സ്വ​ദേ​ശ​ത്തേ​ക്കു മ​ട​ങ്ങി​യ ഇ​ത​ര സം​സ്ഥാ​ന തൊ​ഴി​ലാ​ളി മ​രി​ച്ച സം​ഭ​വ​ത്തി​ൽ ദു​രൂ​ഹ​ത തു​ട​രു​ന്നു; സംഭവം കണ്ണൂര്‍ ചെറുപുഴയില്‍

ചെ​റു​പു​ഴ(കണ്ണൂർ): സ്വ​ദേ​ശ​ത്തേ​ക്കു മ​ട​ങ്ങി​യ ഇ​ത​ര സം​സ്ഥാ​ന തൊ​ഴി​ലാ​ളി ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച സം​ഭ​വ​ത്തി​ൽ ആ​രും പ​രാ​തി ന​ൽ​കി​യി​ട്ടി​ല്ലെ​ന്ന് പോ​ലീ​സ് പ​റ​ഞ്ഞു. എ​ങ്കി​ലും ഇ​ത് സം​ബ​ന്ധി​ച്ച് പോ​ലീ​സ് വി​വ​ര​ങ്ങ​ൾ ശേ​ഖ​രി​ക്കു​ന്നു​ണ്ട്. പാ​ടി​യോ​ട്ടു​ചാ​ലി​ൽ നി​ർ​മാ​ണ ജോ​ലി ചെ​യ്തു വ​ന്നി​രു​ന്ന ബം​ഗാ​ൾ സ്വ​ദേ​ശി ന​ജ്ബു​ൾ (24) എ​ന്ന യു​വാ​വാ​ണു ക​ഴി​ഞ്ഞ ദി​വ​സം നാ​ട്ടി​ൽ മ​രി​ച്ച​ത്.

ഒ​രു സം​ഘം മ​ർ​ദ്ദി​ച്ച ശേ​ഷം വ​ണ്ടി ക​യ​റ്റി വി​ട്ട​താ​ണു മ​ര​ണ​കാ​ര​ണ​മെ​ന്നു പ്ര​ച​ര​ണ​മു​ണ്ട്. ക​ഴി​ഞ്ഞ 13 ന് ​വ​യ​ക്ക​ര​യി​ൽ വ​ച്ച് ഒ​രു സം​ഘം ആ​ളു​ക​ൾ ഇ​യാ​ളെ മ​ർ​ദ്ദി​ച്ച​താ​യി പ​റ​യു​ന്നു. അ​ന്ന് ചെ​റു​പു​ഴ പോ​ലീ​സ് എ​ത്തി​യാ​ണ് ഇ​യാ​ളെ ര​ക്ഷി​ച്ച​ത്. യു​വാ​വ് പ​രാ​തി ന​ൽ​കാ​ത്ത​തി​നാ​ൽ പോ​ലീ​സ് കേ​സെ​ടു​ത്തി​രു​ന്നി​ല്ല. അ​ന്ന് ന​ജ്ബു​ളി​നേ​യും കൂ​ടെ ജോ​ലി ചെ​യ്തി​രു​ന്ന സ​ഹോ​ദ​ര​നെ​യും ഏ​താ​നും ആ​ളു​ക​ൾ ചേ​ർ​ന്നു നാ​ട്ടി​ലേ​ക്ക് ട്രെ​യി​ൻ ക​യ​റ്റി വി​ടു​ക​യാ​യി​രു​ന്നു​വെ​ന്നാ​ണ് പ​റ​യു​ന്ന​ത്.

നാ​ട്ടി​ലെ​ത്തി​യ യു​വാ​വി​ന്‍റെ ആ​രോ​ഗ്യം വ​ഷ​ളാ​കു​ക​യും പി​ന്നീ​ട് മ​രി​ച്ച​താ​യും സ​ഹോ​ദ​ര​ൻ പാ​ടി​യോ​ട്ടു​ചാ​ലി​ലു​ള​ള ചി​ല​രെ വി​ളി​ച്ച​റി​യി​ക്കു​ക​യാ​യി​രു​ന്നു. ഇ​തി​നു പി​ന്നാ​ലെ ആ​ൾ​ക്കൂ​ട്ട ആ​ക്ര​മ​ണ​ത്തി​ലാ​ണു യു​വാ​വ് മ​രി​ച്ച​തെ​ന്ന് സ​മൂ​ഹ മാ​ധ്യ​മ​ങ്ങ​ളി​ൽ വ​ഴി പ്ര​ച​രി​ക്കു​ക​യാ​യി​രു​ന്നു. യു​വാ​വ് മ​രി​ച്ചു​വെ​ന്ന കാ​ര്യം പോ​ലീ​സ് സ്ഥി​രീ​ക​രി​ച്ചു