നാ​ല​രപ്പ​വ​ന്‍റെ പ​ണത്തൂക്ക​ത്തി​നും സ​ദാ​ശി​വ​ന്‍റെ ത​ങ്ക​മ​ന​സി​നെ തോ​ൽ​പ്പിക്കാ​നാ​യി​ല്ല; ക​ള​ഞ്ഞു കി​ട്ടി​യ നാ​ല​ര പ​വ​ൻ ഉ​ട​മ​യ്ക്കു തി​രി​കെ ന​ൽ​കി നാടിന് മാതൃകയായി

ക​ടു​ത്തു​രു​ത്തി: നാ​ല​രപ്പ​വ​ന്‍റെ പ​ണത്തൂക്ക​ത്തി​നും സ​ദാ​ശി​വ​ന്‍റെ ത​ങ്ക​മ​ന​സി​നെ തോ​ൽ​പി​ക്കാ​നാ​യി​ല്ല. ക​ള​ഞ്ഞു കി​ട്ടി​യ നാ​ല​ര പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ഉ​ട​മ​യ്ക്കു തി​രി​കെ ന​ൽ​കി ക​ട​യു​ട​മ​യു​ടെ മാ​തൃ​ക. പെ​രു​വ ജം​ഗ്ഷ​നി​ൽ ഓ​റ​ഞ്ച് സൂ​പ്പ​ർ ഷോ​പ്പി എ​ന്ന പേ​രി​ൽ സ്റ്റേ​ഷ​ന​റി ക​ട ന​ട​ത്തു​ന്ന കു​ന്ന​പ്പി​ള്ളി ശ​ങ്ക​രാ​ല​യ​ത്തി​ൽ സ​ദാ​ശി​വ​ൻ (45) ആ​ണ് നാ​ടി​നാ​കെ അ​ഭി​മാ​ന​മാ​യ​ത്.

വൈ​ക്കം കാ​ര​പ​റ​ന്പി​ൽ പ്ര​ശാ​ന്തി​ന്‍റെ ഭാ​ര്യ ആ​ര്യ (32) യു​ടെ ന​ഷ്ട​പ്പെ​ട്ട സ്വ​ർ​ണാ​ഭ​ര​ണ​ങ്ങ​ളാ​ണ് ക​ട​യു​ട​മ​യു​ടെ സ​ത്യ​സ​ന്ധ​ത​യി​ൽ തി​രി​കെ ല​ഭി​ച്ച​ത്. തി​ങ്ക​ളാ​ഴ്ച്ച വൈ​കി​ട്ട് പി​റ​വ​ത്തു​ള്ള സ്വ​ന്തം വീ​ട്ടി​ൽ പോ​യ​ശേ​ഷം വൈ​ക്ക​ത്തു​ള്ള ഭ​ർ​തൃ​ഗൃ​ഹ​ത്തി​ലേ​ക്ക് മ​ട​ങ്ങു​ന്പോ​ഴാ​ണ് യു​വ​തി​യു​ടെ ആ​ഭ​ര​ണം ന​ഷ്ട​പ്പെ​ട്ട​ത്.

പെ​രു​വ ജം​ഗ്ഷ​നി​ൽ ഇ​റ​ങ്ങി​യ യു​വ​തി സ്റ്റേ​ഷ​ന​റിക്ക​ട​യി​ൽ ക​യ​റി സാ​ധ​ന​ങ്ങ​ൾ വാ​ങ്ങി​യ ശേ​ഷം ബാ​ഗി​ൽ നി​ന്നും പ​ണ​മെ​ടു​ത്ത് ന​ൽ​കു​ന്ന​തി​നി​ടെ സ്വ​ർ​ണാ​ഭ​ര​ണ​ങ്ങ​ൾ താ​ഴെ വീ​ഴു​ക​യാ​യി​രു​ന്നു. യു​വ​തി വൈ​ക്ക​ത്തെ വീ​ട്ടി​ൽ എ​ത്തി ബാ​ഗ് പ​രി​ശോ​ധി​ച്ച​പ്പോ​ഴാ​ണ് ആ​ഭ​ര​ണം ന​ഷ്ട​പ്പെ​ട്ട വി​വ​രം അ​റി​യു​ന്ന​ത്.

നി​ല​ത്ത് കി​ട​ന്ന ആ​ഭ​ര​ണ​ങ്ങ​ൾ ക​ട​യു​ട​മ​യ്ക്കു ല​ഭി​ച്ചി​രു​ന്നു. ക​ട​യി​ലെ സി​സി ടി​വി ദൃ​ശ്യ​ങ്ങ​ളി​ൽ നി​ന്ന് ആ​ഭ​ര​ണ​ങ്ങ​ൾ ന​ഷ്ട​പ്പെ​ട്ട യു​വ​തി​യെ സ​ദാ​ശി​വ​ൻ തി​രി​ച്ച​റി​ഞ്ഞു. തു​ട​ർ​ന്ന് ന​വ​മാ​ധ്യ​മ​ങ്ങ​ളി​ലൂ​ടെ സു​ഹൃ​ത്തു​ക്ക​ൾ​ക്കും മ​റ്റും ആ​ഭ​ര​ണ​ങ്ങ​ൾ ല​ഭി​ച്ച വി​വ​രം ന​ൽ​കി​യെ​ങ്കി​ലും യു​വ​തി​യെ ആ​രും തി​രി​ച്ച​റി​ഞ്ഞി​രു​ന്നി​ല്ല.

ഇ​ന്ന​ലെ രാ​വി​ലെ യു​വ​തി ന​ഷ്ട​പ്പെ​ട്ട ആ​ഭ​ര​ണ​ങ്ങ​ൾ അ​ന്വേ​ഷി​ച്ചു പെ​രു​വ​യി​ലു​ള്ള ക​ട​യി​ൽ എ​ത്തു​ക​യാ​യി​രു​ന്നു. ആ​ളെ തി​രി​ച്ച​റി​ഞ്ഞ സ​ദാ​ശി​വ​ൻ സ​മീ​പ​ത്തെ വ്യാ​പാ​രി​ക​ളു​ടെ​യും നാ​ട്ടു​കാ​രു​ടെ​യും സാ​ന്നി​ധ്യ​ത്തി​ൽ സ്വ​ർ​ണാ​ഭ​ര​ണ​ങ്ങ​ൾ ആ​ര്യ​യ്ക്ക് കൈ​മാ​റി.