‘ഓപ്പറേഷൻ അജയ്’യുടെ ഭാഗമായി 22 കേരളീയർ കൂടി നാട്ടിലെത്തി. നോർക്ക റൂട്സ് മുഖേന‌ാണ് നാട്ടിലെത്തിയത്.
14 പേര് രാവിലെ 07. 40 നുളള ഇന്‍ഡിഗോ വിമാനത്തില്‍ കൊച്ചിയിലും എട്ടു പേര് രാവിലെ 11. 40 ന്‍റെ വിസ്താര വിമാനത്തില്‍ തിരുവനന്തപുരത്തുമാണ് എത്തിയത്.
ഡല്‍ഹിയില്‍ നിന്നുളള വിമാനടിക്കറ്റുകള്‍ നോര്‍ക്ക റൂട്സ് ഔരുക്കി കൊടുത്തിരുന്നു. നോര്‍ക്ക റൂട്സ് പ്രതിനിധികൾ കൊച്ചിയിലെത്തിയ ഇവരെ വീടുകളിലേയ്ക്ക് യാത്രയാക്കി.
കേന്ദ്ര വിദേശകാര്യ മന്ത്രാലയത്തിന്‍റെ ‘ഓപ്പറേഷൻ അജയ്’യുടെ ഭാഗമായി ഇസ്രായേലില്‍ നിന്നും വിദ്യാര്‍ത്ഥികള്‍ ഉള്‍പ്പെടെ ഇതുവരെ 97 കേരളീയരാണ് നാട്ടില്‍ തിരിച്ചത്തിയത്.
