ചൂ​ട് ഏ​ൽ​ക്കു​ന്നു​ണ്ടോ? എ​രി​പൊ​രി​യും വെ​യി​ലി​ലും തു​റ​ന്ന വാ​ഹ​ന​ത്തി​ൽ, ശി​വ​ദാ​സ​ൻ നാ​യ​ർ​ക്ക് രാഹുലിന്റെ പ്ര​ത്യേ​ക ക​രു​ത​ൽ ‌

പത്തനംതിട്ട: കോ​ന്നി​യി​ൽ നി​ന്ന് അ​ട്ട​ച്ചാ​ക്ക​ൽ, വെ​ട്ടൂ​ർ വ​ഴി​യാ​ണ് കു​ന്പ​ഴ​യി​ലെ​ത്തി​യ​ത്. കു​ന്പ​ഴ​യി​ൽ ആ​റ·ു​ള നി​യോ​ജ​ക​മ​ണ്ഡ​ല​ത്തി​ലെ പ്ര​വ​ർ​ത്ത​ക​ർ രാ​ഹു​ൽ​ഗാ​ന്ധി​യെ വ​ര​വേ​റ്റു.

സ്ഥാ​നാ​ർ​ഥി കെ. ​ശി​വ​ദാ​സ​ൻ നാ​യ​ർ​ക്കൊ​പ്പം തു​റ​ന്ന വാ​ഹ​ന​ത്തി​ലാ​ണ് കു​ന്പ​ഴ​യി​ൽ നി​ന്നു പ​ത്ത​നം​തി​ട്ട​യി​ലേ​ക്കു നീ​ങ്ങി​യ​ത്.

വെ​യി​ലി​ന്‍റെ കാ​ഠി​ന്യം ഏ​റി​യ​പ്പോ​ൾ ശി​വ​ദാ​സ​ൻ നാ​യ​രു​ടെ ത​ല​യി​ൽ ത​ലോ​ടി​യ രാ​ഹു​ൽ ഗാ​ന്ധി ചൂ​ട് ഏ​ൽ​ക്കു​ന്നു​ണ്ടോ​യെ​ന്ന് ആ​രാ​ഞ്ഞു. ഇ​തൊ​ന്നും സാ​ര​മി​ല്ലെ​ന്ന അ​ദ്ദേ​ഹ​ത്തി​ന്‍റെ മ​റു​പ​ടി രാ​ഹു​ലി​നും ഇ​ഷ്ട​മാ​യി.
‌
റോ​ഡി​നി​രു​വ​ശ​വും കാ​ത്തു​നി​ന്ന​വ​രെ കൈ​വീ​ശി അ​ഭി​വാ​ദ്യം ചെ​യ്താ​ണ് രാ​ഹു​ൽ ഗാ​ന്ധി നീ​ങ്ങി​യ​ത്. കു​ല​ശേ​ഖ​ര​പ​തി, ക​ണ്ണ​ങ്ക​ര, അ​ബാ​ൻ ജം​ഗ്ഷ​ൻ എ​ന്നി​വി​ട​ങ്ങ​ളി​ൽ വ​ൻ​ജ​നാ​വ​ലി​യാ​ണ് ആ​വേ​ശ​പൂ​ർ​വം കാ​ത്തു​നി​ന്ന​ത്.

പ​ത്ത​നം​തി​ട്ട സെ​ൻ​ട്ര​ൽ ജം​ഗ്ഷ​നി​ൽ വാ​ഹ​ന​ത്തി​ൽ നി​ന്നി​റ​ങ്ങി പ്ര​ത്യേ​കം ത​യാ​റാ​ക്കി​യ വേ​ദി​യി​ലേ​ക്കു നീ​ങ്ങി. വേ​ദി​യി​ൽ നി​ന്നു​കൊ​ണ്ടാ​ണ് പ്ര​സം​ഗി​ച്ച​ത്.

എ​ഐ​സി​സി സെ​ക്ര​ട്ട​റി ഐ​വാ​ൻ ഡി​സൂ​സ, പ്ര​ഫ.​പി.​ജെ. കു​ര്യ​ൻ തു​ട​ങ്ങി​യ നേ​താ​ക്ക​ളും വേ​ദി​യി​ലു​ണ്ടാ​യി​രു​ന്നു.

പ​ത്ത​നം​തി​ട്ട പോ​സ്റ്റ് ഓ​ഫീ​സ് റോ​ഡ്, സ്റ്റേ​ഡി​യം ജം​ഗ്ഷ​ൻ, റിം​ഗ് റോ​ഡ് വ​ഴി റോ​ഡ് ഷോ ​സെ​ന്‍റ് പീ​റ്റേ​ഴ്സ് സ്ക്വ​യ​റി​ലെ​ത്തി. അ​വി​ടെ ത​ടി​ച്ചു​കൂ​ടി​യ​ത് വ​ൻ ജ​നാ​വ​ലി​യാ​ണ്.

പു​ഷ്പ​വൃ​ഷ്ടി ന​ട​ത്തി അ​വി​ടെ സ്വീ​ക​ര​ണം. വാ​ഹ​ന​ത്തി​ൽ നി​ന്നു​കൊ​ണ്ട് അ​വ​രെ അ​ഭി​വാ​ദ്യം ചെ​യ്തു. താ​ഴെ വെ​ട്ടി​പ്രം, മേ​ലെ​വെ​ട്ടി​പ്രം വ​ഴി യാ​ത്ര തു​ട​ർ​ന്നു.

മൈ​ല​പ്ര പ​ള്ളി​പ്പ​ടി​യി​ലെ​ത്തി​യ​പ്പോ​ൾ കെ.​ശി​വ​ദാ​സ​ൻ നാ​യ​ർ രാ​ഹു​ൽ​ഗാ​ന്ധി​ക്ക് ന​ന്ദി അ​റി​യി​ച്ച് വാ​ഹ​ന​ത്തി​ൽ നി​ന്നി​റ​ങ്ങി.

തു​ട​ർ​ന്ന് റോ​ബി​ൻ പീ​റ്റ​ർ വീ​ണ്ടും വാ​ഹ​ന​ത്തി​ൽ ക​യ​റി. മൈ​ല​പ്ര മു​ത​ൽ മ​ണ്ണാ​ര​ക്കു​ള​ഞ്ഞി​വ​രെ കോ​ന്നി നി​യോ​ജ​ക​മ​ണ്ഡ​ലാ​തി​ർ​ത്തി​യി​ൽ രാ​ഹു​ലി​നൊ​പ്പം റോ​ബി​നാ​ണ് സ​ഞ്ച​രി​ച്ച​ത്. ‌