തേ​യി​ല​ത്തോ​ട്ട​ങ്ങ​ളി​ലും ക്രി​മി​ന​ലു​ക​ളു​ടെ കാ​ലൊ​ച്ച; ക​ഴി​ഞ്ഞ ഒ​രാ​ഴ്ച​യ്ക്കി​ട​യി​ൽ ത​ന്നെ കേ​ര​ള – ത​മി​ഴ്നാ​ട് അ​തി​ർ​ത്തി​യി​ൽ മൂ​ന്നു മ​ര​ണ​ങ്ങ​ളാ​ണ് തോ​ട്ടം മേ​ഖ​ല​യെ ഞെ​ട്ടി​ച്ച​ത്.

മൂ​ന്നാ​ർ: ക്രി​മി​ന​ലു​ക​ളു​ടെ ക​ട​ന്നു ക​യ​റ്റം തോ​ട്ട​ങ്ങ​ളി​ൽ പ​ണി​യെ​ടു​ക്കു​ന്ന പാ​വ​പ്പെ​ട്ട തൊ​ഴി​ലാ​ളി​ക​ളി​ൽ അ​സ്വ​സ്ഥ​ത പ​ട​ർ​ത്തു​ന്നു. കു​ടി​യേ​റ്റ കാ​ല​ത്തി​നു ശേ​ഷം ഒ​രു നൂ​റ്റാ​ണ്ടു പി​ന്നി​ട്ട മൂ​ന്നാ​റി​ലെ തേ​യി​ല​ത്തോ​ട്ട​ങ്ങ​ളി​ലെ സ​മാ​ധാ​ന അ​ന്ത​രീ​ക്ഷ​ത്തി​നാ​ണ് ഇ​തു വ​ഴി ഭം​ഗം നേ​രി​ട്ടി​രി​ക്കു​ന്ന​ത്. തോ​ട്ട​ങ്ങ​ളും ല​യ​ങ്ങ​ളും പ​ണ്ടേ പോ​ലെ സു​ര​ക്ഷി​ത​മ​ല്ല എ​ന്ന വ​സ്തു​ത തൊ​ഴി​ലാ​ളി​ക​ളു​ടെ ഉ​റ​ക്കം കെ​ടു​ത്തു​ന്നു.

ക​ഴി​ഞ്ഞ ഒ​രു വ​ർ​ഷ​ത്തി​നി​ട​യി​ൽ ന​ട​ന്ന കൊ​ല​പാ​ത​ക​ങ്ങ​ളു​ടെ​യും ദു​രൂ​ഹ​മ​ര​ണ​ങ്ങ​ളു​ടെ​യും ചു​രു​ള​ഴി​യാ​ത്ത​തും ആ​ശ​ങ്ക​യു​ണ​ർ​ത്തു​ന്നു​ണ്ട്. ക​ഴി​ഞ്ഞ ഒ​രാ​ഴ്ച​യ്ക്കി​ട​യി​ൽ ത​ന്നെ കേ​ര​ള – ത​മി​ഴ്നാ​ട് അ​തി​ർ​ത്തി​യി​ൽ മൂ​ന്നു മ​ര​ണ​ങ്ങ​ളാ​ണ് തോ​ട്ടം മേ​ഖ​ല​യെ ഞെ​ട്ടി​ച്ച​ത്.

കേ​ര​ള -ത​മി​ഴ്നാ​ട് അ​തി​ർ​ത്തി​യാ​യ ബോ​ഡി​മെ​ട്ട് മ​ണ​പ്പ​ട്ടി​യി​ൽ എ​ല്ല​പ്പെ​ട്ടി എ​സ്റ്റേ​റ്റ് സ്വ​ദേ​ശി​ക​ളാ​യ ര​ണ്ട് ഓ​ട്ടോ​ഡ്രൈ​വ​ർ​മാ​ർ വെ​ട്ടേ​റ്റു മ​രി​ച്ച​പ്പോ​ൾ മ​റ്റൊ​രു അ​തി​ർ​ത്തി​ഗ്രാ​മ​മാ​യ ഉ​ടു​മ​ല​പ്പേ​ട്ട​യി​ൽ 19 കാ​രി​യാ​യ വി​ദ്യാ​ർ​ഥി​നി​യാ​യ അ​സ്വ​ഭാ​വി​ക മ​ര​ണം മൂ​ന്നാ​റി​നെ മൂ​ക​മാ​ക്കി. യു​വാ​ക്ക​ൾ ക്രൂ​ര​മാ​യി വെ​ട്ടി​ക്കൊ​ല്ല​പ്പെ​ട്ട​പ്പോ​ൾ വി​ദ്യാ​ർ​ഥി​നി​യു​ടെ മൃ​ത​ദേ​ഹം ഹോ​സ്റ്റ​ലി​ലെ വാ​ട്ട​ർ ടാ​ങ്കി​ൽ മു​ങ്ങി​യ നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.

തു​ണി ഉ​ണ​ക്കു​ന്ന​തി​നി​ട​യി​ൽ അ​ബ​ദ്ധ​ത്തി​ൽ വീ​ണ​താ​ണെ​ന്നാ​ണ് പ്രാ​ഥ​മി​ക​മാ​യി ക​ണ്ടെ​ത്തി​യ​തെ​ങ്കി​ലും മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്ന് നാ​ട്ടു​കാ​ർ പ​റ​യു​ന്നു. ക​ഴി​ഞ്ഞ സെ​പ്റ്റം​ബ​ർ 20 ന് ​കൊ​ര​ണ്ട​ക്കാ​ട് വി​മ​ലാ​ല​യം സ്കൂ​ളി​ലെ ഏ​ഴാം ക്ലാ​സ് വി​ദ്യാ​ർ​ഥി​നി മാ​ട്ടു​പ്പെ​ട്ടി ഡാ​മി​ൽ വീ​ണ് മ​രി​ച്ചി​രു​ന്നു. ഈ ​മ​ര​ണം കൊ​ല​പാ​ത​ക​മാ​ണെ​ന്ന് ആ​രോ​പി​ച്ച് കു​ട്ടി​യു​ടെ ര​ക്ഷി​താ​ക്ക​ൾ ഡി​ജി​പി മു​ത​ലു​ള്ള ഉ​ന്ന​ത പോ​ലീ​സ ഉ​ദ്യോ​ഗ​സ്ഥ​ർ​ക്ക് പ​രാ​തി സ​മ​ർ​പ്പി​ച്ചി​രു​ന്നു.

കൊ​ല​പാ​ത​ക​മെ​ന്ന് ഉ​റ​ച്ചു വി​ശ്വ​സി​ക്കു​ന്ന നി​ത്യ​യു​ടെ പി​താ​വ് ഇ​പ്പോ​ഴും പോ​ലീ​സി​ൽ നി​ന്ന് നീ​തി കി​ട്ടു​മെ​ന്ന് പ്ര​തീ​ക്ഷ​യി​ലാ​ണ്. ക​ഴി​ഞ്ഞ ഫെ​ബ്രു​വ​രി 14 നു ​ഗു​ണ്ടു​മ​ല എ​സ്റ്റേ​റ്റ് ബെ​ൻ​മോ​ർ ഡി​വി​ഷ​നി​ലു​ള്ള ശി​ശു​പ​രി​പാ​ല​ന കേ​ന്ദ്ര​ത്തി​ലെ ആ​യ രാ​ജ​ഗു​രു കു​രു​ന്നു​ക​ളു​ടെ ക​ണ്‍​മു​ന്പി​ൽ വ​ച്ച് ക്രൂ​ര​മാ​യി കൊ​ല്ല​പ്പെ​ട്ടി​രു​ന്നു. ഈ ​കേ​സി​ലും പോ​ലീ​സി​ന് ഒ​ന്നും തെ​ളി​യി​ക്കാ​ൻ ക​ഴി​ഞ്ഞി​ട്ടി​ല്ല.

ഫെ​ബ്രു​വ​രി 27 നു ​ഗു​ണ്ടു​മ​ല എ​സ്റ്റേ​റ്റി​ലെ ത​ന്നെ തൊ​ഴി​ലാ​ളി​യാ​യ ആ​സാം മം​ഗ​ൾ​ദോ​യ് സ്വ​ദേ​ശി ബാ​റൂ​ക്ക് കാ​ട്ടി​നു​ള്ളി​ൽ വ​ച്ച് മ​രി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. മാ​സ​ങ്ങ​ൾ​ക്കു മു​ന്പ് ന​മ​യ​ക്കാ​ട് എ​സ്റ്റേ​റ്റ് സ്വ​ദേ​ശി​യാ​യ യു​വാ​വി​നെ എ​സ്റ്റേ​റ്റി​നു സ​മീ​പ​ത്തു​ള്ള പാ​ല​ത്തി​നു സ​മീ​പം മ​രി​ച്ച നി​ല​യി​ൽ ക​ണ്ടെ​ത്തി​യി​രു​ന്നു.

വ​ഴി​വി​ട്ട ബ​ന്ധ​ങ്ങ​ളു​ടെ പേ​രി​ൽ പ​ള്ളി​വാ​സ​ലി​ലെ ഗീ​ത എ​ന്ന യു​വ​തി​യെ​യും കാ​മു​ക​ൻ കൊ​ല​പ്പെ​ടു​ത്തി​യി​രു​ന്നു. ഇ​ത്ത​രം കേ​സു​ക​ളി​ൽ ഏ​റി​യ പ​ങ്കും തെ​ളി​യി​ക്ക​പ്പെ​ടാ​ത്ത​തും പോ​ലീ​സി​നും തി​രി​ച്ച​ടി​യാ​യി​ട്ടു​ണ്ട്. ആ​യ കൊ​ല്ല​പ്പെ​ട്ടി​ട്ട് പ​ത്തു മാ​സം പി​ന്നി​ട്ടി​ട്ടും ഒ​രു തു​ന്പു പോ​ലും ല​ഭി​ക്കാ​ത്ത​ത് തൊ​ഴി​ലാ​ളി​ക​ളു​ടെ ആ​ശ​ങ്ക​ക​ൾ കൂ​ടു​ന്ന​തി​നും കാ​ര​ണ​മാ​കു​ന്നു