ക​നാ​ൽ ബ​ണ്ട് ശു​ചീ​ക​ര​ണ​മി​ല്ല; വൃ​ക്ഷ​ങ്ങ​ൾ വ​ള​ർ​ന്ന് സ്ലാ​ബു​ക​ൾ​ക്ക് നാ​ശം; കോടികളുടെ വാഗ്ദാനം വർഷാവർഷം നൽകുമാത്രമേയുള്ളുവെന്ന് കർഷകർ

വ​ണ്ടി​ത്താ​വ​ളം: മൂ​ല​ത്ത​റ ഇ​ട​തു ക​നാ​ൽബ​ണ്ടി​ൽ കാ​ടു​പി​ടി​ച്ചും വൃ​ക്ഷ​ങ്ങ​ൾ വളർന്നും സ്ലാ​ബു​ക​ൾ ത​ക​ർ​ന്ന് നാ​ശം ഉ​ണ്ടാ​യി​രി​ക്കു​ക​യാ​ണ്. 1977 ൽ ​മൂ​ല​ത്ത​റ ഇ​ട​തു ക​നാ​ൽ നി​ർ​മ്മി​ച്ച ശേ​ഷം 42 കൊ​ല്ലം ക​ഴിഞ്ഞും ​ഫ​ല​പ്ര​ദ​മാ​യ സം​ര​ക്ഷ​ണ ജോ​ലി​ക​ൾ ന​ട​ന്നി​ട്ടി​ല്ല.

ക​ന്നി​മാ​രി, കു​റ്റി​ക്ക​ൽ​ച്ച​ള്ള, പാ​ട്ടി​കു​ളം, ഏ​ന്ത​ൽ​പ്പാ​ലം, വ​ണ്ടി​ത്താ​വ​ളം, ചു​ള്ളി​പ്പെ​രു​ക്ക​മേ​ട്, മൂ​പ്പ​ൻ​കു​ളം, തു​രി​ശു​മൊ​ക്ക്, ത​ത്ത​മം​ഗ​ലം പ​ള്ളി​മൊക്ക് ​ഉ​ൾ​പ്പെ​ടെ സ്ഥ​ല​ങ്ങ​ളി​ൽ ക​നാ​ൽ ബ​ണ്ട് ത​ക​ർ​ച്ച​യി​ലാ​ണ്. വ​ർ​ഷം തോ​റും താ​ലൂ​ക്കി​ലെ ക​നാ​ലു​ക​ൾ പു​ന​ർ​നി​ർ​മ്മാ​ണ​ത്തി​ന് ബ​ന്ധ​പ്പെ​ട്ട ജ​ല​സേ​ച​ന വ​കു​പ്പ് കോ​ടി​ക​ൾ വാ​ഗ്ദാ​നം ന​ൽ​കു​ന്നു​ണ്ടെ​ങ്കി​ലും ഇ​തൊ​ന്നും പ്രാ​വ​ർ​ത്തി​ക​മാ​ക്കാ​ത്ത​തി​ൽ ക​ർ​ഷരോ​ഷം നി​ല​വി​ല​വി​ലു​ണ്ട്.

ക​ഴി​ഞ്ഞ വ​ർ​ഷം വ​ണ്ടി​ത്താ​വ​ളം പാ​റ​മേ​ട്ടി​ൽ ക​നാ​ൽ ബ​ണ്ട് പ​ത്തു മീ​റ്റ​റോ​ളം പൊ​ട്ടി വീ​ടു​ക​ൾ, മ​ദ്ര​സ സ്കൂ​ൾ, നി​ർ​മ്മാ​ണ​ത്തി​ലി​രി​ക്കു​ന്ന കെ​ട്ടി​ട​ങ്ങ​ൾ, കൊ​യ്യാ​റാ​യ വ​യ​ലു​ക​ൾ എ​ന്നി​വി​ട​ങ്ങ​ളി​ലും കു​ത്തി​യൊ​ലി​ച്ചെ​ത്തി ​ജ​ലം സ​ർ​വ്വ​നാ​ശം വി​ത​ച്ചു.ക​നാ​ൽ വെ​ള്ളം ഇ​റ​ക്കാ​താ​യ​തോ​ടെ പു​തു​ന​ഗ​രം, പെ​രു​വെ​ന്പ്, പ​ല്ല​ശ്ശ​ന, കൊ​ടു​വാ​യൂ​ർ , ത​ത്ത​മം​ഗ​ലം ഭാ​ഗ​ത്തേ​ക്ക് വെ​ള്ളം ല​ഭി​ക്കാ​തെ ര​ണ്ടാം വി​ള ഭാ​ഗി​ക​മാ​യി ന​ശി​ച്ചി​രു​ന്നു.

പി​ന്നീ​ട് മൂ​ന്ന് മാ​സ​ത്തി​നു ശേ​ഷ​മാ​ണ് ക​നാ​ൽ ബ​ണ്ട് ത​ക​ർ​ന്ന​ത് ശ​രി​പ്പെ​ടു​ത്തി ജ​ല​വി​ത​ര​ണം തു​ട​ങ്ങി​യ​ത്.എ​ന്നാ​ൽ വ​ണ്ടി​ത്താ​വ​ളം ഹൈ​സ്കൂ​ളി​നു പി​ൻ​ഭാ​ഗ​ത്തെ ബ​ണ്ട് ഏ​ഴു​മീ​റ്റ​റോ​ളം ത​ക​ർ​ന്നു. സ്കൂ​ളി​ന​ക​ത്ത് വെ​ള്ളം ക​യ​റി ചു​റ്റു​മ​തി​ൽ ത​ക​ർ​ന്നി​രു​ന്നു.

ജ​ല​സേ​ച​ന വ​കു​പ്പ് ജീ​വ​ന​ക്കാ​രെ​ത്തി സ്ഥ​ലം പ​രി​ശോ​ധി​ച്ച് മ​ട​ങ്ങി ഒ​രു മാ​സം ക​ഴി​ഞ്ഞും ബ​ണ്ട് പു​ന​ർ​നി​ർ​മ്മാ​ണ​ത്തി​ന് ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല. ക​നാ​ലി​ൽ പൂ​ർ​ണ്ണ​തോ​തി​ൽ വെ​ള്ള​മി​റ​ക്കി​യാ​ൽ താ​ൽ​ക്കാ​ലി​ക​മാ​യി നി​ർ​മ്മി​ച്ച ചു​റ്റു​മ​തി​ലും സ​മീ​പ​ത്തെ ടോ​യ്‌ലറ്റു​ക​ളും ത​ക​രു​ം.