ചി​ങ്ങ​വ​നത്ത് വ​ൻ വ്യാ​ജ​മ​ദ്യ​നി​ർ​മാ​ണം നടക്കുന്നതായി എക്സൈസ്; രഹസ്യ വിവരത്തെ തുടർന്നെത്തിയ ഉദ്യോഗസ്ഥരെ ഓട്ടോറിക്ഷ ഇടിപ്പിച്ചു അപടകമുണ്ടാക്കി പ്രതികൾ രക്ഷപ്പെട്ടു; സാരമായി പരിക്കേറ്റവരെ ആശുപത്രിയിൽ പ്രവേശിപ്പിച്ചു

കോ​ട്ട​യം: ചി​ങ്ങ​വ​നം കേ​ന്ദ്രീ​ക​രി​ച്ച് വ​ൻ തോ​തി​ൽ വ്യാ​ജ​മ​ദ്യ നി​ർ​മാ​ണം ന​ട​ക്കു​ന്നു. ഇ​ന്ന​ലെ എ​ക്സൈ​സി​നെ വെ​ട്ടി​ച്ചു ക​ട​ന്ന ഓ​ട്ടോ​റി​ക്ഷ​യി​ൽനി​ന്ന് പി​ടി​കൂ​ടി​യ​ത് വ്യാ​ജ​മ​ദ്യ​മാ​യി​രു​ന്നു​വെ​ന്ന് കോ​ട്ട​യം എ​ക്സൈ​സ് റേ​ഞ്ച് ഇ​ൻ​സ്പെ​ക്ട​ർ അ​നി​ൽ​കു​മാ​ർ പ​റ​ഞ്ഞു. ര​ണ്ടു ലി​റ്റ​ർ വ്യാ​ജ​മ​ദ്യ​മാ​ണ് പി​ടി​കൂ​ടി​യ​ത്.

650 മി​ല്ലി​യു​ടെ സോ​ഡാ​കു​പ്പി​യി​ലും ഫ്രൂ​ട്ടി​യു​ടെ മ​റ്റൊ​രു കു​പ്പി​യി​ലു​മാ​ണ് മ​ദ്യം നി​റ​ച്ചി​രു​ന്ന​ത്. ഇ​ത് ബി​വ​റേ​ജ​സി​ൽ നി​ന്ന് വാ​ങ്ങി​ക്കൊ​ണ്ടു വന്ന് വി​ൽ​ക്കു​ന്ന​ത​ല്ലെ​ന്നും ഇ​വ​ർ ത​ന്നെ ത​യാ​റാ​ക്കി ക​ള​ർ ചേ​ർ​ത്ത​താ​ണെ​ന്നു​മാ​ണ് എ​ക്സൈ​സ് ക​ണ്ടെ​ത്ത​ൽ.

ഇ​തോ​ടെ ചി​ങ്ങ​വ​നം മേ​ഖ​ല​യി​ൽ വ​ൻ തോ​തി​ൽ വ്യാ​ജ മ​ദ്യ​നി​ർ​മാ​ണം ന​ട​ക്കു​ന്നു​വെ​ന്ന് വ്യ​ക്ത​മാ​യി. വ്യാ​ജ​മ​ദ്യ വി​ൽ​പ​ന സം​ബ​ന്ധി​ച്ച് കൃ​ത്യ​മാ​യ വി​വ​രം എ​ക്സൈ​സി​ന് ല​ഭി​ച്ച​തി​നെ തു​ട​ർ​ന്നാ​ണ് പ​രു​ത്തും​പാ​റ​യി​ൽ ഓ​ട്ടോ​റി​ക്ഷ​യെ എ​ക്സൈ​സ് സം​ഘം പി​ൻ​തു​ട​ർ​ന്ന​ത്. എ​ക്സൈ​സ് ഉ​ദ്യോ​ഗ​സ്ഥ​ർ സ​ഞ്ച​രി​ച്ച ഇ​രു​ച​ക്ര വാ​ഹ​ന​ത്തി​ൽ ഓ​ട്ടോ​റി​ക്ഷ ഇ​ടി​പ്പി​ച്ച ശേ​ഷ​മാ​ണ് ഓ​ട്ടോ ഡ്രൈ​വ​ർ ര​ക്ഷ​പ്പെ​ട്ട​ത്. ര​ണ്ട് എ​ക്സൈ​സ് ഉ​ദ്യോ​ഗ​സ്ഥ​ർ​ക്ക് പ​രി​ക്കേ​റ്റി​ട്ടു​ണ്ട്.

അ​ടു​ത്ത കാ​ല​ത്ത് ആ​ദ്യ​മാ​ണ് കോ​ട്ട​യ​ത്ത് വ്യാ​ജ​മ​ദ്യം പി​ടി​കൂ​ടു​ന്ന​ത്. ബി​വ​റേ​ജ​സി​ൽ നി​ന്ന് വാ​ങ്ങി പെ​ഗ് ക​ണ​ക്കി​നും വ​ലി​യ കു​പ്പി​യി​ൽ നി​ന്ന് ചെ​റി​യ​കു​പ്പി​യി​ൽ പ​ക​ർ​ന്നും വി​ൽ​പ​ന ന​ട​ത്തു​ന്ന​താ​ണ് ഇ​തു​വ​രെ പി​ടി​കൂ​ടി​യ​ത്. എ​ന്നാ​ൽ സ്വ​ന്ത​മാ​യി സ്പി​രി​റ്റി​ൽ നി​റം ചേ​ർ​ത്ത് വ്യാ​ജ​മ​ദ്യം ത​യാ​റാ​ക്കു​ന്ന സം​ഘം ജി​ല്ല​യി​ൽ പ്ര​വ​ർ​ത്തി​ക്കു​ന്നു എ​ന്ന​ത് ഗു​രു​ത​ര​മാ​യ കേ​സാ​യി​ട്ടാ​ണ് എ​ക്സൈ​സ്് ക​ണ​ക്കാ​ക്കു​ന്ന​ത്.

പ​രു​ത്തും​പാ​റ​യി​ൽ എ​ക്സൈ​സി​നെ വെ​ട്ടി​ച്ചു​ക​ട​ന്ന ഓ​ട്ടോ​റി​ക്ഷാ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. ആ​രാ​ണ് ഇ​തി​നു പി​ന്നി​ലെ​ന്ന കൃ​ത്യ​മാ​യ വി​വ​ര​വും എ​ക്സൈ​സ് വൃ​ത്ത​ങ്ങ​ൾ ശേൃ​ഖ​രി​ച്ചു. ഇ​നി അ​റി​യേ​ണ്ട​ത് എ​വി​ടെ​യാ​ണ് മ​ദ്യം ത​യാ​റാ​ക്കു​ന്ന​ത്. ആ​രൊ​ക്കെ​യാ​ണ് ഇ​തി​നു പി​ന്നി​ൽ, എ​ത്ര​നാ​ളാ​യി തു​ട​ങ്ങി​യി​ട്ട് തു​ട​ങ്ങി​യ കാ​ര്യ​ങ്ങ​ളാ​ണ്.

വ്യാ​ജ മ​ദ്യം ത​യാ​റാ​ക്കു​ന്ന​തി​നു​ള്ള സ്പി​രി​റ്റ് എ​ത്തി​ക്കു​ന്ന​ത് എ​ങ്ങ​നെ​യെ​ന്നും ക​ണ്ടെ​ത്തേ​ണ്ടി​യി​രി​ക്കു​ന്നു. ഓ​ട്ടോ​റി​ക്ഷാ ഇ​ടി​ച്ചു പ​രി​ക്കേ​റ്റ സി​വി​ൽ എ​ക്സൈ​സ് ഓ​ഫീ​സ​ർ​മാ​രാ​യ അ​മ​ൽ, വി​ഷ്്ണു എ​ന്നി​വ​രെ കു​റി​ച്ചി സ​ർ​ക്കാ​ർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മു​ൻ​പ് കോ​ട്ട​യം കോ​ടി​മ​തി​യി​ൽ നി​ന്ന് വ്യാ​ജ​മ​ദ്യം പി​ടി​കൂ​ടി​യ കേ​സി​ൽ തു​ട​ർ അ​ന്വേ​ഷ​ണം നി​ല​ച്ചി​രി​ക്കു​ക​യാ​യി​രു​ന്നു.