ജില്ലയിലെ രാഷ്ട്രീയ അക്രമം തടരുന്നു;  മു​ഖ്യ​മ​ന്ത്രി​യു​ടെ വീ​ടി​ന് ക​ന​ത്ത സു​ര​ക്ഷയൊരുക്കി പോലീസ്

 കൂ​ത്തു​പ​റ​മ്പ്: ജി​ല്ല​യി​ൽ ന​ട​ക്കു​ന്ന രാ​ഷ്ട്രീ​യ അ​ക്ര​മ​ങ്ങ​ളു​ടെ പ​ശ്ചാ​ത്ത​ല​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ പി​ണ​റാ​യി​യി​ലെ വ​സ​തി​ക്കും ക​ന​ത്ത പോ​ലീ​സ് സു​ര​ക്ഷ ഏ​ർ​പ്പെ​ടു​ത്തി. ക​ഴി​ഞ്ഞ ദി​വ​സം ന​ട​ന്ന ശ​ബ​രി​മ​ല ക​ർ​മ​സ​മി​തി​യു​ടെ ഹ​ർ​ത്താ​ലി​നെ തു​ട​ർ​ന്ന് ജി​ല്ല​യി​ലും പ്ര​ത്യേ​കി​ച്ച് ത​ല​ശേ​രി മേ​ഖ​ല​യി​ലും ഇ​പ്പോ​ഴും അ​ക്ര​മം തു​ട​രു​ന്ന സാ​ഹ​ച​ര്യ​ത്തി​ലാ​ണ് മു​ഖ്യ​മ​ന്ത്രി​യു​ടെ പി​ണ​റാ​യി പാ​ണ്ഡ്യാ​ല​മു​ക്കി​ലെ വ​സ​തി​ക്കും പ​രി​സ​ര​ത്തു​മാ​യി ക​ന​ത്ത സു​ര​ക്ഷ ഏ​ർ​പ്പെ​ടു​ത്തി​യ​ത്.​

നേ​ര​ത്തെ ത​ന്നെ മു​ഖ്യ​മ​ന്ത്രി​യു​ടെ വ​സ​തി​ക്ക് പോ​ലീ​സ് സു​ര​ക്ഷ നി​ല​വി​ലു​ണ്ടെ​ങ്കി​ലും ക​ഴി​ഞ്ഞ മൂ​ന്നു ദി​വ​സ​മാ​യി സു​ര​ക്ഷ വ​ർ​ധി​പ്പി​ച്ചി​രി​ക്കു​ക​യാ​ണ്. പി​ണ​റാ​യി സ്റ്റേ​ഷ​നി​ലെ ഒ​രു എ​എ​സ്ഐ​യു​ടെ നേ​തൃ​ത്വ​ത്തി​ൽ പ​തി​ന​ഞ്ചോ​ളം പോ​ലീ​സു​കാ​രാ​ണ് വ​ലി​യ പോ​ലീ​സ് വാ​ഹ​ന സ​ഹി​തം സ്ഥ​ല​ത്ത് ക്യാ​മ്പ് ചെ​യ്യു​ന്ന​ത്.

വ​സ​തി​യു​ടെ നാ​ല് ഭാ​ഗ​വും സ്ഥി​രം പോ​ലീ​സ് നി​രീ​ക്ഷ​ണ​വു​മു​ണ്ടാ​കും. നേ​ര​ത്തെ ഒ​രു പോ​ലീ​സ് ജീ​പ്പും നാ​ല് പോ​ലീ​സ് ഉ​ദ്യോ​ഗ​സ്ഥ​രേ​യും സ്ഥി​ര​മാ​യി മു​ഖ്യ​മ​ന്ത്രി​യു​ടെ വ​സ​തി​ക്ക് സു​ര​ക്ഷ​യ്ക്കാ​യി നി​യ​മി​ച്ചി​രു​ന്നു. നേ​ര​ത്തെ കൂ​ത്തു​പ​റ​മ്പ് പോ​ലീ​സ് സ്റ്റേ​ഷ​ൻ പ​രി​ധി​യി​ലാ​യി​രു​ന്നു മു​ഖ്യ​മ​ന്ത്രി​യു​ടെ വ​സ​തി ഉ​ൾ​പ്പെ​ടു​ന്ന പാ​ണ്ഡ്യാ​ല​മു​ക്ക് പ്ര​ദേ​ശം.

പി​ണ​റാ​യി​യി​ൽ സ്റ്റേ​ഷ​ൻ നി​ല​വി​ൽ വ​ന്ന​തോ​ടെ പാ​ണ്ഡ്യാ​ല​മു​ക്കും പി​ണ​റാ​യി സ്റ്റേ​ഷ​ൻ പ​രി​ധി​യി​ൽ ഉ​ൾ​പ്പെ​ടു​ത്തു​ക​യാ​യി​രു​ന്നു.​ ര​ണ്ട് വ​ർ​ഷം മു​മ്പ് മു​ഖ്യ​മ​ന്ത്രി​യു​ടെ വ​സ​തി​ക്ക് പ​രി​സ​രം വെ​ച്ച് ആ​യു​ധ​വു​മാ​യി വ​ട​ക​ര സ്വ​ദേ​ശി​യാ​യ മ​ധ്യ​വ​യ​സ്ക​ൻ പോ​ലീ​സി​ന്‍റെ പി​ടി​യി​ലാ​യ സം​ഭ​വ​വും ഉ​ണ്ടാ​യി​രു​ന്നു. ഈ​യി​ടെ ഇ​യാ​ൾ മ​ര​ണ​പ്പെ​ട്ട​തി​നാ​ൽ ഇ​തു സം​ബ​ന്ധി​ച്ച കോ​ട​തി​യി​ലെ കേ​സ് ന​ട​പ​ടി​ക​ളും അ​വ​സാ​നി​പ്പി​ക്കു​ക​യാ​യി​രു​ന്നു.

ഹ​ർ​ത്താ​ലി​നെ തു​ട​ർ​ന്ന് പി​ണ​റാ​യി, ക​തി​രൂ​ർ, കൂ​ത്തു​പ​റ​മ്പ് മേ​ഖ​ല​ക​ളി​ൽ കാ​ര്യ​മാ​യ അ​ക്ര​മ അ​ക്ര​മ​സം​ഭ​വ​ങ്ങ​ൾ ഒ​ന്നും റി​പ്പോ​ർ​ട്ട് ചെ​യ്യ​പ്പെ​ട്ടി​രു​ന്നി​ല്ല.