“ഹാ​ഫ് സെ​ഞ്ച്വ​റി തി​ക​ച്ചു. 10 പ്രാ​വ​ശ്യം ഔ​ട്ട് വി​ളി​ച്ചു, എ​ന്‍റെ അ​പ്പീ​ലി​ൽ അ​തെ​ല്ലാം ത​ള്ളി’;അ​ൻ​പ​താം പി​റ​ന്നാ​ൾ സോ​ഷ്യ​ൽ മീ​ഡി​യ​യി​ൽ ആ​ഘോ​ഷ​മാ​ക്കി സ​ലിം​കു​മാ​ർ

ക​ണ്ണൂ​ർ: ഇ​ന്ന് അ​ൻ​പ​താം പി​റ​ന്നാ​ൾ ആ​ഘോ​ഷി​ക്കു​ന്ന മ​ല​യാ​ള ച​ല​ച്ചി​ത്ര​താ​രം സ​ലിം​കു​മാ​ർ ഫേസ്ബു​ക്കി​ൽ എ​ഴു​തി​യ കു​റി​പ്പ് വൈ​റ​ലാ​യി. ക്രി​ക്ക​റ്റു​മാ​യി ബ​ന്ധ​പ്പെ​ടു​ത്തി​യാ​ണ് താ​ൻ പി​ന്നി​ട്ട ജീ​വി​ത​ത്തെ​ക്കു​റി​ച്ച് എ​ഴു​തി​യി​രി​ക്കു​ന്ന​ത്. ദു​ർ​ഘ​ട​മാ​യ ജീ​വി​ത​മാ​യി​രു​ന്ന ഇ​ന്നിം​ഗ്സി​ലു​ടെ​നീ​ളം നേ​രി​ടേ​ണ്ടി വ​ന്ന​ത് എ​ന്നു പ​റ​ഞ്ഞ സ​ലിം കു​മാ​ർ പ​ത്ത് പ്രാ​വ​ശ്യം അ​ന്പ​യ​ർ​മാ​ർ ഔ​ട്ട് വി​ളി​ച്ചെ​ങ്കി​ലും എ​ന്‍റെ അ​പ്പീ​ലി​ൽ അ​തെ​ല്ലാം ത​ള്ളി​പ്പോ​വു​ക​യാ​ണ് ഉ​ണ്ടാ​യ​തെ​ന്നും ഫേസ്ബു​ക്കി​ൽ കു​റി​ക്കു​ന്നു. സ​ലീം കു​മാ​റി​ന്‍റെ ഫേസ്ബു​ക്കി​ന്‍റെ പൂ​ർ​ണ രൂ​പം ഇ​ങ്ങ​നെ:

“അ​ങ്ങ​നെ ഈ ​ക​ളി​യി​ൽ ഞാ​നും ഹാ​ഫ് സെ​ഞ്ച്വ​റി തി​ക​ച്ചു… ദു​ർ​ഘ​ട​മാ​യി​രു​ന്നു ഈ ​ഇ​ന്നിം​ഗി​സി​ലു​ട​നീ​ളം എ​നി​ക്ക് നേ​രി​ടേ​ണ്ടി​വ​ന്ന​ത്. എ​ന്നാ​ലും അ​നു​ഭ​വം എ​ന്ന കോ​ച്ചി​ന്‍റെ കീ​ഴി​ലു​ള്ള എ​ന്‍റെ പ്രാ​ക്ടീ​സു​കൊ​ണ്ടു അ​വ​യെ​ല്ലാം എ​നി​ക്ക് സു​ഗ​മ​മാ​ക്കി​തീ​ർ​ക്കാ​ൻ സാ​ധി​ച്ചു. അ​നു​ഭ​വ​ങ്ങ​ളേ ന​ന്ദി…. ! ഈ ​ഇ​ന്നി​ംഗ്സി​ൽ ടോ​ട്ട​ൽ 10 പ്രാ​വ​ശ്യ​മാ​ണ് അ​മ്പ​യ​ർ​മാ​ർ ഔ​ട്ട്‌ വി​ളി​ച്ച​ത്. എ​ന്നാ​ൽ എ​ന്‍റെ അ​പ്പീ​ലി​ൽ അ​തെ​ല്ലാം ത​ള്ളി പോ​വു​ക​യാ​ണു​ണ്ടാ​യ​ത്.

ഒ​രി​ക്ക​ൽ ഔ​ട്ട്‌ ആ​ണെ​ന്ന് വി​ചാ​രി​ച്ചു ഞാ​നും പ​വ​ലി​യ​നി​ലേ​ക്ക് മ​ട​ങ്ങി​യി​ട്ടു​ണ്ട്. എ​ന്നാ​ൽ തേ​ർ​ഡ് അ​മ്പ​യ​ർ ഇ​ട​പെ​ട്ട് എ​ന്നെ തി​രി​കെ വി​ളി​ച്ചു. എ​ന്നോ​ടൊ​പ്പം ബാ​റ്റ് ചെ​യ്തി​രു​ന്ന ഒ​ത്തി​രി ബാ​റ്റ്സ്മാ​ന്മാ​ർ ഔ​ട്ട്‌ ആ​യി എ​ന്‍റെ മു​ന്നി​ലൂ​ടെ പ​വ​ലി​യ​നി​ലേ​ക്ക് മ​ട​ങ്ങു​ന്ന​ത് ക​ണ്ണീ​രോ​ടെ നോ​ക്കി നി​ന്നി​ട്ടു​ള്ള​വ​നാ​ണ് ഞാ​ൻ.

പ്രി​യ സു​ഹൃ​ത്തു​ക്ക​ളു​ടെ ഓ​ർ​മ​ക​ൾ​ക്ക് മു​ന്നി​ൽ പ്ര​ണാ​മം. ഈ ​ഇ​ന്നിം​ഗി​സി​ന്‍റെ സൂ​ര്യ​ൻ പ​ടി​ഞ്ഞാ​റോ​ട്ട് ചാ​ഞ്ഞു​തു​ട​ങ്ങി എ​ന്നെ​നി​ക്ക​റി​യാം. എ​ന്നാ​ലും ക്രീ​സി​ൽ നി​ൽ​ക്കു​ന്ന​തി​ന്‍റെ സ​മ​യ​ദൈ​ർ​ഘ്യം കൂ​ട്ടു​വാ​ൻ​വേ​ണ്ടി ഒ​രു ഡി​ഫെ​ൻ​സ് ഗെ​യി​മും ഞാ​ൻ ക​ളി​ക്കു​ക​യി​ല്ല. നി​ൽ​ക്കു​ന്ന സ​മ​യം​വ​രെ സി​ക്സും ഫോ​റും അ​ടി​ച്ചു നി​ങ്ങ​ളെ ര​സി​പ്പി​ച്ചു​കൊ​ണ്ടേ ഇ​രി​ക്കും.

ഈ ​അ​മ്പ​ത് വ​ർ​ഷ​ത്തി​നി​ട​യി​ൽ ഒ​രു​പാ​ട് വേ​ഷ​ത്തി​ൽ ഞാ​ൻ നി​ങ്ങ​ളു​ടെ മു​ന്നി​ൽ എ​ത്തി​യി​ട്ടു​ണ്ട്. ഒ​രു കൈ​ക്കു​ഞ്ഞാ​യി, ബാ​ല​നാ​യി, വി​ദ്യാ​ർ​ഥി​യാ​യി, മി​മി​ക്രി​ക്കാ​ര​നാ​യി, ടി​വി അ​വ​താ​ര​ക​നാ​യി, സി​നി​മാ​ന​ട​നാ​യി അ​ങ്ങ​നെ… അ​പ്പോ​ഴെ​ല്ലാം എ​നി​ക്ക് വേ​ണ്ട സ്നേ​ഹ​വും പ്രോ​ത്സാ​ഹ​ന​വും ത​ന്ന നി​ങ്ങ​ൾ​ക്കേ​വ​ർ​ക്കും ഞാ​ൻ ഇ​പ്പോ​ൾ ന​ന്ദി രേ​ഖ​പ്പെ​ടു​ത്തു​ന്നി​ല്ല, കാ​ര​ണം ‘ന​ന്ദി’ വാ​ക്കു​ക​ൾ​കൊ​ണ്ട് രേ​ഖ​പ്പെ​ടു​ത്തേ​ണ്ട ഒ​ന്ന​ല്ല മ​ന​സി​ൽ എ​ക്കാ​ല​വും സൂ​ക്ഷി​ച്ചു വ​യ്‌​ക്കേ​ണ്ട ഒ​ന്നാ​ണ് എ​ന്ന് ഞാ​ൻ വി​ശ്വ​സി​ക്കു​ന്നു’.