നാ​ട്ടി​ലാ​കെ ഉ​ത്സ​വ​മേ​ളം; വെ​ടി​ക്കെ​ട്ടു​ക​ൾ​ക്ക് മ​ണി​ച്ചി​ത്ര​ത്താ​ഴി​ട്ട് അ​ധി​കൃ​ത​ർ; വിണ്ണിലെ വ​ർ​ണ്ണ​കാ​ഴ്ച​ക​ളു​ടെ പൂ​രം ഒ​രു​ക്കാ​ൻ കോ​ട​തി​കയ​റിയി​റ​ങ്ങി ഉ​ത്സ​വ​ക​മ്മ​റ്റി​ക്കാ​ർ

തൃ​ശൂ​ർ: മ​ധ്യ​കേ​ര​ള​ത്തി​ല​ട​ക്കം ഉ​ത്സ​വ​പൂ​രം സീ​സ​ണ്‍ തു​ട​ങ്ങി​യ​തോ​ടെ വെ​ടി​ക്കെ​ട്ടു​ക​ൾ വീ​ണ്ടും ചു​വ​പ്പു​നാ​ട​യി​ൽ കു​രു​ങ്ങി. പേ​രു​കേ​ട്ട പ​ല വെ​ടി​ക്കെ​ട്ടു​ക​ൾ​ക്കും അ​ധി​കൃ​ത​ർ മ​ണി​ച്ചി​ത്ര​ത്താ​ഴി​ട്ടു പൂ​ട്ടി​ക്ക​ഴി​ഞ്ഞു. വെ​ടി​ക്കെ​ട്ടി​ന് അ​നു​മ​തി കി​ട്ടാ​ൻ ഇ​നി കോ​ട​തി ക​യ​റി​യി​റ​ങ്ങേ​ണ്ട അ​വ​സ്ഥ​യി​ലാ​ണ് ഉ​ത്സ​വം​പൂ​രം ക​മ്മി​റ്റി​ക്കാ​ർ.

തൃ​ശൂ​രി​ലും തൃ​പ്പൂ​ണി​ത്തു​റ​യി​ലും അ​ടു​ത്ത​കാ​ല​ത്തു​ണ്ടാ​യ വെ​ടി​ക്കെ​ട്ട​പ​ക​ട​ങ്ങ​ളു​ടെ പ​ശ്ചാ​ത്ത​ലം പ​രി​ശോ​ധി​ച്ച​തി​ൽ വെ​ടി​ക്കെ​ട്ടി​ന് ലൈ​സ​ൻ​സ് അ​നു​വ​ദി​ക്കു​ന്ന​ത് പൊ​തു​ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​ണെ​ന്ന് ബോ​ധ്യ​മാ​യ​തി​ന്‍റെ അ​ടി​സ്ഥാ​ന​ത്തി​ൽ വ​ട​ക്ക​ഞ്ചേ​രി ശ്രീ​രു​ധി​ര​മ​ഹാ​കാ​ളി​ക്കാ​വ് ക്ഷേ​ത്ര​ത്തി​ലെ പൂ​രം പ​റ പു​റ​പ്പാ​ടി​നോ​ട​നു​ബ​ന്ധി​ച്ചു​ള്ള വെ​ടി​ക്കെ​ട്ടി​ന് അ​നു​മ​തി നി​ഷേ​ധി​ച്ച് എ​ഡി​എം ഉ​ത്ത​ര​വ് പു​റ​ത്തി​റ​ക്കി​യി​രു​ന്നു.

ഇ​ത് വ​രാ​നി​രി​ക്കു​ന്ന പ​ല വെ​ടി​ക്കെ​ട്ടു​ക​ൾ​ക്കും ബാ​ധ​ക​മാ​കു​മെ​ന്ന ആ​ശ​ങ്ക​യാ​ണ് ഇ​പ്പോ​ഴു​യ​ർ​ന്നി​രി​ക്കു​ന്ന​ത്.വെ​ടി​ക്കെ​ട്ട് സാ​മ​ഗ്രി​ക​ൾ കൈ​കാ​ര്യം ചെ​യ്യു​ന്ന​തി​ൽ വ​രു​ന്ന ചെ​റി​യ പി​ഴ​വു പോ​ലും മ​നു​ഷ്യ​ജീ​വ​ന് ഏ​റെ ഹാ​നി​ക​ര​മാ​ണെ​ന്ന് സ​മീ​പ​കാ​ല​ത്ത് തൃ​ശൂ​ർ ജി​ല്ല​യി​ലെ കു​ണ്ട​ന്നൂ​ർ, വ​ര​വൂ​ർ എ​ന്നി​വി​ട​ങ്ങ​ളി​ൽ ന​ട​ന്ന വെ​ടി​ക്കെ​ട്ട്-​ക​തി​ന അ​പ​ക​ട​ങ്ങ​ളി​ൽ ന​ട​ത്തി​യ വി​ശ​ദ​മാ​യ അ​ന്വേ​ഷ​ണ​ത്തി​ൽ ബോ​ധ്യ​പ്പെ​ട്ടി​ട്ടു​ണ്ടെ​ന്നും ഉ​ത്ത​ര​വി​ൽ പ​രാ​മ​ർ​ശി​ക്കു​ന്നു.

പോ​ലീ​സ്, ഫ​യ​ർ, റ​വ​ന്യൂ​വ​കു​പ്പു​ക​ളു​ടെ അ​ന്വേ​ഷ​ണ റി​പ്പോ​ർ​ട്ടു​ക​ൾ കൂ​ടി ക​ണ​ക്കി​ലെ​ടു​ത്താ​ണ് ഈ ​തീ​രു​മാ​ന​മെ​ന്നും എ​ഡി​എം ടി.​ മു​ര​ളി​യു​ടെ ഉ​ത്ത​ര​വി​ലു​ണ്ട്.വെ​ടി​ക്കെ​ട്ടി​ന്‍റെ ഡി​സ്പ്ലെ ലൈ​നി​ൽ നി​ന്നും നൂ​റു​മീ​റ്റ​ർ ദൂ​ര​ത്തു മാ​ത്ര​മേ വെ​ടി​ക്കെ​ട്ട് കാ​ണാ​ൻ ആ​ളു​ക​ളെ നി​ർ​ത്തു​ക​യു​ള്ളു എ​ന്ന നി​ബ​ന്ധ​ന കൂ​ടു​ത​ൽ ക​ർ​ശ​ന​മാ​ക്കു​മെ​ന്ന സൂ​ച​ന​യാ​ണ് രു​ധി​ര​മ​ഹാ​കാ​ളി​ക്കാ​വ് വെ​ടി​ക്കെ​ട്ടി​ന് അ​നു​മ​തി നി​ഷേ​ധി​ച്ചു​ള്ള ഉ​ത്ത​ര​വി​ലു​ള്ള​ത്.

വെ​ടി​ക്കെ​ട്ട് ന​ട​ക്കു​ന്ന സ്ഥ​ല​ത്തി​ന്‍റെ 200 മീ​റ്റ​ർ ചു​റ്റ​ള​വി​ൽ നി​ര​വ​ധി വീ​ടു​ക​ളും വാ​ണി​ജ്യ സ്ഥാ​പ​ന​ങ്ങ​ളും സ്ഥി​തി ചെ​യ്യു​ന്നു​ണ്ടെ​ന്നും ഇ​വി​ടെ താ​മ​സി​ക്കു​ന്ന​വ​രു​ടേ​യും സ്ഥാ​പ​ന ഉ​ട​മ​ക​ളു​ടേ​യും സ​മ്മ​ത​പ​ത്രം ല​ഭി​ച്ചി​ട്ടി​ല്ലെ​ന്നും വെ​ടി​ക്കെ​ട്ട് അ​പേ​ക്ഷ നി​ര​സി​ക്കാ​ൻ കാ​ര​ണ​മാ​യി ചൂ​ണ്ടി​ക്കാ​ട്ടി​യി​ട്ടു​ണ്ട്.

വെ​ടി​ക്കെ​ട്ട് കാ​ണാ​ൻ മ​റ്റു ജി​ല്ല​ക​ളി​ൽ നി​ന്നു​വ​രെ ആ​ളു​ക​ൾ എ​ത്തു​ന്പോ​ൾ ഉ​ണ്ടാ​കു​ന്ന തി​ക്കും​തി​ര​ക്കും മൂ​ല​മു​ണ്ടാ​കു​ന്ന ഭ​വി​ഷ്യ​ത്ത് ഭീ​ക​ര​മാ​യി​രി​ക്കു​മെ​ന്നാ​ണ് ജി​ല്ല പോ​ലീ​സ് മേ​ധാ​വി റി​പ്പോ​ർ​ട്ട് ന​ൽ​കി​യ​ത്. ഇ​തും വെ​ടി​ക്കെ​ട്ട് അ​പേ​ക്ഷ ത​ള്ളാ​ൻ കാ​ര​ണ​മാ​യി.

സം​സ്ഥാ​ന​പാ​ത​യി​ൽ ട്രാ​ഫി​ക് പൂ​ർ​ണ​മാ​യും ത​ട​സ​പ്പെ​ടു​മെ​ന്നും അ​ടി​യ​ന്തി​ര ഘ​ട്ട​ത്തി​ൽ ര​ക്ഷാ​പ്ര​വ​ർ​ത്ത​നം ദു​ഷ്ക​ര​മാ​കു​മെ​ന്നും ജി​ല്ല പോ​ലീ​സ് മേ​ധാ​വി ന​ൽ​കി​യ റി​പ്പോ​ർ​ട്ടി​ൽ പ​രാ​മ​ർ​ശി​ച്ചി​ട്ടു​ണ്ട്. വ​ള​രെ​യ​ധി​കം ജ​ന​ങ്ങ​ൾ പ​ങ്കെ​ടു​ക്കു​ന്ന രു​ധി​ര​മ​ഹാ​കാ​ളി​കാ​വ് പൂ​ര​ത്തി​ന്‍റെ വെ​ടി​ക്കെ​ട്ടി​ന് വ​ള​രെ​യ​ധി​കം അ​പ​ക​ട​സാ​ധ്യ​ത​യു​ള്ള​തി​നാ​ൽ വെ​ടി​ക്കെ​ട്ടി​ന് അ​നു​മ​തി ന​ൽ​കേ​ണ്ട​തി​ല്ലെ​ന്ന് ജി​ല്ല പോ​ലീ​സ് മേ​ധാ​വി ത​ന്നെ​യാ​ണ് റി​പ്പോ​ർ​ട്ട് ന​ൽ​കി​യ​ത്.