തരേണ്ടവർ തന്നില്ല, നാ​ട്ടു​കാ​ർ ചേ​ർ​ന്ന് പാ​ലം പണിതു; 25 ദി​വ​സം, ര​ണ്ട​ര ല​ക്ഷം രൂ​പ ചെല​വ്!

അ​മ്പ​ല​പ്പു​ഴ: ത​ക​ഴി പ​ഞ്ചാ​യ​ത്തി​ലെ മൂ​ന്നാം വാ​ർ​ഡി​നെ​യും അ​ഞ്ചാം വാ​ർ​ഡി​നെ​യും ബ​ന്ധി​പ്പി​ക്കു​ന അം​ഗ​ന​വാ​ടി പാ​ലം ജ​ന​കീ​യ പ​ങ്കാ​ളി​ത്ത​ത്തോ​ടെ പൂ​ർ​ത്തി​ക​രി​ച്ചു.

നേ​രെ​ത്തെ സ്ഥി​തി ചെ​യ്തി​രു​ന്ന പാ​ലം ജീ​ർ​ണാ​വ​സ്ഥ​യി​ൽ ആ​യ​തു​കൊ​ണ്ടാ​ണ് പു​ന​നി​ർ​മി​ക്കാ​നു​ള്ള തീ​രു​മാ​നം പ്ര​ദേ​ശ​വാ​സി​ക​ൾ കൈ​കൊ​ണ്ട​ത്. നൂ​റ് ക​ണ​ക്കി​ന് ആ​ളു​ക​ളാ​ണ് ഈ ​പാ​ലം വ​ഴി​യാ​ത്ര ചെ​യ്തി​രു​ന്ന​ത്.

രോ​ഗി​ക​ളെ കൊ​ണ്ടു​പോ​കാ​ൻ വാ​ഹ​ന സൗ​ക​ര്യ​മി​ല്ലാ​ത്ത​തി​നാ​ൽ മ​ര​ണം വ​രെ സം​ഭ​വി​ച്ചി​ട്ടു​ണ്ട്. പാ​ലം നി​ർ​മി​ച്ചു കി​ട്ടു​ന്ന​തി​നു​ള്ള ജ​ന​ങ്ങ​ളു​ടെ നി​വേ​ദ​നം പ​ല​ത​വ​ണ അ​ധി​കൃ​ത​ർ​ക്ക് ന​ൽ​കി​യി​രു​ന്നു.

ഇ​ട​തോ​ടു​ക​ളു​മാ​യി ബ​ന്ധി​പ്പി​ക്കു​ന്ന​തി​നു​ള്ള പാ​ല​ത്തി​ന് തു​ക അ​നു​വ​ദി​ക്കാ​ൻ കാ​ല​താ​മ​സം ഉ​ണ്ടെ​ന്ന് പഞ്ചായയത്ത് അ​റി​യി​ച്ചു. ഇതോടെ അം​ഗ​ന​വാ​ടി പാ​ലം ജ​ന​കീ​യ പ​ങ്കാ​ളി​ത്ത​ത്തോ​ടെ പു​നർനി​ർ​മ്മി​ക്കാ​നു​ള്ള തീ​രു​മാ​നം പ്ര​ദേ​ശ​വാ​സി​ക​ൾ എ​ടു​ക്കു​ക​യാ​യി​രു​ന്നു.

തു​ട​ർ​ന്ന് ഏ​ഴം​ഗ​ങ്ങ​ൾ ചേ​ർ​ന്ന് ഒ​രു ക​മ്മി​റ്റി രൂ​പീ​ക​രി​ക്കു​ക​യും 25 ദി​വ​സം കൊ​ണ്ട് ര​ണ്ട​ര ല​ക്ഷം രൂ​പ ചി​ല​വി​ൽ പ്ര​ദേ​ശ​വാ​സി​ക​ൾ പാ​ലം പ​ണി പൂ​ർ​ത്തി​ക​രി​ക്കു​ക​യാ​യി​രു​ന്നു.

ഒ​രു ആം​ബു​ല​ൻ​സിന് കടന്നുപോ​കാവുന്ന രീ​തി​യി​ലാ​ണ് പാ​ലം നി​ർ​മി​ച്ചി​രി​ക്കു​ന്ന​ത്. കൊ​ല്ലം​മു​ക്ക് ജം​ഗ്ഷ​നി​ൽ നി​ല​നി​ന്നി​രു​ന്ന പ​ഴ​യ വ​ലി​യ പാ​ലം പൊ​ളി​ച്ച് ക​ല്ലു​ക​ൾ ഉ​പ​യോ​ഗി​ച്ചാ​ണ് പു​തു​താ​യി നി​ർ​മി​ച്ച അം​ഗ​ന​വാ​ടി പാ​ല​ത്തി​ന്‍റെ പി​ച്ചി​ങ്ങ് കെ​ട്ടി​യ​ത്.

വേ​ണ്ട​ത്ര തു​ക ല​ഭി​ക്കാ​ത്ത​തി​നാ​ൽ 50,000 രൂ​പ ക​ടം എ​ടു​ത്താ​ണ് പാ​ലം പ​ണി പൂ​ർ​ത്തി​ക​രി​ച്ച​ത്. ക​ടം തീ​ർ​ക്കു​ന്ന​തി​നാ​യി പ​ഞ്ചാ​യ​ത്തി​ൽ നി​ന്നു ഒ​രു തു​ക ല​ഭി​ക്കും എ​ന്ന പ്ര​തീ​ക്ഷ​യി​ലാ​ണ് ക​മ്മി​റ്റി​ക്കാ​ർ.