ഷമീം ആള് ചില്ലറക്കാരനല്ല! റെ​യി​ൽ​വേ​യി​ൽ ജോ​ലി വാ​ഗ്ദാ​നം ന​ൽ​കി തട്ടിയെടുത്തത് 200കോടി; തട്ടിപ്പുകഥ കേട്ട് അന്വേഷണ ഉദ്യോഗസ്ഥർ ഞെട്ടി

കോ​ട്ട​യം: റെ​യി​ൽ​വേ​യി​ൽ ജോ​ലി വാ​ഗ്ദാ​നം ന​ൽ​കി നൂ​റു​ക​ണ​ക്കി​ന് ആ​ളു​ക​ളി​ൽ നി​ന്നും ല​ക്ഷ​ക്ക​ണ​ക്കി​ന് രൂ​പ ത​ട്ടി​യെ​ടു​ത്ത അ​ന്ത​ർ സം​സ്ഥാ​ന കു​റ്റ​വാ​ളി അ​റ​സ്റ്റി​ൽ.

റെ​യി​ൽ​വേ റി​ക്രൂ​ട്ട്മെ​ന്‍റ് ബോ​ർ​ഡി​ലെ ഉ​യ​ർ​ന്ന ഉ​ദ്യോ​ഗ​സ്ഥ​ൻ ആ​ണെ​ന്നു പ​രി​ച​യ​പ്പെ​ടു​ത്തി നൂ​റു​ക​ണ​ക്കി​ന് ആ​ളു​ക​ളി​ൽ​നി​ന്നും റെ​യി​ൽ​വേ​യി​ൽ ടി​ക്ക​റ്റ് ക്ലാ​ർ​ക്ക്,

ലോ​ക്കോ പൈ​ല​റ്റ്, അ​സി​സ്റ്റ​ന്‍റ് സ്റ്റേ​ഷ​ൻ മാ​സ്റ്റ​ർ തു​ട​ങ്ങി​യ ജോ​ലി​ക​ൾ ത​ര​പ്പെ​ടു​ത്തി ന​ൽ​കാ​മെ​ന്നു പ​റ​ഞ്ഞ് ല​ക്ഷ​ക്ക​ണ​ക്കി​ന് രൂ​പ ത​ട്ടി​യെ​ടു​ത്ത കാ​സ​ർ​ഗോ​ഡ് കാ​ഞ്ഞ​ങ്ങാ​ട് ക​മ്മാ​ടം കു​ള​ത്തി​ങ്ക​ൽ പി.​ഷ​മീം (33) ആ​ണ് അ​റ​സ്റ്റി​ലാ​യ​ത്.

ഷ​മീം പു​ഴ​ക്ക​ര, ഷാ​നു ഷാ​ൻ എ​ന്നീ അ​പ​ര നാ​മ​ങ്ങ​ൾ ഇ​പ​യോ​ഗി​ച്ചാ​ണ് ഇ​യ​ാൾ ത​ട്ടി​പ്പ് ന​ട​ത്തു​ന്ന​ത്.

ത​ട്ടി​പ്പി​നി​ര​യാ​യ​വ​രി​ൽ ചി​ല​ർ ക​ഴി​ഞ്ഞ​ദി​വ​സം കോ​ട്ട​യം ഡി​വൈ​എ​സ്പി ജെ. ​സ​ന്തോ​ഷ് കു​മാ​റി​നു പ​രാ​തി ന​ൽ​കി​യ​തി​നെ തു​ട​ർ​ന്നാ​ണ് ഇ​യാ​ൾ പി​ടി​യി​ലാ​യ​ത്.

തു​ട​ർ​ന്ന് ജി​ല്ലാ പോ​ലി​സ് ചീ​ഫ് ഡി. ​ശി​ല്പ​യു​ടെ നി​ർ​ദ്ദേ​ശ​മ​നു​സ​രി​ച്ച് സ​ബ് ഇ​ൻ​സ്പെ​ക്്ട​ർ​മാ​രാ​യ കെ.ആ​ർ. പ്ര​സാ​ദ്, വി.​എ​സ്.​ ഷി​ബു​ക്കു​ട്ട​ൻ , അ​സി​സ്റ്റ​ന്‍റ് സ​ബ് ഇ​ൻ​സ്പെ​ക്ട​ർ കെ.​ ആ​ർ.​അ​രു​ണ്‍ കു​മാ​ർ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ്് പ്ര​തി​യെ പി​ടി​കൂ​ടി​യ​ത്.

ഒളിവിൽ കഴിഞ്ഞത് തിരുവനന്തപുരത്ത്

തി​രു​വ​നന്ത​പു​ര​ത്ത് ഒ​ളി​വി​ൽ ക​ഴി​യു​ക​യാ​യി​രു​ന്ന ഇ​യാ​ൾ ബം​ഗളൂരുവിലേക്ക് ര​ക്ഷ​പ്പെ​ടാ​ൻ ത​യാ​റെ​ടു​ക്കു​ന്ന​തി​നി​ടെ​യാ​ണ് പോ​ലി​സ് പി​ടി​യി​ലാ​കു​ന്ന​ത്.

റെ​യി​ൽ​വേ റി​ക്രൂ​ട്ട്മെ​ന്‍റ് ബോ​ർ​ഡി​ന്‍റെ ഒ​എം​ആ​ർ ഷീ​റ്റു​ക​ൾ, മെ​ഡി​ക്ക​ൽ പ​രി​ശോ​ധ​നാ സ​ർ​ട്ടി​ഫി​ക്ക​റ്റു​ക​ൾ, വി​വി​ധ സീ​ലു​ക​ൾ, നി​യ​മ​ന ഉ​ത്ത​ര​വു​ക​ൾ,

സ്ഥ​ലം​മാ​റ്റ ഉ​ത്ത​ര​വു​ക​ൾ എ​ന്നി​വ ഒ​റി​ജി​ന​ലി​നെ വെ​ല്ലു​ന്ന രീ​തി​യി​ൽ വ്യാ​ജ​മാ​യി ഉ​ണ്ടാ​ക്കി​യാ​ണ് ഇ​യാ​ൾ ത​ട്ടി​പ്പ് ന​ട​ത്തി​യി​രു​ന്ന​ത്. റ​യി​ൽ​വേ റി​ക്രൂ​ട്ട്മെ​ന്‍റ് ബോ​ർ​ഡ് ചീ​ഫ് എ​ക്സാ​മി​ന​ർ,

ചീ​ഫ് ഇ​ൻ​സ്പെ​ക്്ട​ർ തു​ട​ങ്ങി​യ പ​ദ​വി​ക​ളു​ള്ള സ്വ​ന്തം ഫോ​ട്ടോ ഒ​ട്ടി​ച്ച ഐ​ഡ​ന്‍റി​റ്റി കാ​ർ​ഡു​ക​ളും വ്യാ​ജ​മാ​യി നി​ർ​മ്മി​ച്ച് ഉ​പ​യോ​ഗി​ച്ചു വ​രി​ക​യും ചെ​യ്തി​രു​ന്നു.

മെ​ഡി​ക്ക​ൽ ടെ​സ്റ്റിനാ​യും, ഒ​എം​ആ​ർ രീ​തി​യി​ലു​ള്ള പ​രീ​ക്ഷ​ക​ൾ​ക്കാ​യും ഇ​യാ​ൾ ആ​ളു​ക​ളെ ചെ​ന്നൈ, ബം​ഗ​ളൂ​ർ, ഡ​ൽ​ഹി തു​ട​ങ്ങി​യ സ്ഥ​ല​ങ്ങ​ളി​ൽ വി​ളി​ച്ചു വ​രു​ത്തി ഹോ​ട്ട​ൽ മു​റി​ക​ളി​ൽ ഇ​രു​ത്തി പ​രീ​ക്ഷ​ക​ൾ ന​ട​ത്തു​ക​യാ​ണ് പ​തി​വ്.

നൂ​റോ​ളം ആ​ളു​ക​ളി​ൽ നി​ന്നാ​യി നാ​ല്പ​ത്തി എ​ട്ടു ല​ക്ഷം രൂ​പ​യു​ടെ ത​ട്ടി​പ്പാ​ണ് ഇ​ത്ത​വ​ണ ന​ട​ത്തി​യി​രി​ക്കു​ന്ന​ത് എ​ന്നാ​ണു പ്രാ​ഥ​മി​ക നി​ഗ​മ​നം.

മുന്പും തട്ടിപ്പ് നടത്തി

നീ​ലേ​ശ്വ​രം, പൂ​ജ​പ്പു​ര, ക​ഴ​ക്കൂ​ട്ടം, കോ​ട്ട​യം ഈ​സ്റ്റ്, കൊ​ട്ടാ​ര​ക്ക​ര, ചാ​ല​ക്കു​ടി, എ​റ​ണാ​കു​ളം സൗ​ത്ത്, സു​ൽ​ത്താ​ൻ​ബ​ത്തേ​രി, വെ​ള്ള​രി​ക്കു​ണ്ട്, ഹോ​സ്ദു​ർ​ഗ് തു​ട​ങ്ങി​യ പോ​ലീസ് സ്റ്റേ​ഷനു​ക​ളി​ൽ ഇ​തി​നു മു​ൻ​പ് സ​മാ​ന​രീ​തി​യി​ൽ ത​ട്ടി​പ്പ് ന​ട​ത്തി​യ​തി​നു കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.

ഈ ​കേ​സു​ക​ളി​ൽ ജാ​മ്യ​ത്തി​ൽ ന​ട​ക്കു​ന്ന​തി​നി​ട​യി​ലാ​ണ് വീ​ണ്ടും ത​ട്ടി​പ്പ് ആ​വ​ർ​ത്തി​ക്കു​ന്ന​ത്.

ഇ​തി​നു മു​ൻ​പ് ന​ട​ത്തി​യ ത​ട്ടി​പ്പു​ക​ളി​ൽ ഏ​ക​ദേ​ശം ഇ​രു​ന്നൂ​റു കോ​ടി​യി​ൽ അ​ധി​കം തു​ക ഇ​യാ​ൾ കൈ​വ​ശ​പ്പെ​ടു​ത്തി​യി​ട്ടു​ണ്ട് എ​ന്നാ​ണു പ്രാ​ഥ​മി​ക നി​ഗ​മ​നം.

നെ​ടു​ന്പാ​ശേ​രി വി​മാ​ന​ത്താ​വ​ളം വ​ഴി വി​ദേ​ശ​ത്തു​നി​ന്നു മു​പ്പ​ത്തേ​ഴു കി​ലോ സ്വ​ർ​ണം ക​ട​ത്തി​യ​തി​ന് നെ​ടു​ന്പാ​ശേ​രി പോ​ലി​സ് കേ​സ് എ​ടു​ക്കു​ക​യും തു​ട​ർ​ന്ന് കേ​സ് എ​ൻ​ഫോ​ഴ്സ്മെ​ന്‍റ് ഡ​യ​റ​ക്്ട​റേ​റ്റ് ഏ​റ്റെ​ടു​ക്കു​ക​യും ചെ​യ്തി​ട്ടു​ണ്ട്.

പ​ത്താം ക്ലാ​സ് വി​ദ്യാ​ഭ്യാ​സം മാ​ത്ര​മു​ള്ള ഇ​യാ​ൾ ട്രെ​യി​നി​ൽ പാൻ​ന്്ര‍​ടി കാ​റി​ൽ ജോ​ലി​ക്കാ​ര​നാ​യി​രു​ന്ന സ​മ​യ​ത്ത് ട്രെ​യി​ൻ ടി​ക്ക​റ്റ് എ​ക്സാ​മി​ന​റു​ടെ വേ​ഷം ധ​രി​ച്ച് ത​ട്ടി​പ്പ് ന​ട​ത്തി​യ​തി​നു സേ​ലം റെ​യി​ൽ​വേ പോ​ലീസ് ഇ​യാ​ൾ​ക്കെ​തി​രേ കേ​സെ​ടു​ത്തി​രു​ന്നു.

നി​ര​വ​ധി ഹ​വാ​ലാ ഇ​ട​പാ​ടു​ക​ളി​ലും കാ​രി​യ​ർ ആ​യി വ​ര്‌ത്തി​ച്ചി​ട്ടു​ണ്ടോ എ​ന്ന കാ​ര്യം പ​രി​ശോ​ധി​ച്ചു വ​രു​ന്നു.

ത​ട്ടി​പ്പി​ലൂ​ടെ സ​ന്പാ​ദി​ച്ച പ​ണം ബം​ഗളൂരുവി​ലും മ​റ്റും പ​ബു​ക​ളും ഡാ​ൻ​സ് ബാ​റു​ക​ളും വാ​ങ്ങു​വാ​ൻ ഉ​പ​യോ​ഗി​ച്ചു എ​ന്നാ​ണു പ്രാ​ഥ​മി​ക നി​ഗ​മ​നം.

ദി​വ​സേ​ന പ​തി​നാ​യി​ര​ക്ക​ണ​ക്കി​നു രൂ​പ​യു​ടെ ലോ​ട്ട​റി എ​ടു​ക്കു​ന്ന ഇ​യാ​ൾ സാ​ധാ​ര​ണ​ക്കാ​രാ​യ ലോ​ട്ട​റി ക​ച്ച​വ​ട​ക്കാ​ർ​ക്കും ലോ​ട്ട​റി എ​ടു​ത്ത വ​ക​യി​ൽ ല​ക്ഷ​ക്ക​ണ​ക്കി​ന് രൂ​പ ന​ല്കാ​നു​ള്ള​താ​യി അ​റി​വാ​യി​ട്ടു​ണ്ട്.