ത​ട​വി​ൽ നി​ന്ന് സ്വാ​ത​ന്ത്ര്യ​ത്തി​ലേ​ക്ക്: ചാ​ര​പ്രാ​വ് ചാ​ര​പ്ര​വ​ർ​ത്ത​ന​ത്തി​ന് ചൈ​ന​യി​ൽ നി​ന്ന് എ​ത്തി​യ​ത​ല്ല; സ്വ​ത​ന്ത്ര​മാ​ക്കി ഇ​ന്ത്യ

മും​ബൈ: ചൈ​ന​യ്ക്കു​വേ​ണ്ടി ചാ​ര​പ്ര​വ​ർ​ത്ത​നം ന​ട​ത്താ​നാ​യി എ​ത്തി​യ​തെ​ന്ന നി​ഗ​മ​ന​ത്തി​ൽ എ​ട്ടു​മാ​സം മു​ൻപ് പോ​ലീ​സ് ക​സ്റ്റ​ഡി​യി​ലെ​ടു​ത്ത് വെ​റ്റ​റി​ന​റി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച പ്രാ​വി​നെ പോ​ലീ​സി​ന്‍റെ അ​നു​മ​തി​യോ​ടെ ഇ​ന്ന​ലെ ആ​ശു​പ​ത്രി അ​ധി​കൃ​ത​ർ തു​റ​ന്നു​വി​ട്ടു.

ക​ഴി​ഞ്ഞ​വ​ർ​ഷം മേ​യി​ലാ​ണ് ചെ​മ്പൂരി​ലെ പി​ർ പാ​വു ജെ​ട്ടി​യി​ൽ​നി​ന്നു പ്രാ​വി​നെ രാ​ഷ്‌​ട്രീ​യ കെ​മി​ക്ക​ൽ​സ് ആ​ൻ​ഡ് ഫെ​ർ​ട്ടി​ലൈ​സേ​ഴ്സ് (ആ​ർ​സി​എ​ഫ്)​ഉ​ദ്യോ​ഗ​സ്ഥ​ർ പി​ടി​കൂ​ടു​ന്ന​ത്. പ​റേ​ലി​ലെ ബാ​യി സ​കാ​ർ​ബാ​യി ദി​ൻ​ഷോ അ​നി​മ​ൽ ഹോ​സ്പി​റ്റ​ലി​ലാ​ണ് ഈ ​പ്രാ​വ് ക​ഴി​ഞ്ഞി​രു​ന്ന​ത്.

പ്രാ​വി​നെ പി​ടി​കൂ​ടു​മ്പോൾ ര​ണ്ടു വ​ള​യ​ങ്ങ​ൾ കാ​ലു​ക​ളി​ലു​ണ്ടാ​യി​രു​ന്നു. ഇ​വ​യി​ൽ ചൈ​നീ​സ് ഭാ​ഷ​യാ​യ മാ​ൻ​ഡ​രി​നി​ൽ എ​ഴു​തി​യ സ​ന്ദേ​ശ​വു​മു​ണ്ടാ​യി​രു​ന്ന​താ​യി എ​ഫ്ഐ​ആ​റി​ലു​ണ്ട്. ഇ​താ​ണ് ചാ​ര​പ്ര​വ​ർ​ത്ത​ന​ത്തി​നാ​യി ചൈ​ന അ​യ​ച്ച​താ​ണ് പ്രാ​വ് എ​ന്ന നി​ഗ​മ​ന​ത്തി​ൽ പോ​ലീ​സി​നെ എ​ത്തി​ച്ച​ത്.

എ​ന്നാ​ൽ, പി​ന്നീ​ടു ന​ട​ന്ന അ​ന്വേ​ഷ​ണ​ത്തി​ൽ താ​യ്‌​വാ​നി​ൽ ഒ​രു റേ​സിം​ഗ് മ​ത്സ​ര​ത്തി​ൽ പ​ങ്കെ​ടു​ത്ത പ്രാ​വാ​ണി​തെ​ന്നും അ​ബ​ദ്ധ​ത്തി​ൽ ഇ​ന്ത്യ​യി​ലെ​ത്തി​യ​താ​ണെ​ന്നും ക​ണ്ടെ​ത്തി. വൈ​ദ്യ​പ​രി​ശോ​ധ​ന​യി​ൽ പ്രാ​വി​ന് ആ​രോ​ഗ്യ​പ്ര​ശ്ന​ങ്ങ​ളൊ​ന്നു​മി​ല്ലെ​ന്നു ക​ണ്ട​തോ​ടെ​യാ​ണ് തു​റ​ന്നു​വി​ടാ​ൻ പോ​ലീ​സ് അ​നു​മ​തി ന​ല്കി​യ​ത്.