തൈക്കാട്ടുശേരി റോ​ഡ് സ​ഞ്ചാ​ര​യോ​ഗ്യ​മാ​ക്കാ​ത്ത​തി​ൽ വ്യാ​പ​ക പ്ര​തി​ഷേ​ധം; രാ​ത്രി​കാ​ല​ങ്ങ​ളി​ൽ ഇ​രു​ച​ക്ര​വാ​ഹ​ന​ങ്ങ​ൾ അ​പ​ക​ടത്തിൽപ്പെടുന്നത് നി​ത്യ​സം​ഭവം

പൂ​ച്ചാ​ക്ക​ൽ: പ​ട്ടി​ക​ജാ​തി കോ​ള​നി​യി​ലേ​ക്കു​ള്ള റോ​ഡ് സ​ഞ്ചാ​ര​യോ​ഗ്യ​മാ​ക്കാത്തതി​ൽ പ്ര​തി​ഷേ​ധം ശ​ക്ത​മാ​കു​ന്നു. നി​ര​വ​ധി പ​രാ​തി​ക​ളും സ​മ​ര​ങ്ങ​ളും ന​ട​ത്തി​യി​ട്ടും അ​ധി​കൃ​ത​ർ ന​ട​പ​ടി​ക​ൾ ഒ​ന്നും സ്വീ​ക​രി​ച്ചി​ല്ലെ​ന്നാ​ണു പ​രാ​തി.

യു​വ​മോ​ർ​ച്ച​യു​ടെ നേ​തൃ​ത്വ​ത്തി​ൽ റോ​ഡി​ലെ കു​ഴി​യി​ൽ വ​ള്ളം ഇ​റ​ക്കി​ പ്ര​തി​ഷേ​ധം സം​ഘ​ടി​പ്പി​ച്ചി​ട്ടും യാ​തൊ​രു ന​ട​പ​ടി​യും ഇ​തു​വ​രെ ഉ​ണ്ടാ​യി​ട്ടി​ല്ല.

തൈ​ക്കാ​ട്ടു​ശേ​രി പ​ഞ്ചാ​യ​ത്തി​ലെ പ​ട്ടി​ക​ജാ​തി​ക്കാ​രും മ​റ്റ് വി​ഭാ​ഗ​ക്കാ​രും തി​ങ്ങി​പ്പാ​ർ​ക്കു​ന്ന പ്ര​ദേ​ശ​ത്തേ​ക്കു​ള്ള പി​എ​സ് ക​വ​ല-​ചു​ടു​കാ​ട്ടും​പു​റം റോ​ഡാ​ണ് ത​ക​ർ​ന്ന് സ​ഞ്ചാര​യോ​ഗ്യ​മ​ല്ലാ​താ​യി​ട്ട് കാ​ല​ങ്ങ​ൾ പി​ന്നി​ടു​ന്ന​ത്.

നൂ​റു​ക​ണ​ക്കി​നാ​ളു​ക​ൾ ദി​നം​പ്ര​തി യാ​ത്ര ചെ​യ്യു​ന്ന റോ​ഡാ​ണ് ഇ​ത്. രാ​ത്രി​കാ​ല​ങ്ങ​ളി​ൽ ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യി​ൽ അ​ക​പ്പെ​ട്ട് അ​പ​ക​ടം സം​ഭ​വി​ക്കു​ന്ന​തും നി​ത്യ​സം​ഭ​വ​മാ​ണ്. ക​ഴി​ഞ്ഞദി​വ​സം പെ​യ്ത ക​ന​ത്ത മ​ഴ​യി​ൽ റോ​ഡി​ലെ കു​ഴി​ക​ളി​ൽ വെ​ള്ളം നി​റ​ഞ്ഞ​തി​നാ​ൽ ജ​ന​ങ്ങ​ൾ​ക്ക് യാ​ത്ര ദു​ഷ്ക​ര​മാ​യി.

ക​ഴി​ഞ്ഞ സാ​ന്പ​ത്തി​ക വ​ർ​ഷം ഈ ​റോ​ഡി​നാ​യി 10 ല​ക്ഷം രൂ​പ വ​ക​യി​രു​ത്തി​യി​രു​ന്നു എ​ന്നും ചി​ല സാ​ങ്കേ​തി​ക ത​ട​സ​ങ്ങ​ൾ ഉ​ണ്ടാ​യ​തി​നാ​ലാ​ണ് പ​ദ്ധ​തി ന​ട​പ്പി​ലാ​ക്കാ​ൻ സാ​ധി​ക്കാ​തി​രു​ന്ന​ത് എ​ന്നും മു​ഖ്യ​മ​ന്ത്രി​യു​ടെ​യോ ജി​ല്ലാ പ​ഞ്ചാ​യ​ത്തി​ന്‍റെ​യോ ഫ​ണ്ടി​ൽനി​ന്നു തു​ക വ​ക​യി​രു​ത്തി ഉ​ട​ൻ ത​ന്നെ റോ​ഡി​ന്‍റെ നി​ർ​മാണം തു​ട​ങ്ങു​ന്ന​തി​നാ​യി ന​ട​പ​ടി​ക​ൾ സ്വീ​ക​രി​ക്കു​മെ​ന്നും ജി​ല്ലാ പ​ഞ്ചാ​യ​ത്ത് അം​ഗം പി.​എം. പ്ര​മോ​ദ് പ​റ​ഞ്ഞു.