമോ? ഡി​എ​ൻ​എ പ​രി​ശോ​ധ​ന വേണമെന്ന് പോലീസ് പറ‍യുന്ന കാരണം ഇങ്ങനെ

വി​ഴി​ഞ്ഞം: പെ​ൺ സു​ഹൃ​ത്തി​നെ തേ​ടി ആ​ഴി​മ​ല​യി​ൽ എ​ത്തി ദു​രൂ​ഹ സാ​ഹ​ച​ര്യ​ത്തി​ൽ കാ​ണാ​താ​യ കി​ര​ണി​ന്‍റേതെ​ന്ന് സം​ശ​യി​ക്കു​ന്ന മൃ​ത​ദേ​ഹം ത​മി​ഴ്നാ​ട് കു​ള​ച്ച​ൽ നി​ദ്ര​വി​ള തീ​ര​ത്ത​ടി​ഞ്ഞു.

പി​താ​വും ബ​ന്ധു​ക്ക​ളും മൃ​ത​ദേ​ഹം തി​രി​ച്ച​റി​ഞ്ഞെ​ങ്കി​ലും സം​ശ​യ​മു​ള്ള​തി​നാ​ൽ ഡി​എ​ൻ​എ പ​രി​ശോ​ധ​ന​ക്കു​ശേ​ഷ​മേ വി​ട്ടു ന​ൽ​കു​വെ​ന്ന് പോ​ലീ​സ് പ​റ​ഞ്ഞു.

ആ​ശാ​രി​പ്പ​ള്ളം മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ന്ന മൃ​ത​ദേ​ഹം ഡി​എ​ൻ​എ ടെ​സ്റ്റ് ഫ​ലം​വ​ന്ന​ശേ​ഷം പോ​സ്റ്റ്മോ​ർ​ട്ടം ന​ട​ത്തു​മെ​ന്ന് പോ​ലീ​സ് പ​റ​ഞ്ഞു.

ഇ​ന്ന​ലെ പു​ല​ർ​ച്ചെയോ​ടെ​യാ​ണ് യു​വാ​വി​ന്‍റെ മൃ​ത​ദേ​ഹം തീ​ര​ത്ത​ടി​ഞ്ഞ​ത്. കു​ള​ച്ച​ൽ പോ​ലീ​സ് വി​വ​ര​മ​റി​യി​ച്ച​തി​നെ തു​ട​ർ​ന്ന് വി​ഴി​ഞ്ഞം സി​ഐ പ്ര​ജീ​ഷ് ശ​ശി​യു​ടെ നേ​തൃ​ത്വ​ത്തി​ലു​ള്ള പോ​ലീ​സും കി​ര​ണി​ന്‍റെ പി​താ​വ് മ​ധു​വും ബ​ന്ധു​ക്ക​ളും രാ​വി​ലെ​യോ​ടെ സ്ഥ​ല​ത്ത് എ​ത്തി.

വ​ല​തു കൈ​യി​ലെ വെ​ളു​ത്ത ച​ര​ടും കാ​ലി​ലെ വി​ര​ലു​ക​ളു​ടെ വ്യ​ത്യാ​സ​വും ക​ണ്ട തോ​ടെ മൃ​ത​ദേ​ഹം കി​ര​ണി​ന്‍റെ​തെ​ന്ന് ബ​ന്ധു​ക്ക​ൾ വി​ല​യി​രു​ത്തി.

എ​ന്നാ​ൽ മൃ​ത​ദേ​ഹ​ത്തി​ൽ വ​സ്ത്ര​ങ്ങ​ൾ ഇ​ല്ലാ​യി​രു​ന്ന​തും കാ​ല​പ്പ​ഴ​ക്ക​വും പോ​ലീ​സി​ന്‍റെ സം​ശ​യം കൂ​ട്ടി. ക​ഴി​ഞ്ഞ ശ​നി​യാ​ഴ്ച കി​ര​ണി​നെ കാ​ണാ​താ​കു​മ്പോ​ൾ വെ​ള്ള പാ​ന്‍റും ക​റു​ത്ത ഷ​ർ​ട്ടു​മാ​യി​രു​ന്നു വേ​ഷം.

ഒ​രാ​ഴ്ച മു​ൻ​പ് കോ​ഴി​ക്കോ​ട് വേ​പ്പൂ​ർ , കൊ​ല്ലം നീ​ണ്ട​ക​ര എ​ന്നി​വി​ട​ങ്ങ​ളി​ൽ നി​ന്നും ക​ട​ലി​ൽ കാ​ണാ​താ​യ​വ​രെ​യും ഇ​തു​വ​രെ ക​ണ്ടെ​ത്താ​നാ​യി​ട്ടി​ല്ല. ഇ​ത്ത​രം സം​ശ​യ​ങ്ങ​ളാ​ണ് ഡി​എ​ൻ​എ പ​രി​ശോ​ധ​ന​ക്കാ​യി പോ​ലീ​സി​നെ പ്രേ​രി​പ്പി​ച്ച​ത്.

ഇ​ന്ന​ലെ ക​ണ്ടെ​ത്തി​യ​ത് കി​ര​ണി​ന്‍റെ മൃ​ത​ദേ​ഹ​മാ​ണെ​ന്ന വാ​ർ​ത്ത വ​ന്ന​തോ​ടെ ആ​ഴി മ​ല​മേ​ഖ​ല​യി​ൽ തീ​ര​ദേ​ശ പോ​ലീ​സി​ന്‍റെ​യും മ​റൈ​ൻ എ​ൻ​ഫോ​ഴ്സ്മെ​ന്‍റി​ന്‍റെ​യും തെ​ര​ച്ചി​ലും നി​ർ​ത്തിവച്ചു.