മൂ​വാ​റ്റു​പു​ഴ​യാ​ർ ക​ര​ക​വി​ഞ്ഞു; താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ൽ; മ​ഴ​കനത്താൽ ഇനിയും വെ​ള്ളം പൊങ്ങുമെന്ന ആ​ശ​ങ്ക​യി​ലാ​ണ് നാ​ട്ടു​കാ​ർ

മൂ​വാ​റ്റു​പു​ഴ: ക​ന​ത്ത മ​ഴ​യി​ൽ മൂ​വാ​റ്റു​പു​ഴ​യാ​ർ ക​ര​ക​വി​ഞ്ഞു. താ​ഴ്ന്ന പ്ര​ദേ​ശ​ങ്ങ​ളെ​ല്ലാം വെ​ള്ള​ത്തി​ലാ​യി. ന​ഗ​ര​ത്തി​ലെ ഇ​ലാ​ഹി​യ കോ​ള​നി, കൊ​ച്ച​ങ്ങാ​ടി, എ​ട്ട​ങ്ങാ​ടി, ഹോ​മി​യോ ആ​ശു​പ​ത്രി, പെ​രു​മ​റ്റം കൂ​ൾ​മാ​രി എ​ന്നി​വി​ട​ങ്ങ​ളി​ലെ​ല്ലാം വെ​ള്ളം ക​യ​റി നി​ര​വ​ധി വീ​ടു​ക​ളി​ൽ വെ​ള്ളത്തിലായി. ഇ​ന്ന​ലെ രാ​ത്രി​യോ​ടെ​യാ​ണ് വെ​ള്ളം ക​യ​റി തു​ട​ങ്ങി​യ​ത്. മ​ഴ​യു​ടെ ശ​ക്തി​കൂ​ടി​യാ​ൽ ഇ​നി​യും വെ​ള്ളം ക​യ​റു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.

മാ​ർ​ക്ക​റ്റ് ഭാ​ഗ​ത്തേ​യ്ക്ക് വെ​ള്ളം ക​യ​റു​മെ​ന്ന ആ​ശ​ങ്ക​യു​ള്ള​തി​നാ​ൽ വ്യാ​പാ​രി​ക​ൾ സാ​ധ​ന​ങ്ങ​ൾ എ​ല്ലാം മാ​റ്റി തു​ട​ങ്ങി. ടൗ​ൺ യു​പി സ്കൂ​ൾ, എ​ൻ​എ​സ്എ​സ് സ്കൂ​ൾ, ഇ​ലാ​ഹി​യ സ്കൂ​ൾ എ​ന്നി​വി​ട​ങ്ങ​ളി​ലെ​ല്ലാം ദു​രി​താ​ശ്വാ​സ ക്യാ​ന്പും പ്ര​വ​ർ​ത്ത​നം ആ​രം​ഭി​ച്ചു. അ​വി​ടേ​യ്ക്ക് ആ​ളു​ക​ളെ മാ​റ്റി തു​ട​ങ്ങി. പോ​ലീ​സ്, ഫ​യ​ർ​ഫോ​ഴ്സ്, റ​വ​ന്യൂ​വ​കു​പ്പ് അ​ധി​കൃ​ത​രെ​ല്ലാം രാ​ത്രി മു​ത​ൽ സ്ഥ​ല​ത്തെ​ത്തി​യി​ട്ടു​ണ്ട്.

ഫ​യ​ർ​ഫോ​ഴ്സ് പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ലേ​ക്കും വെ​ള്ളം ക​യ​റി​രി​ക്കു​ക​യാ​ണ്. റോ​ഡു​ക​ളി​ലെ വെ​ള്ള​കെ​ട്ടു​മൂ​ലം ന​ഗ​ര​ത്തി​ൽ ഗ​താ​ഗ​ത​കു​രു​ക്കും രൂ​ക്ഷ​മാ​ണ്. വാ​ഴ​പ്പി​ള്ളി, അ​ര​മ​ന ജം​ഗ്ഷ​ൻ, പെ​രു​മ​റ്റം എ​ന്നി​വി​ട​ങ്ങ​ളി​ലെ​ല്ലാം വെ​ള്ളം​കെ​ട്ടു​മൂ​ലം കാ​ൽ​ന​ട വ​രെ ദു​രി​ത​മാ​യി​രി​ക്കു​ക​യാ​ണ്. പൊ​തു​വേ യാ​ത്രാ​ക്കു​രു​ക്കു​ള്ള മൂ​വാ​റ്റു​പു​ഴ ന​ഗ​ര​ത്തി​ൽ വെ​ള്ള​ക്കെ​ട്ടു​മാ​യ​തോ​ടെ ന​ഗ​രം നി​ശ്ച​ല​മാ​യി​രി​ക്കു​ക​യാ​ണ്.

‌ന​ഗ​ര​സ​ഭ പ​തി​മൂ​ന്നാം വാ​ർ​ഡി​ൽ കി​ഴ​ക്കേ​ക​ര ന​രി​മ​റ്റം റോ​ഡി​ലെ നാ​ല് വീ​ടു​ക​ളി​ൽ വെ​ള്ളം ഒ​ഴു​കി​യെ​ത്തി. പാ​ലാ​ക്കാ​ര​ൻ മ​റി​യാ​മ്മ മൈ​ക്കി​ൾ, അ​ഞ്ജ​ന​ത്തി​ൽ ഹ​രി​കൃ​ഷ്ണ​ൻ, വേ​ങ്ങ​ത്താ​ന​ത്ത് ല​ത്തീ​ഫ്, ആ​ശ്ര​മ​ത്താ​ഴ​ത്ത് ദി​ലീ​പ് എ​ന്നി​വ​രു​ടെ വീ​ടു​ക​ളി​ലാ​ണ് വെ​ള്ളം ക​യ​റി​യ​ത്.

ഓ​ട മ​ണ്ണി​ട്ടു മൂ​ടി​യ​തും ചി​ല സ്ഥ​ല​ങ്ങ​ളി​ൽ ഓ​ട ക്ലീ​ൻ ചെ​യ്യാ​ത്ത​തു​മാ​ണ് വെ​ള്ളം ക​യ​റാ​ൻ കാ​ര​ണ​മാ​യ​ത്. ക​ടാ​തി സ്വ​ദേ​ശി സു​ബ്ര​ഹ്മ​ണ്യ​ന്‍റെ വീ​ടി​നു മ​ക​ളി​ലേ​ക്കു മ​രം വീ​ണ് കേ​ടു​പാ​ടു​ക​ൾ സം​ഭ​വി​ച്ചു. ന​ഗ​ര​ത്തി​ലെ ആ​ന​ച്ചാ​ൽ, സ്റ്റേ​ഡി​യ​ത്തി​നു പ​രി​സ​ര​ത്തെ പാ​ട​ശേ​ഖ​ര​ങ്ങ​ൾ തു​ട​ങ്ങി​യ സ്ഥ​ല​ങ്ങ​ൾ നി​ല​വി​ൽ വെ​ള്ള​ത്തി​ന​ടി​യി​ലാ​ണ്.