പേ​രാ​മം​ഗ​ലം പോ​ലീ​സി​നു സ​ല്യൂ​ട്ട് ; ഇ​താ​ണു കു​ട്ടികളുടെ പ്രി​യ​പ്പെ​ട്ട ട്യൂ​ഷ​ൻ ടീ​ച്ച​ർ

സ്വ​ന്തം ലേ​ഖ​ക​ൻ
പേ​രാ​മം​ഗ​ലം: “എ​ങ്ങ​നെ പ​ഠി​പ്പി​ക്കാ​നാ സാ​റേ… കു​ട്ടേ്യാ​ൾ​ടെ സം​ശ്യം ഞ​ങ്ങ​ൾ​ക്കു പ​റ​ഞ്ഞോ​ടു​ക്കാ​നാ​വി​ല്ല​ല്ലോ’ ഇൗ ​ചോ​ദ്യ​ത്തി​ന് ഉ​ത്ത​ര​മാ​യാ​ണു വ​ര​ടി​യം ഇ​ത്ത​പ്പാ​റ കോ​ള​നി നി​വാ​സി​ക​ൾ​ക്കു മു​ന്പി​ൽ കു​ട്ടോ​ൾ​ടെ സ്വ​ന്തം ട്യൂ​ഷ​ൻ ടീ​ച്ച​ർ സു​ജി​ത ടീ​ച്ച​ർ ക​ട​ന്നു വ​ന്ന​ത്. അ​തി​ന് അ​വ​സ​ര​മൊ​രു​ക്കി​യ​ത് പേ​രാ​മം​ഗ​ലം പോ​ലീ​സും.

അ​വ​ണൂ​ർ പോ​സ്റ്റ് ഒാഫീ​സി​ലെ താ​ത്കാ​ലി​ക ജോ​ലി​ക​ൾ ക​ഴി​ഞ്ഞ് ഭ​ർ​ത്താ​വും ര​ണ്ടു മ​ക്ക​ളു​മ​ട​ങ്ങു​ന്ന കു​ടും​ബ​ത്തി​ലെ പ​ണി​ക​ൾ​ക്കി​ട​യി​ലാ​ണ് സു​ജി​ത ടീ​ച്ച​ർ  ഇൗ ​സൗ​ജ​ന്യ സേ​വ​ന​ത്തി​നു സ​മ​യം ക​ണ്ടെ​ത്തു​ന്ന​ത്.

കോ​ള​നി​യി​ൽ സ​ന്ദ​ർ​ശ​നം ന​ട​ത്താ​റു​ള്ള ജ​ന​മൈ​ത്രി പോ​ലീ​സ് ബീ​റ്റ് ഓ​ഫീ​സ​ർ​മാ​രാ​യ എ.​ടി. വി​നേ​ഷ്, എ​സ്. സു​മേ​ഷ് എ​ന്നി​വ​രോ​ടാണു കോ​ള​നി നി​വാ​സി​ക​ളാ​യ വീ​ട്ട​മ്മ​മാ​ർ ഇ​ങ്ങ​നെ​യൊ​രു ആ​വ​ശ്യം മു​ന്നോ​ട്ടു​വ​ച്ച​ത്.

ത​ങ്ങ​ളു​ടെ കു​ട്ടി​ക​ൾ പ​ഠ​ന​ത്തി​ൽ പി​റ​കി​ലാ​ണ്. അ​വ​ർ​ക്കു ന​ന്നാ​യി പ​ഠി​ക്കാ​നു​ള്ള സാ​ഹ​ച​ര്യം ഒ​രു​ക്ക​ണം. കു​ട്ടി​ക​ൾ സം​ശ​യം ചോ​ദി​ച്ചാ​ൽ ഞ​ങ്ങ​ൾ​ക്കു പ​റ​ഞ്ഞു​കൊ​ടു​ക്കാ​നാ​കു​ന്നി​ല്ല.

ഇ​താ​യി​രു​ന്നു അ​വ​രു​ടെ പ​രാ​തി. ബീ​റ്റ് ഓ​ഫീ​സ​ർ​മാ​ർ ഇ​ക്കാ​ര്യം ഇ​ൻ​സ്പെ​ക്ട​ർ വി. ​അ​ശോ​ക് കു​മാ​റി​നെ ധ​രി​പ്പി​ച്ചു. അ​ങ്ങനെ​യാ​ണ് ട്യൂ​ഷ​ൻ കൊ​ടു​ക്കാ​മെ​ന്ന ആ​ശ​യ​മു​ണ്ടാ​യ​ത്.

ജ​ന​മൈ​ത്രി പോ​ലീ​സി​ന്‍റെ നേ​തൃ​ത്വ​ത്തി​ൽ​ത​ന്നെ ട്യൂ​ഷ​ൻ ന​ട​ത്തി​പ്പി​നു സ്ഥ​ലം ക​ണ്ടെ​ത്തി. ഉ​ചി​ത​രാ​യ അ​ധ്യാ​പി​ക​യെ ക​ണ്ടെ​ത്താ​നു​ള്ള ശ്ര​മ​ത്തി​നി​ടെ​യാ​ണു വ​ര​ടി​യം വ​ട​ക്കേ വ​ള​പ്പി​ൽ വി.​കെ. ഉ​ണ്ണി​കൃ​ഷ്ണ​ന്‍റെ ഭാ​ര്യ സു​ജി​ത സൗ​ജ​ന്യ​മാ​യി ക്ലാ​സെ​ടു​ക്കാ​മെ​ന്ന വാ​ഗ്ദാ​ന​വു​മാ​യി സ്വ​മേ​ധ​യാ മു​ന്നോ​ട്ടു വ​ന്ന​ത്.

സൗ​ജ​ന്യ ട്യൂ​ഷ​ൻ ക്ലാ​സ് ക​ഴി​ഞ്ഞ ദി​വ​സം ഇ​ത്ത​പ്പാ​റ നെ​യ്ത്തു​ശാല ഹാ​ളി​ൽ ആ​രം​ഭി​ച്ചു. ഇ​തോ​ട​നു​ബ​ന്ധി​ച്ച് എ​ല്ലാ കു​ട്ടി​ക​ൾ​ക്കും ജ​ന​മൈ​ത്രി പോ​ലീ​സി​ന്‍റെ വ​ക പ​ഠ​നോ​പ​ക​ര​ണ​ങ്ങ​ൾ വി​ത​ര​ണം ചെ​യ്തു.

ആ​ദ്യ ദി​വ​സംത​ന്നെ എ​ൽ​കെ​ജി മു​ത​ൽ പ​ത്താം ക്ലാ‌​സു​വ​രെ​യു​ള്ള അ​മ്പ​തി​ല​ധി​കം വി​ദ്യാ​ർ​ഥി​ക​ളാ​ണു ട്യൂ​ഷ​ൻ ക്ലാ​സി​ലെ​ത്തി​യ​ത്.ട്യൂ​ഷ​ൻ ടീ​ച്ച​റാ​യ സു​ജി​ത ബി​എ​സ്‌സി ​സു​വോ​ള​ജി, കെ​ടെ​റ്റ്, ബി​എ​ഡ് ബി​രു​ദ​ങ്ങ​ൾ​ക്കു​ട​മ​യാ​ണ്.