പരവൂർ: തിരുനെൽവേലി റെയിൽവേ ജംഗ്ഷനിലെ യാർഡ് നവീകരണ പ്രവർത്തനങ്ങളെത്തുടർന്ന് തെക്കൻ കേരളത്തിലൂടെ കടന്നുപോകുന്ന സർവീസുകൾ ഉൾപ്പെടെ പത്തു ട്രെയിനുകൾ പൂർണമായി റദ്ദാക്കിയതായി റെയിൽവേ അധികൃതർ അറിയിച്ചു. ഗതാഗത നിയന്ത്രണങ്ങളുടെ ഭാഗമായി ഇന്ന് (ജൂൺ 26 )മുതൽ ജൂലൈ ഒന്ന് വരെയുള്ള വിവിധ ദിവസങ്ങളിലാണ് സർവീസുകൾ റദ്ദാക്കിയിരിക്കുന്നത്. കൊല്ലം, പുനലൂർ ഭാഗങ്ങളിലേക്കുള്ള യാത്രക്കാരെ ഈ തീരുമാനം കാര്യമായി ബാധിക്കും.
റദ്ദാക്കിയ പ്രധാന ട്രെയിൻ സർവീസുകളുടെ വിവരങ്ങൾ:
മധുര – പുനലൂർ ഡെയ്ലി എക്സ്പ്രസ് ( 16729) ഇന്നു മുതൽ 29 വരെ മധുരയിൽ നിന്ന് പുറപ്പെടേണ്ട സർവീസ് പൂർണമായി റദ്ദാക്കി.
പുനലൂർ – മധുര ഡെയ്ലി എക്സ്പ്രസ് 16730) നാളെ മുതൽ 30 വരെ പുനലൂരിൽ നിന്നുള്ള സർവീസ് ഉണ്ടായിരിക്കില്ല.
നാഗർകോവിൽ – കൊല്ലം ഡെയ്ലി പാസഞ്ചർ ( 56102) ജൂൺ 27, 28, 29, 30 തീയതികളിൽ സർവീസ് നടത്തില്ല.
കൊല്ലം – നാഗർകോവിൽ ഡെയ്ലി പാസഞ്ചർ ( 56101) ജൂൺ 27, 28, 29, 30 തീയതികളിൽ കൊല്ലത്ത് നിന്നുള്ള സർവീസ് പൂർണമായി റദ്ദാക്കി.
കന്യാകുമാരി – തിരുനെൽവേലി പാസഞ്ചർ ( 56707) ഇന്നു മുതൽ 29 വരെ റദ്ദാക്കി.
തിരുനെൽവേലി – കന്യാകുമാരി പാസഞ്ചർ (56708) ഇന്നു മുതൽ 30 വരെ റദ്ദാക്കി.
രാമേശ്വരം – കന്യാകുമാരി സൂപ്പർഫാസ്റ്റ് ( 22621) ജൂൺ 27, 29 തീയതികളിൽ സർവീസ് ഉണ്ടായിരിക്കില്ല.
കന്യാകുമാരി – രാമേശ്വരം സൂപ്പർഫാസ്റ്റ് (22622) ജൂൺ 28, 30 തീയതികളിൽ റദ്ദാക്കി.
നാഗർകോവിൽ – കോയമ്പത്തൂർ ഡെയ്ലി എക്സ്പ്രസ് ( 16321) ജൂൺ 30-നുള്ള സർവീസ് റദ്ദാക്കി.
കോയമ്പത്തൂർ – നാഗർകോവിൽ ഡെയ്ലി എക്സ്പ്രസ് ( 16322): ജൂലൈ ഒന്നിന് കോയമ്പത്തൂരിൽ നിന്ന് പുറപ്പെടേണ്ട സർവീസ് പൂർണമായി റദ്ദാക്കിയിട്ടുണ്ട്.
യാത്രക്കാർ മുൻകൂട്ടി ഈ മാറ്റങ്ങൾ ശ്രദ്ധിച്ച് യാത്രകൾ ക്രമീകരിക്കണമെന്ന് റെയിൽവേ വാർത്താക്കുറിപ്പിൽ അറിയിച്ചു.
