“കൈ​യോ​ടെ വാ​ങ്ങൂ, പ​ണം പി​ന്നീ​ടു​മ​തി’! ട്രെ​യി​ൻ ടി​ക്ക​റ്റ് റെ​ഡി, പ​ണം പി​ന്നെ മ​തി; ടി​ക്ക​റ്റ് ബ​ന്ധു​വി​നു മാ​റ്റി​ക്കൊ​ടു​ക്കാം

സ്വ​ന്തം ലേ​ഖ​ക​ൻ

തൃ​ശൂ​ർ: ഓ​ണ്‍​ലൈ​നി​ലൂ​ടെ പ​ണം അ​ട​യ്ക്കാ​തേ​യും ട്രെ​യി​ൻ ടി​ക്ക​റ്റു ബു​ക്ക് ചെ​യ്യാ​വു​ന്ന സം​വി​ധാ​നം ഇ​ന്ത്യ​ൻ റെ​യി​ൽ​വേ കാ​റ്റ​റിം​ഗ് ആ​ൻ​ഡ് ടൂ​റി​സം കോ​ർ​പ​റേ​ഷ​ൻ (ഐ​ആ​ർ​സി​ടി​സി) ആ​രം​ഭി​ക്കു​ന്നു. ബു​ക്കിം​ഗ് ന​ട​ത്തു​ന്ന സമയത്ത് പ​ണം അ​ട​യ്ക്കാ​നു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​തെ പി​ന്നീ​ട് പ​ണം അ​ട​യ്ക്കാ​വു​ന്ന സൗ​ക​ര്യ​മാ​ണ് ഒ​രു​ക്കു​ന്ന​ത്. എ​ന്നാ​ൽ 14 ദി​വ​സ​ത്തി​ന​കം പ​ണം അ​ട​യ്ക്ക​ണം.

മും​ബൈ​യി​ലെ ഇ ​പേ​ലേ​റ്റ​ർ എ​ന്ന സ്ഥാ​പ​നു​മാ​യി ചേ​ർ​ന്നു​കൊ​ണ്ടാ​ണ് ഐ​ആ​ർ​സി​ടി​സി ഈ ​പ​ദ്ധ​തി ന​ട​പ്പാ​ക്കു​ന്ന​ത്. “കൈ​യോ​ടെ വാ​ങ്ങൂ, പ​ണം പി​ന്നീ​ടു​മ​തി’ എ​ന്നാ​ണു മു​ദ്രാ​വാ​ക്യം. ട്രെ​യി​ൻ ടി​ക്ക​റ്റ് ഐ​ആ​ർ​സി​ടി​സി​യു​ടെ സ്ഥി​ര​മാ​യി വാ​ങ്ങു​ന്ന യാ​ത്ര​ക്കാ​ർ​ക്കാ​ണ് ഈ ​സൗ​ക​ര്യം. ഐ​ആ​ർ​സി​ടി​സി മു​ഖേ​ന ദി​വ​സേ​ന ആ​റു ല​ക്ഷം ടി​ക്ക​റ്റു​ക​ളാ​ണു ബു​ക്കു ചെ​യ്യു​ന്ന​ത്. ഇ​തി​ന്‍റെ അ​ഞ്ചു ശ​ത​മാ​നം പേ​രെ​ങ്കി​ലും പു​തി​യ സം​വി​ധാ​നം പ്ര​യോ​ജ​ന​പ്പെ​ടു​ത്തു​മെ​ന്നാ​ണു ക​രു​തു​ന്ന​തെ​ന്ന് ഇ ​പേ ലേ​റ്റ​റി​ന്‍റെ വ​ക്താ​ക്ക​ൾ പ​റ​യു​ന്നു.

അതേ​സ​മ​യം, ട്രെ​യി​ൻ ടി​ക്ക​റ്റ് അ​ടു​ത്ത ബ​ന്ധു​വി​നു മാ​റ്റി​ക്കൊ​ടു​ക്കാ​ൻ റെ​യി​ൽ​വേ സൗ​ക​ര്യം ന​ൽ​കും. ഒ​രാ​ളു​ടെ പേ​രി​ൽ ബു​ക്കു ചെ​യ്ത ടി​ക്ക​റ്റ് മ​റ്റൊ​രാ​ൾ​ക്ക് ഉ​പ​യോ​ഗി​ക്കാ​നാ​വി​ല്ലെ​ന്ന​താ​ണു നി​ല​വി​ലു​ള്ള നി​യ​മം.
എ​ന്നാ​ൽ ബു​ക്കു ചെ​യ്ത​യാ​ൾ​ക്കു യാ​ത്ര ചെ​യ്യാ​ൻ ക​ഴി​യി​ല്ലെ​ങ്കി​ൽ ബു​ക്കു ചെ​യ്ത ടി​ക്ക​റ്റ് കു​ടും​ബാം​ഗ​ങ്ങ​ൾ​ക്കു കൈ​മാ​റാ​നു​ള്ള സൗ​ക​ര്യ​മാ​ണ് ഒ​രു​ക്കു​ന്ന​ത്. ഇ​തി​നാ​യി 24 മ​ണി​ക്കൂ​ർ മു​ന്പെ​ങ്കി​ലും ഐ​ഡി പ്രൂ​ഫ് സ​ഹി​തം ചീ​ഫ് റി​സ​ർ​വേ​ഷ​ൻ സൂ​പ്പർ​വൈ​സ​ർ​ക്ക് അ​പേ​ക്ഷ ന​ൽ​ക​ണം.

ഇ​ത്ത​ര​ത്തി​ൽ സ​ർ​ക്കാ​ർ ഉ​ദ്യോ​ഗ​സ്ഥ​ന്‍റെ പേ​രി​ലു​ള്ള ടി​ക്ക​റ്റ് മ​റ്റൊ​രു സ​ർ​ക്കാ​ർ ഉ​ദ്യോ​ഗ​സ്ഥ​ന് ഉ​പ​യോ​ഗി​ക്കാം. വി​ദ്യാ​ർ​ഥി​ക​ൾ​ക്കും ഈ ​സൗ​ക​ര്യം പ്ര​യോ​ജ​ന​പ്പെ​ടു​ത്താം. അ​ടു​ത്ത മാ​സം മു​ത​ൽ ഈ ​സൗ​ക​ര്യ​ങ്ങ​ൾ നി​ല​വി​ൽ വ​രും.
ട്രെ​യി​ൻ ടി​ക്ക​റ്റ് ബു​ക്കിം​ഗി​ന് ഇ​നി വെ​യ്റ്റിം​ഗ് ലി​സ്റ്റ് ഉ​ണ്ടാ​കി​ല്ല. ആ​ർ​എ​സി മാ​ത്ര​മേ ഉ​ണ്ടാ​കൂ. ഒ​രു ബ​ർ​ത്ത് ര​ണ്ടു പേ​ർ​ക്കാ​ണ് അ​നു​വ​ദി​ക്കു​ക. എ​സി കം​പാ​ർ​ട്ടു​മെ​ന്‍റി​ൽ ആ​ർ​എ​സി യാ​ത്ര​ക്കാ​ർ​ക്ക് ഇ​ത​ര യാ​ത്ര​ക്കാ​രേ​പ്പോ​ലെ പു​ത​പ്പും ബെ​ഡ് ഷീ​റ്റും ന​ൽ​കാ​നും നി​ർ​ദേ​ശി​ച്ചി​ട്ടു​ണ്ട്.