ഡോക്ടർ ചമഞ്ഞ് തട്ടിപ്പ്; അറസ്റ്റിലായ റിതേഷിനെതിരേ നിരവധി പരാതികൾ; ഉന്നത ഉദ്യോഗസ്ഥരും സിനിമാക്കാരുമായി ബന്ധമുണ്ടെന്ന് തെറ്റിദ്ധരിപ്പിച്ചായിരുന്നു തട്ടിപ്പ്

കോ​ട്ട​യം: ജോ​ലി വാ​ഗ്ദാ​നം ചെ​യ്തു യു​വ​തി​യി​ൽ​നി​ന്നും പ​ണം​ത​ട്ടി​യ ’ഡോ​ക്ട​ർ റി​തേ​ഷി’​നെ​തി​രേ നി​ര​വ​ധി പ​രാ​തി​ക​ൾ. സി​നി​മ, സ​ർ​ക്കാ​ർ ഉ​ന്ന​ത ഉ​ദ്യോ​ഗ​സ്ഥ​ർ, രാ​ഷ്്ട്രീ​യ​ക്കാ​ർ, ഡോ​ക്ട​ർ​മാ​ർ തു​ട​ങ്ങി​യ​വ​രു​മാ​യി ന​ല്ല​ബ​ന്ധ​മു​ണ്ടെ​ന്നു തെ​റ്റി​ദ്ധ​രി​പ്പി​ച്ചു പ​ണം​ത​ട്ടി​യ കേ​സി​ൽ കി​ട​ങ്ങൂ​ർ മം​ഗ​ല​ത്തു​കു​ഴി എം​.എ. ര​തീ​ഷി​നെയാ​ണു അ​റ​സ്റ്റു​ചെ​യ്ത​ത്.

നി​ര​വ​ധി വ്യ​ക്തി​ക​ളി​ൽ​നി​ന്നും 50 ല​ക്ഷം രൂ​പ വ്യാ​ജ​ഡോ​ക്ട​ർ ത​ട്ടി​യെ​ടു​ത്ത​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി. പ​ന​ച്ചി​ക്കാ​ട് പ​ഞ്ചാ​യ​ത്തി​ൽ ജോ​ലി വാ​ഗ്ദാ​നം ചെ​യ്തു ര​തീ​ഷി​ന്‍റെ സ​ഹ​പാ​ഠി​യാ​യ വീ​ട്ട​മ്മ​യി​ൽ​നി​ന്നും എ​ട്ടു ല​ക്ഷം രൂപ ത​ട്ടി​പ്പു ന​ട​ത്തി​യ കേ​സി​ലാ​ണ് അ​റ​സ്റ്റ്. ഒ​രു കോ​ടി രൂ​പ ലോ​ട്ട​റി അ​ടി​ച്ച വ്യ​ക്തി​യി​ൽ​നി​ന്നും 18 ല​ക്ഷം രൂ​പ ത​ട്ടി​പ്പ് ന​ട​ത്തി​യ കേ​സി​ൽ ഏ​റ്റു​മാ​നൂ​ർ പോ​ലീ​സ് ര​തീ​ഷി​നെ നേ​ര​ത്തെ അ​റ​സ്റ്റു ചെ​യ്തി​രു​ന്നു.

ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജി​ൽ കാ​ർ​ഡി​യോ തൊ​റാ​സി​ക് സ​ർ​ജ​നാ​ണെ​ന്നു പ​റ​ഞ്ഞു വി​ശ്വ​സി​പ്പി​ച്ചാ​ണ് ഇ​യാ​ൾ ത​ട്ടി​പ്പ് ന​ട​ത്തി​യി​രു​ന്ന​ത്. ഉ​ന്ന​ത​രാ​യ രാ​ഷ്ട്രീ​യ നേ​താ​ക്കന്മാരോ​ടും ഉ​യ​ർ​ന്ന ഉ​ദ്യോ​ഗ​സ്ഥ​രോ​ടും പ​രി​ച​യം ഉ​ണ്ടെ​ന്നു ക​ള​വാ​യി പ​റ​ഞ്ഞു വി​ശ്വ​സി​പ്പി​ച്ചാ​ണു ത​ട്ടി​പ്പ് ന​ട​ത്തി​പ്പോ​ന്ന​ത്.

ഗാ​ന്ധി​ന​ഗ​ർ പോ​ലി​സ് സ്റ്റേ​ഷ​ൻ പ​രി​ധി​യി​ൽ ന​ഴ്സിം​ഗ് ജോ​ലി ത​ര​പ്പെ​ടു​ത്താ​മെ​ന്നു പ​റ​ഞ്ഞ് ഒ​രു വീ​ട്ട​മ്മ​യി​ൽ നി​ന്നും ഏ​ഴു ല​ക്ഷം രൂ​പ ത​ട്ടി​യെ​ടു​ത്തി​ട്ടു​ണ്ട്. ക​റു​ക​ച്ചാ​ൽ പോ​ലി​സ് സ്റ്റേ​ഷ​ൻ പ​രി​ധി​യി​ൽ സേ​ന​യി​ൽ ജോ​ലി വാ​ങ്ങി ന​ൽ​കാ​മെ​ന്നു പ​റ​ഞ്ഞ് യു​വാ​വി​ൽ​നി​ന്നും ഇ​രു​പ​ത് ല​ക്ഷം രൂ​പ ത​ട്ടി​ച്ചു.

മു​ണ്ട​ക്ക​യം സ്വ​ദേ​ശി​യാ​യ യു​വാ​വി​നു ന​ഴ്സിം​ഗ് ജോ​ലി ത​ര​പ്പെ​ടു​ത്താ​മെ​ന്നു പ​റ​ഞ്ഞ് ഏ​ഴു ല​ക്ഷം രൂ​പ ത​ട്ടി​യെ​ടു​ത്ത​കേ​സി​ലും പ്ര​തി​യാ​ണ്. കി​ട​ങ്ങൂ​ർ സ്വ​ദേ​ശി​ക​ളാ​യ ര​ണ്ടു പേ​രി​ൽ​നി​ന്നും ന​ഴ്സിം​ഗ് ജോ​ലി ത​ര​പ്പെ​ടു​ത്താ​മെ​ന്നു പ​റ​ഞ്ഞ് മൂ​ന്നു ല​ക്ഷം രൂ​പ വീ​തം ത​ട്ടി​യെ​ടു​ത്തു.

കാ​റു​ക​ൾ വാ​ട​ക​യ്ക്ക് എ​ടു​ത്ത് ഡോ​ക്ട​റു​ടെ സ്റ്റി​ക്ക​ർ ഒ​ട്ടി​ച്ചു സ്റ്റെ​ത​സ്കോ​പ്പു​മാ​യാ​ണ് ഇ​യാ​ൾ പ​ല​പ്പോ​ഴും സ​ഞ്ച​രി​ച്ചി​രു​ന്ന​ത്. സി​നി​മാ മേ​ഖ​ല​യി​ലെ പ​ല​രു​മാ​യും ഇ​യാ​ൾ ഡോ​ക്ട​ർ എ​ന്ന വ്യാ​ജേ​ന അ​ടു​പ്പം സ്ഥാ​പി​ച്ചി​രു​ന്നു. പോ​ലി​സ് അ​ന്വേ​ഷി​ക്കു​ന്നു​ണ്ടെ​ന്നു മ​ന​സി​ലാ​ക്കി ഒ​ളി​വി​ൽ ക​ഴി​ഞ്ഞി​രു​ന്ന ഇ​യാ​ളെ ഒ​രാ​ഴ്ച​യാ​യി ന​ട​ത്തി​യ അ​ന്വേ​ഷ​ണ​ത്തി​ന്‍റെ ഫ​ല​മാ​യാ​ണു ക​ണ്ടെ​ത്തി​യ​ത്.