19 കാ​ര​നെ വെ​ട്ടി​ക്കൊ​ന്ന സം​ഭ​വം: എ​ട്ടു​പേ​ർ പ്ര​തി​ക​ളെന്ന് പോ​ലീ​സ്

തി​രു​വ​ന​ന്ത​പു​രം: ക​രി​മ​ഠം കോ​ള​നി​യി​ലെ പ​ത്തൊ​ൻ​പ​തു​കാ​ര​ന്‍റെ കൊ​ല​പാ​ത​ക​ത്തി​ൽ എ​ട്ടു പ്ര​തി​ക​ളു​ണ്ടെ​ന്ന് പോ​ലീ​സ്. ര​ണ്ട് പേ​രെ ക​സ്റ്റ​ഡി​യി​ലെ​ടു​ത്തു. ഒ​ളി​വി​ൽ പോ​യ പ്ര​തി​ക​ളെ പി​ടി​കൂ​ടാ​ൻ അ​ന്വേ​ഷ​ണം ഊ​ർ​ജി​ത​മാ​ക്കി​യെ​ന്ന് പോ​ലീ​സ് വ്യ​ക്ത​മാ​ക്കി. ക​രി​മ​ഠം കോ​ള​നി​യി​ലെ അ​ലി​യാ​ർ- അ​ജി​താ ദ​മ്പതി​ക​ളു​ടെ മ​ക​ൻ അ​ർ​ഷാ​ദ് (19) നെ​യാ​ണ് ല​ഹ​രി​വി​ൽ​പ്പ​ന സം​ഘം ഇ​ന്ന​ലെ വൈ​കു​ന്നേ​രം വെ​ട്ടി​ക്കൊ​ല​പ്പെ​ടു​ത്തി​യ​ത്.

അ​ർ​ഷാ​ദി​ന്‍റെ സ​ഹോ​ദ​ര​ൻ അ​ൽ അ​മീ​നും (23) കൈ​ക്ക് വെ​ട്ടേ​റ്റു. കോ​ള​നി കേ​ന്ദ്രീ​ക​രി​ച്ച് ന​ട​ത്തു​ന്ന ല​ഹ​രി​വി​ൽ​പ്പ​ന​യെ അ​ർ​ഷാ​ദും സു​ഹൃ​ത്തു​ക്ക​ളും ചേ​ർ​ന്ന് ത​ട​ഞ്ഞ​തി​ലു​ള്ള വി​രോ​ധ​മാ​ണ് കൊ​ല​പാ​ത​ക​ത്തി​ലേ​ക്ക് ക​ലാ​ശി​ച്ച​തെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്. മ​ഠ​ത്തി​ൽ ബ്ര​ദേ​ഴ്സ് എ​ന്ന പേ​രി​ൽ രൂ​പീ​ക​രി​ച്ച സാം​സ്കാ​രി​ക കൂ​ട്ടാ​യ്മ ല​ഹ​രി വി​ൽ​പ്പ​ന​യെ എ​തി​ർ​ത്തി​രു​ന്നു.

അ​ഭി​പ്രാ​യ വ്യ​ത്യാ​സ​ങ്ങ​ൾ ഒ​ത്തു തീ​ർ​പ്പാ​ക്കാ​മെ​ന്ന് പ​റ​ഞ്ഞ് അ​ർ​ഷാ​ദി​നെ​യും കു​ട്ടു​കാ​രെ​യും പ്ര​തി​ക​ൾ ഉ​ൾ​പ്പെ​ട്ട സം​ഘം കോ​ള​നി​യി​ലെ ഒ​രു ഭാ​ഗ​ത്തേ​ക്ക് വി​ളി​ച്ച് വ​രു​ത്തി​യി​രു​ന്നു.

ഇ​വി​ടെ വ​ച്ചാ​ണ് പ്ര​തി​ക​ൾ വെ​ട്ടു​ക​ത്തി​കൊ​ണ്ട് അ​ർ​ഷാ​ദി​നെ​യും സു​ഹൃ​ത്തു​ക്ക​ളെ​യും ആ​ക്ര​മി​ച്ച​ത്. അ​ർ​ഷാ​ദി​ന്‍റെ ക​ഴു​ത്തി​നേ​റ്റ വെ​ട്ടാ​ണ് ഗു​രു​ത​ര​മാ​യ​ത്. ആ​യു​ധം കാ​ട്ടി​യും ക​ല്ലെ​റി​ഞ്ഞും ഒ​പ്പ​മു​ള്ള​വ​രെ പ്ര​തി​ക​ൾ ഉ​ൾ​പ്പെ​ട്ട സം​ഘം വി​ര​ട്ടി​യോ​ടി​ച്ചു​വെ​ന്നാ​ണ് പോ​ലീ​സ് വ്യ​ക്ത​മാ​ക്കി​യ​ത്.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജാ​ശു​പ​ത്രി മോ​ർ​ച്ച​റി​യി​ൽ പോ​സ്റ്റ്മോ​ർ​ട്ട​ത്തി​ന് ശേ​ഷം അ​ർ​ഷാ​ദി​ന്‍റെ മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു ന​ൽ​കും. കോ​ള​നി​യി​ൽ പൊ​തു​ദ​ർ​ശ​ന​ത്തി​ന് വ​ച്ച ശേ​ഷം സം​സ്കാ​രം ന​ട​ത്തും.

അ​ർ​ഷാ​ദി​ന്‍റെ കൊ​ല​പാ​ത​ക​ത്തി​ൽ കോ​ള​നി നി​വാ​സി​ക​ളും പ്ര​ദേ​ശ​വാ​സി​ക​ളും ഭീ​തി​യി​ലാ​യി​രി​ക്കു​ക​യാ​ണ്. ഫോ​ർ​ട്ട് അ​സി​സ്റ്റ​ന്‍റ് ക​മ്മീ​ഷ​ണ​ർ എ​സ്. ഷാ​ജി​യു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് കേ​സ് അ​ന്വേ​ഷ​ണം ന​ട​ത്തു​ന്ന​ത്.