മീ​ന​സൂ​ര്യ​ന്‍റെ പൊൻപ്രഭയിൽ തിരുനക്കര പൂരം; മ​ന​സു നി​റ​ഞ്ഞ് ഭ​ക്ത​ജ​ന​സ​ഞ്ച​യം; ഇന്ന് തിരുനക്കര തേവർക്ക് ആറാട്ട്

തി​​രു​​ന​​ക്ക​​ര മ​​ഹാ​​ദേ​​വ​​ക്ഷേ​​ത്ര​​ത്തി​​ൽ ഇ​​ന്ന​​ലെ ന​​ട​​ന്ന പ​​ക​​ൽ​​പ്പൂ​​ര​​ത്തി​​ൽ തി​​ട​​ന്പേ​​റ്റി വ​​രു​​ന്ന തി​​രു​​ന​​ക്ക​​ര ശി​​വ​​ൻ. -​​ജോ​​ണ്‍ മാ​​ത്യു.

കോ​ട്ട​യം: വാ​ദ്യ​മേ​ള​ങ്ങ​ളൊ​രു​ക്കി​യ താ​ള​വ​ട്ട​ങ്ങ​ളി​ൽ പി​ഴ​യ്ക്കാ​തെ താ​ളം പി​ടി​ക്കു​ന്ന ആ​യി​ര​ങ്ങ​ളു​ടെ മു​ന്നി​ലേ​ക്ക് ഗ​ജ​വീ​ര​ൻ​മാ​ർ തീ​ർ​ത്ത പ്രൗ​ഢി​യി​ൽ ഭ​ഗ​വാ​ന്‍റെ പൊ​ൻ​തി​ട​ന്പ് എ​ഴു​ന്ന​ള്ളി​യ​പ്പോ​ൾ മ​ന​സു നി​റ​ഞ്ഞ് കൈ​കൂ​പ്പി തൊ​ഴു​തു ഭ​ക്ത​ജ​ന​സ​ഞ്ച​യം.

മീ​ന​സൂ​ര്യ​ന്‍റെ അ​സ്ത​മ​യ​കി​ര​ണ​ങ്ങ​ൾ സാ​ക്ഷി​യാ​ക്കി സ​ർ​വ​തും അ​വ​ർ മ​റ​ന്നു. പി​ന്നെ ഒ​രു​മ​യോ​ടെ തി​രു​ന​ക്ക​ര​യി​ൽ ആ​റാ​ടി.മേ​ള​ക്കൊ​ഴു​പ്പി​ൽ ആ​ൾ​ക്കൂ​ട്ട​ത്തി​ന്‍റെ വാ​യു​വി​ലേ​റ്റി​യ വി​ര​ൽ​ചു​റ്റു​ക​ൾ​ക്ക് മേ​ലേ സ​ന്ധ്യാ​ശോ​ഭ​യി​ൽ ആ​ല​വ​ട്ട​ത്തി​ന്‍റെ പ​ച്ച​പ്പും വെ​ണ്‍​ചാ​മ​ര​ത്തി​ന്‍റെ വെ​ണ്‍​മ​യും വി​രി​ഞ്ഞ​തോ​ടെ മ​റ്റൊ​രു പൂ​രം മ​ന​സി​ൽ നി​റ​ച്ചു പു​രു​ഷാ​രം മ​ട​ങ്ങി.

ഇ​നി കാ​ത്തി​രി​പ്പ് അ​ടു​ത്ത പൂ​ര​ത്തി​നാ​യി.തി​രു​ന​ക്ക​ര​യു​ടെ തി​ല​ക​ക്കു​റി​യാ​യ ശ്രീ​മ​ഹാ​ദേ​വ ക്ഷേ​ത്ര​ത്തി​ലെ തി​രു​ന​ക്ക​ര തേ​വ​രു​ടെ തി​രു​വു​ത്സ​വ​ത്തി​ന്‍റെ ഒ​ന്പ​താം ദി​ന​മാ​യ ഇ​ന്ന​ലെ​യാ​യി​രു​ന്നു തി​രു​ന​ക്ക​ര പൂ​രം.

ര​ണ്ടു വ​ർ​ഷ​ത്തെ ഇ​ട​വേ​ള​യ്ക്കു ശേ​ഷം പു​തു​മോ​ടി​യി​ൽ പ്ര​താ​പ​ത്തോ​ടെ​യെ​ത്തി​യ പൂ​ര​ത്തി​ന് ജ​ന​സാ​ഗ​ര​മാ​ണ് എ​ത്തി​യ​ത്.

തി​രു​ന​ക്ക​ര​യു​ടെ പ്ര​ദ​ക്ഷി​ണ വ​ഴി​ക​ളി​ലും ക്ഷേ​ത്ര മൈ​താ​ന​ത്തും പു​രു​ഷാ​രം തീ​ർ​ത്ത വി​ശ്വാ​സ​ക്ക​ട​ലി​ൽ തി​ര​യാ​യി ഓ​രോ​രു​ത്ത​രും മാ​റി.

ഉ​ച്ച​യോ​ടെ തി​രു​ന​ക്ക​ര​യു​ടെ സ​മീ​പ പ്ര​ദേ​ശ​ങ്ങ​ളി​ലെ ക്ഷേ​ത്ര​ങ്ങ​ളി​ൽ​നി​ന്നും ചെ​റു​പൂ​ര​ങ്ങ​ൾ എ​ത്തി ത്തു​ട​ങ്ങി. തു​ട​ർ​ന്നു ന​ട​ന്ന ഉ​ത്സ​വ​ബ​ലി​ക്കു ശേ​ഷം പൂ​ര​ത്തി​ന്‍റെ ച​ട​ങ്ങു​ക​ൾ ആ​രം​ഭി​ച്ചു.

ഉ​ച്ച​വെ​യി​ൽ പ​ടി​ഞ്ഞാ​റേ​ക്ക് ചാ​ഞ്ഞു തു​ട​ങ്ങി​യ​തോ​ടെ പു​ത്ത​ൻ ച​മ​യ​ങ്ങ​ള​ണി​ഞ്ഞ് ഗ​ജ​വീ​ര​ൻ​മാ​ർ ഓ​രോ​രു​ത്ത​രാ​യി കി​ഴ​ക്ക​ൻ, പ​ടി​ഞ്ഞാ​റ​ൻ ചേ​രു​വാ​ര​ങ്ങ​ളി​ൽ അ​ണി​നി​ര​ന്നു.

പ​ടി​ഞ്ഞാ​റ​ൻ ചേ​രു​വാ​ര​ത്തി​ൽ തി​രു​ന​ക്ക​ര​യ​പ്പ​നും ദേ​വ​ന് അ​ഭി​മു​ഖ​മാ​യി കി​ഴ​ക്ക​ൻ ചേ​രു​വാ​ര​ത്തി​ൽ ദേ​വി​യും അ​ണി​നി​ര​ന്ന​തോ​ടെ പൂ​രം തു​ട​ങ്ങി.

ആ​ൽ​ത്ത​റ​യ്ക്കു സ​മീ​പം ച​ല​ച്ചി​ത്ര താ​രം പ​ദ്മ​ശ്രീ ജ​യ​റാ​മി​ന്‍റെ ത​ല​പ്പൊ​ക്ക​ത്തി​ൽ 111 ക​ലാ​കാ​ര​ൻ​മാ​ർ മേ​ള​പ്പെ​രു​ക്കം തീ​ർ​ത്തു.

ആ​ല​വ​ട്ട​വും വെ​ഞ്ചാ​മ​ര​വും കു​ട​മാ​റ്റ​വും ക​ഴി​ഞ്ഞ​തോ​ടെ ദീ​പാ​രാ​ധ​ന​യ്ക്കാ​യി ചു​റ്റു​വി​ള​ക്ക് തെ​ളി​ഞ്ഞു. ആ​യി​രം ചി​രാ​തു​ക​ളി​ൽ നി​ന്നു​ള്ള തി​രി​വെ​ട്ടം സാ​ക്ഷി​യാ​ക്കി പൂ​രാ​വേ​ശം മ​ന​സി​ൽ തീ​ർ​ത്ത ആ​ഹ്ളാ​ദ​വു​മാ​യി ജ​ന​ങ്ങ​ളും മ​ട​ങ്ങി.

തി​രു​ന​ക്ക​ര തേ​വ​രു​ടെ ന​ട​യി​ലെ കി​ഴ​ക്ക​ൻ ചേ​രു​വാ​ര​ത്തി​ലും പ​ടി​ഞ്ഞാ​റ​ൻ ചേ​രു​വാ​ര​ത്തി​ലു​മാ​യി 22 ഗ​ജ​വീ​ര​ൻ​മാ​രാ​ണ് അ​ണി​നി​ര​ന്ന​ത്.

തി​രു​ന​ക്ക​ര ശി​വ​ൻ ഭ​ഗ​വാ​ന്‍റെ തി​ട​ന്പേ​റ്റി കു​ന്നു​മ്മേ​ൽ പ​ര​ശു​രാ​മ​ൻ, ചി​റ​ക്കാ​ട്ട് അ​യ്യ​പ്പ​ൻ, വ​ര​ടി​യം ജ​യ​റാം, ഗു​രു​വാ​യൂ​ർ സി​ദ്ധാ​ർ​ഥ​ൻ, ഈ​രാ​റ്റു​പേ​ട്ട അ​യ്യ​പ്പ​ൻ, ചി​റ​ക്ക​ൽ കാ​ളി​ദാ​സ​ൻ, ഉ​ഷ​ശ്രീ ശ​ങ്ക​ര​ൻ​കു​ട്ടി, നാ​യ​ര​ന്പ​ലം രാ​ജ​ശേ​ഖ​ര​ൻ, കു​ള​മാ​ക്കി​ൽ പാ​ർ​ഥ​സാ​ര​ഥി, തോ​ട്ട​യ്ക്കാ​ട് ക​ണ്ണ​ൻ, ന​ട​ക്ക​ൽ ഉ​ണ്ണി​കൃ​ഷ്ണ​ൻ എ​ന്നി​വ​ർ കി​ഴ​ക്ക​ൻ ചേ​രു​വാ​ര​ത്തി​ലും കീ​ഴൂ​ട്ട് ശ്രീ​ക​ണ്ഠ​ൻ, ഉ​ണ്ണി​മ​ങ്ങാ​ട് ഗ​ണ​പ​തി, മൗ​ട്ട​ത്ത് രാ​ജേ​ന്ദ്ര​ൻ, കാ​ഞ്ഞി​ര​ക്കാ​ട്ട് ശേ​ഖ​ര​ൻ, പാ​ന്പാ​ടി സു​ന്ദ​ര​ൻ, തി​രു​ന​ക്ക​ര ശി​വ​ൻ, ഭാ​ര​ത് വി​നോ​ദ്, ചൈ​ത്രം അ​ച്ചു, മീ​നാ​ട് വി​നാ​യ​ക​ൻ, ഭാ​ര​ത് വി​ശ്വ​നാ​ഥ​ൻ, വേ​ന്പ​നാ​ട് വാ​സു​ദേ​വ​ൻ എ​ന്നീ ഗ​ജ​വീ​ര​ൻ​മാ​ർ പ​ടി​ഞ്ഞാ​റ​ൻ ചേ​രു​വാ​ര​ത്തി​ലു​മാ​യി അ​ണി​നി​ര​ന്നു.

പൂ​ര​ത്തി​നു ശേ​ഷം ച​ല​ച്ചി​ത്ര താ​രം ര​മ്യ ന​ന്പീ​ശ​നും എം​ജി യൂ​ണി​വേ​ഴ്സി​റ്റി​യി​ലെ പ്ര​തി​ഭ​ക​ളും ചേ​ർ​ന്ന് അ​വ​ത​രി​പ്പി​ച്ച ദേ​വ​ന​ട​ന​ത്തി​നും പി​ന്നീ​ടു ന​ട​ന്ന ഗാ​ന​മേ​ള​യി​ലും വ​ലി​യ ജ​ന​പ​ങ്കാ​ളി​ത്ത​മാ​ണു​ണ്ടാ​യി​രു​ന്ന​ത്.

പു​ല​ർ​ച്ചെ ഒ​ന്നി​ന് പ​ള്ളി​വേ​ട്ട എ​ഴു​ന്ന​ള്ളി​പ്പ് ന​ട​ന്നു. ആ​റാ​ട്ടു ദി​ന​മാ​യ ഇ​ന്നു രാ​വി​ലെ ഏ​ഴി​നു ആ​റാ​ട്ടു ക​ട​വി​ലേ​ക്ക് എ​ഴു​ന്ന​ള്ളി​പ്പു ന​ട​ക്കും. 11നു ​ആ​റാ​ട്ട് സ​ദ്യ, വൈ​കു​ന്നേ​രം ആ​റി​നു അ​ന്പ​ല​ക്ക​ട​വ് ദേ​വീ​ക്ഷേ​ത്ര​ത്തി​ൽ നി​ന്നും തി​രു ആ​റാ​ട്ട് ആ​രം​ഭി​ക്കും.

വി​വി​ധ സ്ഥ​ല​ങ്ങ​ളി​ലെ വ​ര​വേ​ൽ​പ്പി​നു ശേ​ഷം നാ​ളെ പു​ല​ർ​ച്ചെ ര​ണ്ടി​നു ക്ഷേ​ത്ര മൈ​താ​ന​ത്ത് ആ​റാ​ട്ട് എ​തി​രേ​ൽ​പ്പ്, തു​ട​ർ​ന്നു വെ​ടി​ക്കെ​ട്ട്, പു​ല​ർ​ച്ചെ അ​ഞ്ചി​ന് കൊ​ടി​യി​റ​ക്കോ​ടെ ഉ​ത്സ​വ​ത്തി​നു സ​മാ​പ​ന​മാ​കും.

 

Related posts

Leave a Comment