റാഞ്ചി: ജാർഖണ്ഡിലെ ഹസാരിബാഗ് ടൗണിൽ ചവറ്റുകുട്ടയിൽ ഉപേക്ഷിക്കപ്പെട്ടനിലയിൽ കണ്ടെത്തിയ എട്ടു മാസം പ്രായമുള്ള പെൺകുട്ടിയെ അമേരിക്കൻ ദമ്പതികൾ ദത്തെടുത്തു. 2023 ജൂൺ 16നാണു ചവറ്റുകുട്ടയിൽനിന്നു കുഞ്ഞിനെ ലഭിച്ചത്.
ആശുപത്രിയിലെ ചികിത്സയ്ക്കുശേഷം കുഞ്ഞിനെ ഹസാരിബാഗിലെ ശിശുക്ഷേമ വകുപ്പിന് കൈമാറി. ഉപേക്ഷിക്കപ്പെട്ട കുട്ടിയുടെ മാതാപിതാക്കളെ ചൈൽഡ് വെൽഫെയർ കമ്മിറ്റി അധികൃതർ അന്വേഷിച്ചെങ്കിലും കണ്ടെത്താനായില്ല.
സെൻട്രൽ അഡോപ്ഷൻ റിസോഴ്സ് അഥോറിറ്റിയുടെ പോർട്ടൽ വഴി ദത്തെടുക്കൽ അറിയിപ്പു നൽകിയപ്പോൾ കുഞ്ഞിനെ ദത്തെടുക്കാമെന്ന് അറിയിച്ച് അമേരിക്കൻ ദമ്പതികൾ രംഗത്തെത്തുകയായിരുന്നു. കുഞ്ഞിനെ ദമ്പതികൾക്കു കൈമാറി.
