പോപ്പുലർ ഫിനാൻസ് തട്ടിപ്പ് : വ്യക്തമായ മറുപടി നൽകാതെ ഉടമ; അ​ന്വേ​ഷ​ണം ജീ​വ​ന​ക്കാ​രി​ലേ​ക്ക് നീ​ളു​ന്നു

പ​ത്ത​നം​തി​ട്ട: പോ​പ്പു​ല​ര്‍ ഫി​നാ​ന്‍​സ് ത​ട്ടി​പ്പു​മാ​യി ബ​ന്ധ​പ്പെ​ട്ട് എ​ന്‍​ഫോ​ഴ്‌​സ്‌​മെന്‍റ് ഡ​യ​റ​ക്ട​റേ​റ്റ് ന​ട​ത്തു​ന്ന അ​ന്വേ​ഷ​ണം ജീ​വ​ന​ക്കാ​രി​ലേ​ക്ക്. കൂ​ടു​ത​ല്‍ നി​ക്ഷേ​പം സ്വീ​ക​രി​ച്ചി​ട്ടു​ള്ള ശാ​ഖ​ക​ളി​ലെ മാ​നേ​ജ​ര്‍​മാ​ര​ട​ക്കം പ്ര​തി​പ്പ​ട്ടി​ക​യി​ലാ​കു​മെ​ന്ന് സൂ​ച​ന.

മൊ​ഴി​ക​ളു​ടെ അ​ടി​സ്ഥാ​ന​ത്തി​ല്‍ പി​ന്നീ​ട് ഇ​വ​രെ മാ​പ്പു​സാ​ക്ഷി​ക​ളാ​ക്കി​യേ​ക്കാ​മെ​ന്നും പ​റ​യു​ന്നു. സി​ബി​ഐ അ​ന്വേ​ഷ​ണം ഏ​റ്റെ​ടു​ക്കു​ന്ന​തി​നു മു​മ്പാ​യി നി​ക്ഷേ​പ​ത്ത​ട്ടി​പ്പി​ന്‍റെ പി​ന്നാ​മ്പു​റം തേ​ടു​ക​യാ​ണ് എ​ന്‍​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്.

നി​ക്ഷേ​പ​ത്തു​ക വ​ക​മാ​റ്റി​യ രീ​തി​ക​ള്‍, പ്ര​തി​ക​ളു​ടെ സ്വ​ത്തു​ക്ക​ള്‍, വി​ദേ​ശ ഇ​ട​പാ​ടു​ക​ള്‍, വി​ദേ​ശ​ത്തു​ള്ള നി​ക്ഷേ​പം, തി​രി​മ​റി​ക​ള്‍, വ​ന്‍​തു​ക നി​ക്ഷേ​പി​ച്ച​വ​രു​ടെ വി​വ​ര​ങ്ങ​ള്‍ ഇ​വ​യെ​ല്ലാം ഇ​ഡി അ​ന്വേ​ഷി​ച്ചു​വ​രി​ക​യാ​ണ്. എ​ന്‍​ഫോ​ഴ്‌​സ്‌​മെന്‍റ് കൊ​ച്ചി യൂ​ണി​റ്റാ​ണ് അ​ന്വേ​ഷി​ക്കു​ന്ന​ത്.

ക​ഴി​ഞ്ഞ ര​ണ്ടു​ദി​വ​സ​മാ​യി ഇഡി പോ​പ്പു​ല​ര്‍ ഫി​നാ​ന്‍​സ് ഉ​ട​മ തോ​മ​സ് ദാ​നി​യേ​ലി​നെ ജ​യി​ലി​ല്‍ ചോ​ദ്യം ചെ​യ്തു​വ​രി​ക​യാ​ണ്. സ്വ​ത്തു​ക്ക​ളു​ടെ കൈ​മാ​റ്റം, പ​ണം വി​ദേ​ശ​ത്തേ​ക്കു ക​ട​ത്തി​യ​തും സം​ബ​ന്ധി​ച്ചാ​ണ് വി​വ​രം തേ​ടു​ന്ന​ത്.

എ​ന്നാ​ല്‍ വ്യ​ക്ത​മാ​യ മ​റു​പ​ടി റോ​യി​യു​ടെ ഭാ​ഗ​ത്തു​നി​ന്നു ല​ഭി​ക്കാ​ത്ത സാ​ഹ​ച​ര്യ​ത്തി​ല്‍ നി​ല​വി​ല്‍ റി​മാ​ന്‍​ഡി​ലു​ള്ള മ​റ്റു കു​ടും​ബാം​ഗ​ങ്ങ​ളെ​യും ചോ​ദ്യം ചെ​യ്യും. പി​ന്നാ​ലെ ജീ​വ​ന​ക്കാ​രി​ല്‍ നി​ന്നു വി​വ​രം തേ​ടാ​നാ​ണ് ഇ​ഡി​യു​ടെ നീ​ക്കം.

റോ​യി​യു​ടെ ഭാ​ര്യ പ്ര​ഭ, ക​മ്പ​നി​യു​ടെ സി​ഇ​ഒ ആ​യി​രു​ന്ന ഡോ.​റി​നു മ​റി​യം തോ​മ​സ് എ​ന്നി​വ​രെ​യാ​ണ് പ്ര​ധാ​ന​മാ​യും ചോ​ദ്യം ചെ​യ്യാ​നു​ള്ള​ത്. ഡ​യ​റ​ക്ട​ര്‍​മാ​രാ​യി​രു​ന്ന ഡോ.​റി​യ, റേ​ബ എ​ന്നി​വ​ര്‍​ക്ക് ഇ​ട​പാ​ടു​ക​ളെ സം​ബ​ന്ധി​ച്ച് കൂ​ടു​ത​ല്‍ വി​വ​ര​ങ്ങ​ളി​ല്ലെ​ന്നാ​ണ് ല​ഭി​ച്ചി​ട്ടു​ള്ള സൂ​ച​ന.

ഇ​വ​ര്‍ നാ​ലു​പേ​രും അ​ട്ട​ക്കു​ള​ങ്ങ​ര ജ​യി​ലി​ലാ​ണ്. ജ​യി​ലി​ലെ​ത്തി ഇ​വ​രി​ല്‍ നി​ന്നു മൊ​ഴി​യെ​ടു​ക്കാ​നു​ള്ള ന​ട​പ​ടി​ക​ളി​ലാ​ണ് ഇഡി. നാ​ളെ​യോ​ടെ ഇ​വ​രു​ടെ മൊ​ഴി​യെ​ടു​പ്പ് പൂ​ര്‍​ത്തി​യാ​ക്കേ​ണ്ട​തു​ണ്ട്.

ശാ​ഖ​ക​ളി​ല്‍ നി​ന്നു നി​ക്ഷേ​പം സ്വീ​ക​രി​ക്കു​ന്ന​തി​ല്‍ മാ​നേ​ജ​ര്‍​മാ​രു​ടെ ഭാ​ഗ​ത്തു​നി​ന്ന് ശ​ക്ത​മാ​യ ഇ​ട​പെ​ട​ല്‍ ഉ​ണ്ടാ​യി​രു​ന്ന​താ​യി ക​ണ്ടെ​ത്തി​യി​ട്ടു​ണ്ട്. സി​ഇ​ഒ ആ​യി​രു​ന്ന ഡോ.​റീ​നു​വി​ന്‍റെ നി​ര്‍​ബ​ന്ധം ഇ​ക്കാ​ര്യ​ത്തി​ല്‍ ഉ​ണ്ടാ​യി​രു​ന്ന​താ​യി ശാ​ഖാ മാ​നേ​ജ​ര്‍​മാ​ര്‍ അ​ന്വേ​ഷ​ണ​സം​ഘ​ത്തെ അ​റി​യി​ച്ചി​രു​ന്നു.

നി​ക്ഷേ​പ​ത്തു​ക ശ​രി​യാ​യ വ​ഴി​യി​ലൂ​ടെ​യ​ല്ല പോ​കു​ന്ന​തെ​ന്ന് വ്യ​ക്ത​മാ​യി​ട്ടും ആ​ളു​ക​ളി​ല്‍ നി​ന്നു പ​ണം സ​മാ​ഹ​രി​ക്കാ​ന്‍ മു​ന്നി​ട്ടു​നി​ന്ന മാ​നേ​ജ​ര്‍​മാ​ര്‍​ക്ക് ഇ​ന്‍​സെ​ന്‍റീവ് അ​ട​ക്കം ല​ഭി​ച്ചി​രു​ന്നു.

നി​ക്ഷേ​പ​സ​മാ​ഹ​ര​ണം ന​ട​ത്താ​നും ആ​ളു​ക​ളു​ടെ വി​ശ്വാ​സ്യ​ത ഉ​റ​പ്പാ​ക്കാ​നു​മാ​യി പ്രാ​ദേ​ശി​ക​മാ​യി ബ​ന്ധ​മു​ള്ള മാ​നേ​ജ​ര്‍​മാ​രെ​യാ​ണ് ശാ​ഖ​ക​ളി​ല്‍ നി​യോ​ഗി​ച്ചി​രു​ന്ന​ത്. നി​ക്ഷേ​പ​ത്ത​ട്ടി​പ്പി​ല്‍ ഇ​വ​രെ​ക്കൂ​ടി കൂ​ട്ടു​പ്ര​തി​ക​ളാ​ക്കു​ന്ന​തോ​ടെ കൂ​ടു​ത​ല്‍ വി​വ​ര​ങ്ങ​ള്‍ വെ​ളി​വാ​കു​മെ​ന്നാ​ണ് ഇ​ഡി​യു​ടെ പ്ര​തീ​ക്ഷ.