ആശ ശരത്ത്, ഇർഷാദ് അലി എന്നിവരെ പ്രധാന കഥാപാത്രങ്ങളാക്കി അജ്മൽ ആർ തിരക്കഥയെഴുതി സംവിധാനം നിർവഹിക്കുന്ന ‘സറാഫസ് ” എന്ന ചിത്രത്തിന്റെ ടൈറ്റിൽ ലോഞ്ചും സ്വിച്ചോൺ കർമ്മവും തിരുവനന്തപുരം ശ്രീ മൂലം ക്ലബിൽ നടന്നു. സിനിമ, ടൂറിസം മന്ത്രി പി. സി. വിഷ്ണുനാഥ് സ്വിച്ചോൺ കർമ്മം നിർവഹിച്ചപ്പോൾ പ്രശസ്ത നടൻ ജയൻ ചേർത്തല ആദ്യ ക്ലാപ്പടിച്ചു.
കായിക,യുവജനക്ഷേമ മന്ത്രി ഒ.ജെ. ജനീഷ് ചടങ്ങിൽ മുഖ്യാതിഥിയായിരുന്നു. മുൻ എം പി എ. എം. ആരിഫ്, മധുപാൽ ബാലാജി ശർമ്മ തുടങ്ങിയ പ്രമുഖരും ചടങ്ങിൽ സന്നിഹിതരായിരുന്നു. ചാരങ്കാട്ട് അശോക് ഫിലിംസ് പ്രൈവറ്റ് ലിമിറ്റഡിന്റെ ബാനറിൽ ചാരങ്കാട്ട് അശോകൻ, പ്രവാസി ഭാരത് സിനിമാസിന്റെ ബാനറിൽ കെ.പി. ബിജു എന്നിവർ ചേർന്ന് നിർമിക്കുന്ന ഈ ചിത്രത്തിൽ ജാഫർ ഇടുക്കി, ശ്രീകാന്ത് മുരളി,പ്രവീണ,ജയൻ ചേർത്തല,ജിത്തു അഷ്റഫ് തുടങ്ങിയ പ്രമുഖ താരങ്ങളും അഭിനയിക്കുന്നു.
ഛായാഗ്രഹണം- നൗഷാദ് ഷരീഫ്, എഡിറ്റിംഗ്-രതീഷ് രാജു,സംഗീതം- സ്റ്റിൽജു അർജുൻ, പശ്ചാത്തല സംഗീതം-സയ്യിദ് അബ്ബാസ്,പ്രൊജക്റ്റ് ഡിസൈനർ-അനുക്കുട്ടൻ ഏറ്റുമാനൂർ, ആർട്ട്- അസീസ് കരുവാരകുണ്ട്, മേക്കപ്പ്-റഹീം കൊടുങ്ങല്ലൂർ, കോസ്റ്റ്യൂംസ്- ബബിഷ, പ്രൊഡക്ഷൻ കൺട്രോളർ-നന്ദു പൊതുവാൾ, ലൊക്കേഷൻ മാനേജർ-പ്രസന്നൻ കുട്ടിക്കാനം,അൻഷൽ കുളമാവ്, സ്റ്റിൽസ്-വിഷ്ണു ആർ ഗോവിന്ദ്, അനിൽ വന്ദന. ഡിസൈൻസ്- ക്രിയേറ്റീവ് മങ്കി. തൊടുപുഴ,കോട്ടയം, കുട്ടിക്കാനം എന്നിവിടങ്ങളിലായി ചിത്രീകരണം ഒക്ടോബറിൽ ആരംഭിക്കും.പി ആർ ഒ-എ എസ് ദിനേശ്,മനു ശിവൻ.
