ചെറായി: പള്ളിപ്പുറം കായലിൽ മീൻ പിടിക്കാൻ വിരിച്ചിട്ടിരിക്കുന്ന വലയിൽ കുരുങ്ങിയ പൊൻമാന് രക്ഷകരായി പോലീസുകാർ. ചെറായി ബീച്ചിലേക്ക് പട്രോളിംഗിനു പോകും വഴിയാണ് മുനന്പം എസ്ഐ വി.ബി. റഷീദും എഎസ്ഐ മുരളിയും പോലീസുകാരനായ സുജീഷും എന്നിവർ അടങ്ങിയ സംഘം പെൻമാൻ കുരുങ്ങിക്കടക്കുന്നത് കണ്ടത്.
ഉടൻ തന്നെ ജീപ്പ് നിർത്തി പരിസരത്ത് നിന്നും നീന്തൽ അറിയാവുന്ന ഒരാളെ കണ്ടെത്തി അതിനെ രക്ഷപ്പെടുത്താൻ നിർദേശം നൽകുകയായിരുന്നു. നീന്തി വലക്കടുത്ത് എത്തിയ ആൾ പൊൻമാനെ വലയിൽ നിന്നും വേർപെടുത്തി എടുത്തുകൊണ്ട് തിരികെ കരയിലേക്ക് നീന്തിയെത്തി പക്ഷിയെ പോലീസിനെ ഏൽപ്പിച്ചു. പോലീസ് സംഘമാകട്ടെ അതിനു പ്രഥമ ശൂശ്രൂഷ നടത്തുകയും പറത്തി വിടുകയും ചെയ്തു.
