സ്റ്റേഡിയം ഇപ്പോഴും കടലാസിൽത്തന്നെ; തൃ​ക്ക​രി​പ്പൂ​ർ വി​വി​ധോ​ദ്ദേ​ശ സ്റ്റേ​ഡി​യത്തിന് ടെൻഡർ നൽകിയിട്ട് ആറുമാസം

തൃ​ക്ക​രി​പ്പൂ​ർ: ഉ​ത്ത​ര​കേ​ര​ള​ത്തി​ന്‍റെ കാ​യി​കസ്വ​പ്ന​ങ്ങ​ൾ​ക്ക് കു​തി​പ്പേ​കു​മെ​ന്നു ക​രു​ത​പ്പെ​ട്ട തൃ​ക്ക​രി​പ്പൂ​രി​ലെ വി​വി​ധോ​ദ്ദേ​ശ സ്റ്റേ​ഡി​യം പ​ദ്ധ​തി ക​ട​ലാ​സി​ലൊ​തു​ങ്ങി. പ​ഞ്ചാ​യ​ത്തി​ന്‍റെ കീ​ഴി​ൽ പ്ര​വ​ർ​ത്തി​ച്ചു​വ​രു​ന്ന ന​ട​ക്കാ​വി​ലെ രാ​ജീ​വ്ഗാ​ന്ധി സി​ന്ത​റ്റി​ക് ട​ർ​ഫി​നോ​ട് ചേ​ർ​ന്നാ​ണു പൂ​ർ​ണ​മാ​യും സ​ർ​ക്കാ​ർ ഉ​ട​മ​സ്ഥ​ത​യി​ൽ ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള സ്റ്റേ​ഡി​യം നി​ർ​മി​ക്കാ​ൻ തീ​രു​മാ​നി​ച്ച​ത്. 32 കോ​ടി​യു​ടെ ടെ​ൻ​ഡ​ർ സ​ർ​ക്കാ​ർ അം​ഗീ​ക​രി​ച്ചു​വെ​ങ്കി​ലും മ​റ്റു​ന​ട​പ​ടി​ക​ൾ ഒ​ന്നും നീ​ങ്ങി​യി​ല്ല.

മേ​രി​മാ​ത ക​ൺ​സ്ട്ര​ക്‌​ഷ​ൻ ക​മ്പ​നി​യാ​ണ് ഇ​ൻ​ഡോ​ർ സ്റ്റേ​ഡി​യം നി​ർ​മാ​ണ​ത്തി​ന്‍റെ ക​രാ​ർ നേ​ടി​യിരി​ക്കു​ന്ന​ത്. ആ​റു മാ​സം പി​ന്നി​ട്ടി​ട്ടും ത​റ​ക്ക​ല്ലി​ട​ൽ പോ​ലും ന​ട​ന്നി​ല്ല. കാ​യി​കമ​ന്ത്രി ഇ.​പി. ജ​യ​രാ​ജ​ൻ വി​വി​ധോ​ദ്ദേ​ശ സ്റ്റേ​ഡി​യ​ത്തി​ന് ത​റ​ക്ക​ല്ലി​ടു​ന്നെന്ന​റി​യി​ച്ചി​രു​ന്നു​വെ​ങ്കി​ലും അ​ത് മാ​റ്റി​വ​യ്ക്കു​ക​യാ​യി​രു​ന്നു. ന​ട​ക്കാ​വ് വ​ലി​യ​കൊ​വ്വ​ൽ മൈ​താ​നി​യി​ൽ പ​ഞ്ചാ​യ​ത്ത് കൈ​മാ​റി​യ ആ​റ​ര ഏ​ക്ക​ർ ഭൂ​മി​യി​ൽ മൂ​ന്ന് ഏ​ക്ക​റി​ലാ​ണ് സ്റ്റേ​ഡി​യം സ്ഥാ​പി​ക്കേ​ണ്ട​ത്.

നി​ല​വി​ലു​ള്ള സി​ന്ത​റ്റി​ക്ക് ട​ർ​ഫി​ന് പ​ടി​ഞ്ഞാ​റും കി​ഴ​ക്കും ഭാ​ഗ​ങ്ങ​ളി​ലാ​യി പ​ണി​യു​ന്ന സ്റ്റേ​ഡി​യം എ​ല്ലാ കാ​യി​ക വി​നോ​ദ​ങ്ങ​ൾ​ക്കാ​യും ഒ​രു കു​ട​ക്കീ​ഴി​ൽ സൗ​ക​ര്യം ഒ​രു​ക്കു​ക എ​ന്ന ല​ക്ഷ്യ​മി​ട്ടാ​യി​രു​ന്നു അ​നു​വ​ദി​ച്ച​ത്. ബാ​സ്‌​ക​റ്റ്‌​ബോ​ൾ, വോ​ളി​ബോ​ൾ, ക​ബ​ഡി, ടേ​ബി​ൾ ടെ​ന്നി​സ് തു​ട​ങ്ങി​യ വി​ഭാ​ഗ​ത്തി​ന് പ്ര​ത്യേ​കം സൗ​ക​ര്യം സ്റ്റേ​ഡി​യ​ത്തി​ലു​ണ്ടാ​കു​ന്ന ത​ര​ത്തി​ലാ​ണ് നി​ർ​മാ​ണം.

സി​ന്ത​റ്റി​ക്ക് ട​ർ​ഫ് ഇ​തി​നോ​ടു ചേ​ർ​ക്കു​ന്ന​തി​നാ​ൽ അ​വി​ടെ ഫു​ട്‌​ബോ​ൾ മ​ത്സ​ര​ങ്ങ​ൾ​ക്കും പ​രി​ശീ​ല​ന​ത്തി​നും വേ​ദി​യാ​കു​മെ​ന്നും അ​റി​യി​ച്ചി​രു​ന്നു. സ്വി​മ്മിം​ഗ് പൂ​ളും ഉ​ന്ന​ത​നി​ല​വാ​ര​ത്തി​ലു​ള്ള ക​ൺ​വ​ൻ​ഷ​ൻ സെ​ന്‍റ​റും ഇ​തി​നോ​ട് അ​നു​ബ​ന്ധി​ച്ചു​ണ്ടാ​കും.കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും ഇ​ൻ​ഡോ​ർ സ്റ്റേ​ഡി​യ​മെ​ന്ന സ​ർ​ക്കാ​രി​ന്‍റെ ന​യ​പ​ര​മാ​യ തീ​രു​മാ​ന​ത്തി​ന്‍റെ ഭാ​ഗ​മാ​ണ് ന​ട​ക്കാ​വി​ലെ വ​ലി​യ​കൊ​വ്വ​ൽ മൈ​താ​ന​ത്ത് വി​വി​ധോ​ദ്ദേ​ശ സ്റ്റേ​ഡി​യം നി​ർ​മി​ക്കു​തെ​ന്നാ​യി​രു​ന്നു സ​ർ​ക്കാ​ർ പ്ര​ഖ്യാ​പ​ന​മാ​യു​ണ്ടാ​യ​ത്.

ഈ ​സ​ർ​ക്കാ​റി​ന്‍റെ ആ​ദ്യ​ത്തെ ബ​ജ​റ്റി​ൽ ത​ന്നെ പ​ദ്ധ​തി​ക്ക് തു​ക വ​ക​യി​രു​ത്തി പ്ര​ഖ്യാ​പ​ന​വും ന​ട​ത്തി​യി​രു​ന്നു. ക​ണ്ണൂ​ർ, കോ​ഴി​ക്കോ​ട്, തൃ​ശൂ​ർ ജി​ല്ല​ക​ളി​ലെ​ല്ലാം നി​ല​വി​ൽ ഇ​ത്ത​ര​ത്തി​ലു​ള​ള സ്റ്റേ​ഡി​യ​മു​ണ്ട്. ന​ട​ക്കാ​വി​ൽ നി​ർ​മി​ക്കു​ന്ന സ്റ്റേ​ഡി​യ​ത്തി​ന് അ​ന്ത​രി​ച്ച ഫു​ട്‌​ബോ​ൾ താ​ര​വും പ​രി​ശീ​ല​ക​നു​മാ​യി​രു​ന്ന എം.​ആ​ർ.​സി. കൃ​ഷ്ണ​ന്‍റെ പേ​ര് ന​ൽ​കാ​ൻ നേ​ര​ത്തെ തീ​രു​മാ​നി​ച്ചി​രു​ന്നു.