വാ​യ്പുണ്ണ് ( മൗത്ത് അ​ൾ​സ​ർ) എ​ങ്ങ​നെ ചി​കി​ത്സി​ക്കാം?

ചു​ണ്ടു​ക​ൾ, ക​വി​ൾ, നാ​വി​ന്‍റെ ഇ​രു​വ​ശം, ടോ​ൺ​സി​ലി​നു ചു​റ്റും എ​ന്നീ സ്ഥ​ല​ങ്ങ​ളി​ലാ​ണ് ആഫ്തസ് അൾസർ സാ​ധാ​ര​ണ​യാ​യി ക​ണ്ടു​വ​രു​ന്ന​ത്. ഈ ​അ​ൾ​സ​റു​ക​ൾ 5 എം​എ​മ്മി​ൽ താ​ഴെ വ​ലുപ്പമു​ള്ള​വ​യാ​ണ്.

എ​പ്പോ​ൾ ചി​കി​ത്സ തേ​ടാം?
ര​ണ്ടാ​ഴ്ച​യി​ൽ കൂ​ടു​ത​ൽ വാ​യ്പു​ണ്ണ് നി​ല​നി​ൽ​ക്കു​ക​യോ പ​തി​വാ​യി വാ​യ്പു​ണ്ണ് വ​രി​ക​യോ ചെ​യ്താ​ൽ ദ​ന്ത​ഡോ​ക്‌​ട​റെ കാ​ണു​ക. അ​സാ​ധാ​ര​ണ​മാ​യ വ​ലി​യ വാ​യ്പു​ണ്ണ്, വേ​ദ​ന​യി​ല്ലാ​ത്ത വ്ര​ണം, അ​ധ​ര​ങ്ങ​ളി​ലേ​ക്കു നീ​ളു​ന്ന അ​ൾ​സ​ർ, ഭ​ക്ഷ​ണം ക​ഴി​ക്കാ​നും കു​ടി​ക്കാ​നും ക​ഠി​ന​മാ​യ ബു​ദ്ധി​മു​ട്ടു​ക​ൾ, വ്ര​ണം പ്ര​ത്യ​ക്ഷ​പ്പെ​ടു​ന്പോ​ഴെ​ല്ലാം ക​ടു​ത്ത പ​നി അ​ല്ലെ​ങ്കി​ൽ വ​യ​റി​ള​ക്കം എ​ന്നി​വ ക​ണ്ടാ​ൽ നി​ങ്ങ​ൾ ഡോ​ക്‌​ട​റെ കാ​ണ​ണം.

വാ​യ്പു​ണ്ണ് എ​ങ്ങ​നെ നി​ർ​ണ​യി​ക്കാം?
ഒ​രു വി​ഷ്വ​ൽ പ​രി​ശോ​ധ​ന​യി​ലൂ​ടെ നി​ങ്ങ​ളു​ടെ ഡോ​ക്‌​ട​ർ​ക്ക് വാ​യ്പു​ണ്ണ് നി​ർ​ണ​യി​ക്കാ​ൻ ക​ഴി​യും. വാ​യ്പു​ണ്ണ് ദൈ​നം​ദി​ന ജീ​വി​ത​ത്തെ ബു​ദ്ധി​മു​ട്ടി​ക്കു​ന്നെ​ങ്കി​ൽ നി​ങ്ങ​ൾ ഒ​രു ദ​ന്ത​ഡോ​ക്ട​റു​ടെ സ​ഹാ​യം തേ​ടു​ക. നി​ങ്ങ​ൾ​ക്ക് അ​യ​ൺ ഫോ​ളേ​റ്റ്, വി​റ്റ​മി​ൻ എ​ന്നി​വ​യു​ടെ തോ​ത് കു​റ​വാ​ണെ​ന്നു ഡോ​ക്‌​ട​ർ​ക്കു തോ​ന്നു​ക​യാ​ണെ​ങ്കി​ൽ ഒ​രു ര​ക്ത​പ​രി​ശോ​ധ​ന നി​ർ​ദേ​ശി​ച്ചേ​ക്കാം.

വാ​യ്പു​ണ്ണി​ന് വ്യ​ക്ത​മാ​യ കാ​ര​ണം ക​ണ്ടു​പി​ടി​ക്കാ​ൻ പ​റ്റാ​തെ​വ​രി​ക​യോ സാ​ധാ​ര​ണ​ചി​കി​ത്സ​യോ​ടു പ്ര​തി​ക​രി​ക്കാ​തി​രി​ക്കു​ക​യോ ചെ​യ്താ​ൽ അ​ൾ​സ​റി​ന്‍റെ ബ​യോ​പ്സി എ​ടു​പ്പി​ക്കു​ന്ന​താ​യി​രി​ക്കും. ഒ​രു ടി​ഷ്യു സാ​ന്പി​ൾ പ​രി​ശോ​ധ​ന​യ്ക്കാ​യി എ​ടു​ക്കു​ന്ന പ്ര​ക്രി​യ​യാ​ണ് ബ​യോ​പ്സി.

സ്വയം സുഖപ്പെട്ടില്ലെങ്കിൽ
മി​ക്ക വാ​യ്പു​ണ്ണു​ക​ളും സാ​ധാ​ര​ണ​യാ​യി നി​രു​പ​ദ്ര​വ​ക​ര​മാ​വാം. പ​ത്ത് അ​ല്ലെ​ങ്കി​ൽ പ​തിനാലു ദി​വ​സ​ത്തി​നു​ള്ളി​ൽ സ്വ​യം സു​ഖ​പ്പെ​ടു​ന്ന​വ​യാ​ണ്.

ആ​ഫ്ത​സ് അ​ൾ​സ​ർ അ​ല്ലെ​ങ്കി​ൽ ഹെ​ർ​പ്പ​സ് സിം​പ്ല​ക്സ് അ​ണു​ബാ​ധ​മൂ​ല​മു​ണ്ടാ​കു​ന്ന വാ​യ്പു​ണ്ണ് എ​ന്നി​വ​യ്ക്ക് മൗ​ത്ത്‌​വാ​ഷ്, ഓ​യി​ൻ​മെ​ന്‍റ്, ജെ​ൽ പോ​ലു​ള്ള ടോ​പ്പി​ക്ക​ൽ ചി​കി​ത്സ ന​ൽ​കാ​വു​ന്ന​താ​ണ്.

ചി​കി​ത്സാ​രീ​തി​ക​ൾ
* വാ​യ്പു​ണ്ണ് സു​ഖ​പ്പെ​ടു​ന്ന​തു​വ​രെ എ​രി​വും പു​ളി​യു​മു​ള്ളഭ​ക്ഷ​ണം ഒ​ഴി​വാ​ക്കു​ക.
* ധാ​രാ​ളം വെ​ള്ളം കു​ടി​ക്കു​ക.
* വാ​യ വൃ​ത്തി​യാ​യി സൂ​ക്ഷി​ക്കു​ക.
* ആ​ന്‍റി​സെ​പ്റ്റി​ക് ജെ​ൽ അ​ൾ​സ​റി​ൽ പു​ര​ട്ടു​ക.
* പ​തി​വാ​യി നി​ങ്ങ​ളു​ടെ വാ​യ ചെ​റു​ചൂ​ടു​ള്ള​തും ചെ​റു​താ​യി ഉ​പ്പി​ട്ട​തു​മാ​യ വെ​ള്ള​ത്തി​ൽ കു​ലു​ക്കി​ക​ഴു​കു​ക (ഒ​രു നാ​ലു​മി​നി​റ്റു നേ​രം).
* ദി​വ​സ​വും ര​ണ്ടു​ത​വ​ണ ആ​ൽ​ക്ക​ഹോ​ൾ ര​ഹി​ത മൗ​ത്ത്‌​വാ​ഷ് ഉ​പ​യോ​ഗി​ക്കു​ക.
* ഫോ​ളി​ക് ആ​സി​ഡ്, വി​റ്റാ​മി​ൻ ബി 6, ​വി​റ്റാ​മി​ൻ ബി 12, ​സി​ങ്ക് തു​ട​ങ്ങി​യ പോ​ഷ​ക സ​പ്ലി​മെ​ന്‍റു​ക​ൾ ക​ഴി​ക്കു​ക.
* നി​ങ്ങ​ളു​ടെ ദ​ന്ത​രോ​ഗ​വി​ദ​ഗ്ധ​നോ ഓ​റ​ൽ സ്പെ​ഷ​ലി​സ്റ്റോനി​ർ​ദേ​ശി​ക്കു​ന്ന ടോ​പ്പി​ക്ക​ൽ സ്റ്റി​റോ​യ്ഡ് ഓ​യി​ൻ​മെ​ന്‍റ് ഉ​പ​യോ​ഗി​ക്കു​ക.

വാ​യ്പു​ണ്ണ് സാധ്യത കു​റ​യ്ക്കാം
* പ​ല്ല് തേ​ക്കു​ന്ന​തി​നു മൃ​ദു​വാ​യ ടൂ​ത്ത്ബ്ര​ഷ് ഉ​പ​യോ​ഗി​ക്കു​ക.
* പോ​ഷ​ക​സ​മൃ​ദ്ധ​മാ​യ ഭ​ക്ഷ​ണം ക​ഴി​ക്കാ​ൻ ശ്ര​ദ്ധി​ക്കു​ക.
* മ​തി​യാ​യ ഉ​റ​ക്ക​വും വി​ശ്ര​മ​വും.
* മാ​ന​സി​ക​സ​മ്മ​ർ​ദം കു​റ​യ്ക്കു​ക.
* വാ​യ വൃ​ത്തി​യാ​യി സൂ​ക്ഷി​ക്കു​ക.
* കൂ​ർ​ത്ത അ​രി​കു​ക​ളു​ള്ള ഓ​ർ​ത്തോ​ഡോ​ണ്ടി​ക് ഉ​പ​ക​ര​ണംഉ​ണ്ടെ​ങ്കി​ൽ ദ​ന്ത​രോ​ഗ​വി​ദ​ഗ്ധ​നെ കാണിക്കുക.

 

വി​വ​ര​ങ്ങ​ൾ – ഡോ. ​വി​നോ​ദ് മാ​ത്യു മു​ള​മൂ​ട്ടി​ൽ
(അ​സി​സ്റ്റ​ന്‍റ് പ്ര​ഫ​സ​ർ, പു​ഷ്പ​ഗി​രി കോ​ള​ജ്
ഓ​ഫ് ദ​ന്ത​ൽ സ​യ​ൻ​സ​സ്, തി​രു​വ​ല്ല).
ഫോ​ൺ – 9447219903

Related posts

Leave a Comment