പുനലൂരിൽ ട്രാ​ഫി​ക് സംവിധാനം കു​ത്ത​ഴി​ഞ്ഞു;  പ​രി​ഷ്കാ​രം ന​ട​പ്പാ​ക്ക​ണമെന്ന് ആവശ്യം  ശക്തമാകുന്നു

പു​ന​ലൂ​ർ: പു​ന​ലൂ​ർ പ​ട്ട​ണ​ത്തി​ലെ ട്രാ​ഫി​ക് നി​യ​ന്ത്ര​ണം ഇ​ല്ലാ​താ​യ​തോ​ടെ ഗ​താ​ഗ​തം ദു​സ​ഹ​മാ​കു​ന്നു. മു​മ്പ് പ​ല​പ്പോ​ഴാ​യി ന​ട​പ്പാ​ക്കി​യ പ​രി​ഷ്കാ​ര​ങ്ങ​ൾ നി​ല​ച്ച​തോ​ടെ തോ​ന്നും​വി​ധ​മാ​ണ് വാ​ഹ​ന​ങ്ങ​ളു​ടെ പാ​ർ​ക്കി​ങും മ​റ്റു​കാ​ര്യ​ങ്ങ​ളും.
പ​ട്ട​ണ​ത്തി​ൽ ആ​റു​മാ​സം മു​മ്പ് ഓ​ട​യു​ടേ​യും ന​ട​പ്പാ​ത​യു​ടേ​യും നി​ർ​മാ​ണം ആ​രം​ഭി​ച്ച​തോ​ടെ​യാ​ണ് നേ​രു​ത്തെ ഉ​ണ്ടാ​യി​രു​ന്ന നി​യ​ന്ത്ര​ണ​ങ്ങ​ൾ താ​ളം​തെ​റ്റി​യ​ത്. ടൗ​ണിന്‍റെ പ​ല​ഭാ​ഗ​ത്തു​മാ​യി ഒ​രേ​സ​മ​യം നി​ർ​മാ​ണം ന​ട​ന്ന​തോ​ടെ സ്ഥ​ല​പ​രി​മി​തി​യും മ​റ്റും ക​ണ​ക്കി​ലെ​ടു​ത്ത് കാ​ണു​ന്നി​ട​ത്തൊ​ക്കെ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ക​യാ​യി​രു​ന്നു.

എ​ന്നാ​ൽ പ്ര​ധാ​ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യി​ട്ടും സു​ഗ​മ​മാ​യ ഗ​താ​ഗ​ത​ത്തി​നു​ള്ള നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​ൻ പോലീ​സോ ബ​ന്ധ​പ്പെ​ട്ട മ​റ്റ് അ​ധി​കൃ​ത​രോ ത​യാ​റാ​കു​ന്നി​ല്ല. ഇ​തു​കാ​ര​ണം ആ​വ​ശ്യ​ത്തി​ന് സ്ഥ​ല​മു​ണ്ടാ​യി​ട്ടും പ​ട്ട​ണ​ത്തി​ലെ ഗ​താ​ഗ​തം കു​ത്ത​ഴി​ഞ്ഞ നി​ല​യി​ലാ​ണ്. ശ​ബ​രി​മ​ല സീ​സ​ൺ കൂ​ടി​യാ​യ​തോ​ടെ നേ​രത്തെ ഉ​ള്ള​തി​നെ​ക്കാ​ൾ കൂ​ടു​ത​ൽ വാ​ഹ​ന​ങ്ങ​ൾ പ​ട്ട​ണ​ത്തി​ലെ​ത്തു​ന്നു​ണ്ട്.

കൃ​ത്യ​മാ​യ പാ​ർ​ക്കി​ങ് ഇ​ല്ലാ​ത്ത​തി​നാ​ൽ ഈ ​വാ​ഹ​ന​ങ്ങ​ളും തോ​ന്നും​പ​ടി നി​ർ​ത്തി​യി​ടു​ന്നു. വാ​ഹ​ന​ങ്ങ​ളി​ൽ ച​ര​ക്ക് ക​യ​റ്റി​റ​ക്കി​ന് തി​ര​ക്കു​ള്ള സ​മ​യ​ത്ത് നേ​രത്തെ നി​യ​ന്ത്ര​ണ​മു​ണ്ടാ​യി​രു​ന്നു. ഇ​പ്പോ​ൾ എ​പ്പോ​ഴും വ​ലി​യ​വാ​ഹ​ന​ങ്ങ​ൾ പാ​ത​യോ​ര​ത്ത് മ​ണി​ക്കൂ​റു​ക​ൾ നി​ർ​ത്തി​യി​ട്ട് ച​ര​ക്ക് ക​യ​റ്റി​റ​ക്ക് ന​ട​ക്കു​ന്നു.

താ​ലൂ​ക്ക് ആ​ശു​പ​ത്രി​യ​ട​ക്കം പ്ര​ധാ​ന സ്ഥാ​പ​ന​ങ്ങ​ൾ സ്ഥി​തി​ചെ​യ്യു​ന്ന തി​ര​ക്കേ​റി​യ ക​ച്ചേ​രി റോ​ഡി​ൽ വാ​ഹ​ന​ങ്ങ​ൾ തോ​ന്നു​പ​ടി നി​ർ​ത്തി​യി​ടു​ന്ന​തി​നാ​ൽ കാ​ൽ​ന​ട​പോ​ലും ദു​രി​ത​ത്തി​ലാ​ണ്. പ​ല​ഭാ​ഗ​ത്തേ​യും ഓ​ട്ടോ, ടാ​ക്സി സ്റ്റാ​ൻ​റു​ക​ളും കൃ​ത്യ​ത​യി​ല്ലാ​താ​യി.

ഇ​തു​പോ​ലെ പാ​ത​യു​ടെ വ​ശ​ത്ത് ന​ട​പ്പാ​ത​ക്കും പാ​ർ​ക്കി​ങി​നും എ​ടു​ത്തി​രു​ന്ന സ്ഥ​ല​ങ്ങ​ൾ മി​ക്ക​യി​ട​ത്തും ക​ച്ച​വ​ട​ക്കാ​ർ കൈയേ​റി സാ​ധ​ന​ങ്ങ​ൾ ഇ​റ​ക്കി​വെ​ക്കു​ന്ന​തും തി​ര​ക്കി​ന് ഇ​ട​യാ​ക്കു​ന്നു. നേ​രത്തെ ഉ​ള്ള സൂ​ച​ക​ബോ​ർ​ഡു​ക​ള​ട​ക്കം സ്ഥാ​പി​ച്ചു​വേ​ണം ട്രാ​ഫി​ക് ന​ട​പ്പാ​ക്കേ​ണ്ട​ത്. വ​ർ​ധി​ച്ചു​വ​രു​ന്ന തി​ര​ക്ക് ക​ണ​ക്കി​ലെ​ടു​ത്ത് അ​ടി​യ​ന്തി​ര​മാ​യി ട്രാ​ഫി​ക് പ​രി​ഷ്ക​ര​ണ ക​മ്മി​റ്റി കൂ​ടി ഗ​താ​ഗ​ത നി​യ​ന്ത്ര​ണ​ത്തി​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്.