ആ​ല്‍​ബം ന​ടി​യു​ടെ മ​ര​ണം! ഭ​ര്‍​ത്താ​വി​ന് കു​രു​ക്ക് മു​റു​കു​ന്നു; പരാതിയുമായി മാതാപിതാക്കളും ബന്ധുക്കളും; പോ​സ്റ്റ്‌​മോ​ര്‍​ട്ടം ന​ട​ത്താ​ന്‍ പോ​ലീ​സി​ന് അ​നു​മ​തി

സ്വ​ന്തം ലേ​ഖ​ക​ന്‍

കോ​ഴി​ക്കോ​ട്: വ്ലോഗ​റും ആ​ല്‍​ബം ന​ടി​യു​മാ​യ റി​ഫ മെ​ഹ്നു ദു​ബാ​യി​ലെ ഫ്ലാറ്റി​ല്‍ തൂ​ങ്ങി മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ഭ​ര്‍​ത്താ​വി​നെ​തി​രാ​യ കു​രു​ക്ക് മു​റു​കു​ന്നു.

കാ​ക്കൂ​ര്‍ പാ​വ​ണ്ടൂ​ര്‍ ജു​മാ മ​സ്ജി​ദി​ല്‍ ക​ബ​റ​ട​ക്കി​യി​ട്ടു​ള്ള മൃ​ത​ദേ​ഹം പു​റ​ത്തെ​ടു​ത്ത് പോ​സ്റ്റ്‌​മോ​ര്‍​ട്ടം ന​ട​ത്താ​ന്‍ കോ​ഴി​ക്കോ​ട് ആ​ര്‍​ഡി​ഒ ചെ​ല്‍​സ സി​നി പോ​ലീ​സി​നു അ​നു​മ​തി ന​ല്‍​കി​യി​ട്ടു​ണ്ട്.

അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ താ​മ​ര​ശേ​രി ഡി​വൈ​എ​സ്പി ടി.​കെ. അ​ഷ്‌​റ​ഫ് അ​നു​മ​തി ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ ഫോ​റ​ന്‍​സി​ക് വി​ഭാ​ഗ​ത്തി​നു ഇ​തി​നു​ള്ള ക​ത്ത് ന​ല്‍​കി​യി​ട്ടു​ണ്ട്.

ഫോ​റ​ന്‍​സി​ക് വി​ഭാ​ഗ​മാ​ണ് പോ​സ്റ്റ്‌​മോ​ര്‍​ട്ട​ത്തി​നു​ള്ള സ​മ​യം നി​ശ്ച​യി​ക്കേ​ണ്ട​ത്. സ​മ​യം അ​നു​വ​ദി​ക്കു​ന്ന മു​റ​യ്ക്ക് മൃ​ത​ദേ​ഹം പു​റ​ത്തെ​ടു​ത്ത് പോ​സ്റ്റ്‌​മോ​ര്‍​ട്ടം ന​ട​ത്തും.

ആ​ത്മ​ഹ​ത്യ​യ​ല്ലെ​ന്ന ബ​ന്ധു​ക്ക​ളു​ടെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി​യി​ട്ടു​ള്ള​ത്.

ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സ്

വി​ദേ​ശ​ത്ത് ന​ട​ന്ന മ​ര​ണ​ത്തി​ന്‍റെ അ​ന്വേ​ഷ​ണം ഇ​വി​ടെ ന​ട​ക്കു​ന്നു​വെ​ന്ന പ്ര​ത്യേ​ക​ത ഈ ​കേ​സി​നു​ണ്ട്.​

റി​ഫ​യു​ടെ ഭ​ര്‍​ത്താ​വ് മെ​ഹ്നാ​സി​നെ​തി​രേ ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ടെ​ങ്കി​ലും അ​റ​സ്റ്റി​ലേ​ക്ക് പോ​ലീ​സ് നീ​ങ്ങി​യി​ട്ടി​ല്ല.

പോ​സ്റ്റ്മോ​ര്‍​ട്ടം ക​ഴി​ഞ്ഞ് റി​പ്പോ​ര്‍​ട്ട് ല​ഭി​ച്ച​ ശേ​ഷ​മാ​യി​രി​ക്കും ചോ​ദ്യം ചെ​യ്യ​ല​ട​ക്ക​മു​ള്ള ന​ട​പ​ടി​ക്ര​മ​ങ്ങ​ളി​ലേ​ക്ക് ക​ട​ക്കു​ക. ​മ​ര​ണ​ത്തി​ല്‍ ദുരൂഹ​ത​യു​ണ്ടെ​ന്നാ​ണ് ബ​ന്ധു​ക്ക​ള്‍ ഉ​റ​ച്ചു​വി​ശ്വ​സി​ക്കു​ന്ന​ത്.

തൂ​ങ്ങി മ​രി​ച്ച നി​ല​യി​ല്‍ ക​ണ്ടെ​ത്തി​യി​ട്ടും ദു​ബാ​യി​ല്‍ പോ​സ്റ്റ്‌​മോ​ര്‍​ട്ടം ന​ട​ത്താ​തെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​വ​ന്ന​താ​ണ് വീ​ട്ടു​കാ​രി​ല്‍ സം​ശ​യം ജ​നി​പ്പി​ച്ച​ത്.

ഫോ​റ​ന്‍​സി​ക് പ​രി​ശോ​ധ​ന മാ​ത്ര​മാ​ണ് അ​വി​ടെ ന​ട​ന്നി​ട്ടു​ള്ള​ത്. സ്വാ​ധീ​ന​ത്തി​നു വ​ഴ​ങ്ങി​യാ​ണ് ദു​ബാ​യ് പോ​ലീ​സ് പോ​സ്റ്റ്‌​മോ​ര്‍​ട്ടം ന​ട​ത്താ​തി​രു​ന്ന​തെ​ന്നാ​ണ് കു​ടും​ബ​ത്തി​ന്‍റെ ആ​രോ​പ​ണം.

ഇ​തു​മാ​യി ബ​ന്ധ​പ്പെ​ട്ട് േക​ന്ദ്ര സ​ര്‍​ക്കാ​റി​നും പ​രാ​തി ന​ല്‍​കാ​ന്‍ ബ​ന്ധു​ക്ക​ള്‍ ആ​ലോ​ചി​ക്കു​ന്നു​ണ്ട്.

പരാതിയുമായി മാതാപിതാക്കളും ബന്ധുക്കളും

ര​ണ്ടു​മാ​സം നീ​ണ്ട അ​ന്വേ​ഷ​ണ​ത്തി​ലാ​ണ് ഇ​ന്‍​സ്റ്റ​ഗ്രാ​മി​ലും യു ​ട്യൂ​ബി​ലും സ​മൂ​ഹ​മാ​ധ്യ​മ​ങ്ങ​ളി​ലും ഏ​റെ ആ​രാ​ധ​ക​രു​ണ്ടാ​യി​രു​ന്ന റി​ഫ​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട ദു​രൂ​ഹ​ത അ​ഴി​യു​ന്ന​ത്.

റി​ഫ​യെ മാ​ന​സി​ക​മാ​യും ശാ​രീ​രി​ക​മാ​യും ഉ​പ​ദ്ര​വി​ക്കാ​ന്‍ ശ്ര​മി​ച്ചു​വെ​ന്നും ഇ​താ​ണ് ആ​ത്മ​ഹ​ത്യ​യി​ലേ​ക്ക് ന​യി​ച്ച​തെ​ന്നും പോ​ലീ​സ് പ​റ​യു​ന്നു.

പ്രാ​ഥ​മി​ക അ​ന്വേ​ഷ​ണ​ത്തി​ലാ​ണ് ഭ​ര്‍​ത്താ​വി​ല്‍ നി​ന്നും മോ​ശം പെ​രു​മാ​റ്റം റി​ഫ​യ്ക്കു​ണ്ടായി​രു​ന്ന​താ​യി വ്യ​ക്ത​മാ​യ​ത്.
മ​ര​ണ​ത്തി​ല്‍ ദൂ​രൂ​ഹ​ത ആ​രോ​പി​ച്ച് റി​ഫ​യു​ടെ മാ​താ​പി​താ​ക്ക​ളും സ​ഹോ​ദ​ര​നും രം​ഗ​ത്തെ​ത്തി​യി​രു​ന്നു.

മാ​ര്‍​ച്ച് ഒ​ന്നി​ന് പു​ല​ര്‍​ച്ചെ​യാ​ണ് റി​ഫ​യെ ദു​ബാ​യ് ജാ​ഹി​ലി​യ​യി​ലെ ഫ്‌​ളാ​റ്റി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. റി​ഫ​യു​ടെ മ​ര​ണത്തി​നു ശേ​ഷം അ​വ​രു​ടെ ഒ​രു ശ​ബ്ദ സ​ന്ദേ​ശം പു​റ​ത്തു വ​ന്ന​തോ​ടെ​യാ​ണ് സം​ഭ​വ​ത്തി​ല്‍ വീ​ണ്ടും ദു​രൂ​ഹ​ത​ക​ള്‍ ത​ല​പൊ​ക്കു​ന്ന​ത്.

റി​ഫ​യു​ടെ മ​ര​ണ​ത്തി​നു തൊ​ട്ടു മു​ന്‍​പു​ള്ള ദി​വ​സ​ങ്ങ​ളി​ല്‍ റി​ക്കാര്‍​ഡ് ചെ​യ്യ​പ്പെ​ട്ടു​വെ​ന്നു ക​രു​തു​ന്ന ശ​ബ്ദ സ​ന്ദേ​ശ​ത്തി​ല്‍ ഭ​ര്‍​ത്താ​വാ​യ മെ​ഹ്നു​വി​ന്‍റെ നി​രു​ത്ത​ര​വാ​ദ​പ​ര​മാ​യ സ​മീ​പ​ന​ത്തേ​യും മെ​ഹ്നു​വി​ന്‍റെ സു​ഹൃ​ത്തി​നെ​ക്കു​റി​ച്ചു​ള്ള ചി​ല ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ലു​ക​ളു​മാ​ണു​ള്ള​ത്.

മെ​ഹ്നു​വി​ന്‍റെ ജം​ഷാ​ദ് എ​ന്ന സു​ഹൃ​ത്തി​നെ കു​റി​ച്ചാ​ണ് വോ​യി​സ് ക്ലി​പ്പി​ല്‍ വ്യ​ക്ത​മാ​ക്കി​യി​രി​ക്കു​ന്ന​ത്.

ഈ ​വോ​യി​സ് ക്ലി​പ്പ് പു​റ​ത്തു​വ​ന്ന​തോ​ടെ റി​ഫ​യു​ടെ മ​ര​ണ​ത്തെ സം​ബ​ന്ധി​ച്ച് വ​ള​രെ ഗു​രു​ത​ര​മാ​യ ചി​ല ദു​രൂ​ഹ​ത​ക​ളാ​ണ് ഉ​യ​ര്‍​ന്ന​ത്.

തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ആ​ത്മ​ഹ​ത്യാ പ്രേ​ര​ണ കു​റ്റ​ത്തി​ലേ​ക്ക് കാ​ര്യ​ങ്ങ​ള്‍ എ​ത്തി​യ​ത്.