തിരുവനന്തപുരം: ബെവ്കോയില് നിന്നു വാങ്ങുന്ന പ്ലാസ്റ്റിക് മദ്യക്കുപ്പി തിരിച്ചെടുക്കുന്ന നടപടി നിര്ത്തലാക്കിയതില് എക്സൈസ് മന്ത്രിക്ക് കടുത്ത അതൃപ്തി.ബെവ്കോ എംഡി യോഗേഷ് ഗുപ്തയോട് നേരിട്ടെത്തി വിശദീകരണം നല്കണമെന്ന് മന്ത്രി നിര്ദേശിച്ചു. മന്ത്രിയുമായി കൂടിയാലോചന നടത്താതെ ബെവ്കോ എംഡി തീരുമാനമെടുത്തതാണ് മന്ത്രിയെ ചൊടിപ്പിച്ചത്.
ബിവറേജ്സ് കോര്പറേഷന്റെ ഔട്ട് ലെറ്റുകളില് നിന്നു പ്ലാസ്റ്റിക് ബോട്ടില് മദ്യം വാങ്ങുമ്പോള് 20 രൂപ അധികമായി ഉപഭോക്താക്കളില് നിന്നു വാങ്ങിയിരുന്നു.കാലിക്കുപ്പി തിരികെ ഔട്ട്ലെറ്റുകളില് മടക്കി നല്കുമ്പോള് 20 രൂപ തിരികെ നല്കി വരുന്ന രീതി ബെവ്കോ എംഡി.യായി യോഗേഷ് ഗുപ്ത ചുമതലയേറ്റതോടെ നിര്ത്തലാക്കിയിരുന്നു.
ബിവറേജസ് ഔട്ട്ലെറ്റുകളിലെ തിരക്കും കുപ്പികള് ശേഖരിച്ചുവയ്ക്കാന് സ്ഥലമില്ലാത്തതും ജീവനക്കാരുടെ അമിത ജോലിഭാരവും കണക്കിലെടുത്താണ് കുപ്പി തിരികെ വാങ്ങുന്ന തീരുമാനം ബെവ്കോ എംഡി റദ്ദാക്കിയത്.മന്ത്രിയുമായി ആലോചിക്കാതെ തീരുമാനം കൈക്കൊണ്ടതാണ് മന്ത്രി എം ലിജുവിനെ ചൊടിപ്പിച്ചത്.
നേരത്തെ നടന്ന വിധത്തില് കുപ്പി തിരികെ വാങ്ങണമെന്ന നിലപാടാണ് മന്ത്രിക്കുള്ളത്. തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ പദ്ധതി വിപുലികരിക്കാനും പ്ലാസ്റ്റിക് മലിനീകരണം കുറയ്ക്കണമെന്നാണ് മന്ത്രിയുടെ ആശയം.
യോഗേഷ് ഗുപ്തയെ ബെവ്കോ എംഡിയായി നിയമിച്ചതും മന്ത്രി ലിജുവായിരുന്നു.
- എം.സുരേഷ്ബാബു
