യാത്രക്കാരെ “ബന്ദി’കളാക്കി കർണാടക; കണ്ണടച്ച് കേരളം! പ്രാ​ഥ​മി​ക ആ​വ​ശ്യ​ങ്ങ​ൾ​ക്കു​വേ​ണ്ടി പെ​ൺ​കു​ട്ടി​ക​ളും സ്ത്രീ​ക​ളും അ​നു​ഭ​വി​ച്ച പ്ര​യാ​സം ഏ​റെ​യാ​യി​രു​ന്നു

ഇ​രി​ട്ടി: കു​ട​ക് ഉ​ൾ​പ്പെ​ടെ​യു​ള്ള ജി​ല്ല​ക​ളി​ൽ ക​ർ​ണാ​ട​ക സ​ർ​ക്കാ​ർ ഏ​ർ​പ്പെ​ടു​ത്തി​യ ക​ടു​ത്ത നി​യ​ന്ത്ര​ണ​ങ്ങ​ൾ യാ​ത്ര​ക്കാ​ർ​ക്ക് തീ​രാ​ദു​രി​ത​മാ​കു​ന്നു.

ശ​നി, ഞാ​യ​ർ ദി​വ​സ​ങ്ങ​ളി​ലെ ക​ർ​ഫ്യൂ​വി​നു പി​ന്നാ​ലെ ഇ​ന്ന​ലെ അ​തി​ർ​ത്തി​യി​ൽ ഏ​ർ​പ്പെ​ടു​ത്തി​യ ക​ടു​ത്ത പ​രി​ശോ​ധ​ന കാ​ര​ണം യാ​ത്ര​ക്കാ​ർ​ക്കും ച​ര​ക്കു​വാ​ഹ​ന​ങ്ങ​ൾ​ക്കും പ​ത്തു മ​ണി​ക്കൂ​റി​ല​ധി​കം ചു​രം പാ​ത​യി​ൽ കാ​ത്തു​കി​ട​ക്കേ​ണ്ടി വ​ന്നു.

ദി​വ​സ​ങ്ങ​ളാ​യി ജ​ന​ങ്ങ​ൾ അ​നു​ഭ​വി​ക്കു​ന്ന യാ​ത്രാ​ദു​രി​ത​ത്തി​നു പ​രി​ഹാ​രം കാ​ണാ​ൻ കേ​ര​ള സ​ർ​ക്കാ​ർ ഇ​ട​പെ​ട​ണ​മെ​ന്ന ആ​വ​ശ്യം ശ​ക്ത​മാ​കു​ക​യാ​ണ്.

ര​ണ്ടു ഡോ​സ് വാ​ക്‌​സി​ൻ എ​ടു​ത്ത​വ​ർ​ക്കു​പോ​ലും യാ​ത്രാ​നി​രോ​ധ​ന​മാ​ണ്. 72 മ​ണി​ക്കൂ​റി​നു​ള്ളി​ൽ എ​ടു​ത്ത ആ​ർ​ടി​പി​സി​ആ​ർ നെ​ഗ​റ്റീ​വ് ടെ​സ്റ്റ് സ​ർ​ട്ടി​ഫി​ക്ക​റ്റു​ള്ള​വ​ർ​ക്കു മാ​ത്ര​മാ​ണ് പ്ര​വേ​ശ​നാ​നു​മ​തി. അ​വ​ർ​ക്കും മ​ണി​ക്കൂ​റു​ക​ൾ ചെ​ക്ക് പോ​സ്റ്റ് അ​ധി​കൃ​ത​രു​ടെ ക​നി​വു കാ​ത്ത് ക​ഴി​യേ​ണ്ടി​വ​രു​ന്നു.

ഇ​ന്ന​ലെ പു​ല​ർച്ചെ നാ​ലി​ന് എ​ത്തി​യ​വ​ർ​പോ​ലും മാ​ക്കൂ​ട്ട​ത്തെ പ​രി​ശോ​ധ​ന ക​ഴി​ഞ്ഞ് അ​തി​ർ​ത്തി ക​ട​ന്ന​ത് ഉ​ച്ച​യ്ക്ക് 12 നാ​ണ്.

ചെ​ക്ക് പോ​സ്റ്റി​ൽ ക​ർ​ണാ​ട​ക ആ​രോ​ഗ്യ​വ​കു​പ്പി​ന്‍റെ പ​രി​ശോ​ധ​ന ഇ​ഴ​ഞ്ഞു​നീ​ങ്ങി​യ​തോ​ടെ മാ​ക്കൂ​ട്ടം ചെ​ക്ക് പോ​സ്റ്റി​ൽ​നി​ന്ന് കൂ​ട്ടു​പു​ഴ പാ​ല​വും ക​ഴി​ഞ്ഞ് ക​ച്ചേ​രി​ക്ക​ട​വ് പാ​ല​ത്തി​ന​പ്പു​റം വ​രെ വാ​ഹ​ന​ങ്ങ​ളു​ടെ നി​ര നീ​ണ്ടു.

വീ​രാ​ജ്പേ​ട്ട ഭാ​ഗ​ത്തു​നി​ന്നു വ​രു​ന്ന വാ​ഹ​ന​ങ്ങ​ളു​ടെ എ​ണ്ണ​വും കൂ​ടി​യ​തോ​ടെ റോ​ഡി​ന് ഇ​രു​വ​ശ​ങ്ങ​ളി​ലും ത​ല​ങ്ങും വി​ല​ങ്ങും വാ​ഹ​ന​ങ്ങ​ൾ നി​ര​ന്നു.

ഇ​തോ​ടെ കൂ​ട്ടു​പു​ഴ പാ​ല​ത്തി​ന് സ​മീ​പ​ത്തു​കൂ​ടി പേ​ര​ട്ട, മ​ട്ടി​ണി, കോ​ളി​ത്ത​ട്ട് ഭാ​ഗ​ങ്ങ​ളി​ലേ​ക്ക് പോ​കേ​ണ്ട​വ​രും ദു​രി​ത​ത്തി​ലാ​യി. നാ​ട്ടു​കാ​രും പോ​ലീ​സും ഇ​ട​പെ​ട്ട് വാ​ഹ​ന​ങ്ങ​ൾ ഒ​രു​വ​ശ​ത്ത് മാ​ത്രം പാ​ർ​ക്ക് ചെ​യ്യാ​വു​ന്ന നി​ല​യി​ലാ​ക്കി.

ആ​ർ​ടി​പി​സി​ആ​ർ സ​ർ​ട്ടി​ഫി​ക്ക​റ്റു​മാ​യി സ്ത്രീ​ക​ളും കു​ട്ടി​ക​ളു​മാ​യി എ​ത്തി​യ യാ​ത്ര​ക്കാ​രാ​ണ് ഏ​റെ ക​ഷ്ട​ത്തി​ലാ​യ​ത്. പ്ര​ഭാ​ത​ഭ​ക്ഷ​ണ​മോ വെ​ള്ള​മോ കി​ട്ടാ​തെ ഏ​റെ​പ്പേ​രും വ​ല​ഞ്ഞു.

പ്രാ​ഥ​മി​ക ആ​വ​ശ്യ​ങ്ങ​ൾ​ക്കു​വേ​ണ്ടി പെ​ൺ​കു​ട്ടി​ക​ളും സ്ത്രീ​ക​ളും അ​നു​ഭ​വി​ച്ച പ്ര​യാ​സം ഏ​റെ​യാ​യി​രു​ന്നു. സ​മീ​പ​ത്തൊ​ന്നും വീ​ടു​ക​ളോ മ​റ്റു സൗ​ക​ര്യ​ങ്ങ​ളോ ഇ​ല്ലാ​ത്ത​ത് ഇ​വ​രു​ടെ ദു​രി​തം ഇ​ര​ട്ടി​യാ​ക്കി.

യാ​ത്ര​ക്കാ​രി​ൽ ഭൂ​രി​ഭാ​ഗ​വും കു​ട​ക് ഭ​ര​ണ​കൂ​ടം ഏ​ർ​പ്പെ​ടു​ത്തി​യ പു​തി​യ നി​യ​ന്ത്ര​ണ​ങ്ങ​ൾ അ​റി​യാ​തെ ആ​ർ​ടി​പി​സി​ആ​ർ സ​ർ​ട്ടി​ഫി​ക്ക​റ്റു​മാ​യി ഇ​ന്ന​ലെ മാ​ക്കൂ​ട്ടം ചെ​ക്ക് പോ​സ്റ്റി​ൽ എ​ത്തി മ​ട​ങ്ങി​പ്പോ​യി.

ഇ​വ​രി​ൽ പ​ല​രു​ടെ​യും ടെ​സ്റ്റ് കാ​ലാ​വ​ധി ക​ഴി​ഞ്ഞ​തി​നാ​ൽ വീ​ണ്ടും ടെ​സ്റ്റ് ന​ട​ത്തി​യാ​ണ് എ​ത്തി​യ​ത്. വി​വി​ധ പ​രീ​ക്ഷ​ക​ൾ​ക്കു പോ​കേ​ണ്ട​വ​രും ബം​ഗ​ളൂ​രു വി​മാ​ന​ത്ത​വ​ള​ത്തി​ൽ​നി​ന്ന് 24 മ​ണി​ക്കൂ​റി​നു​ള്ളി​ൽ വി​ദേ​ശ​ത്ത് പോ​കേ​ണ്ട​വ​രു​മെ​ല്ലാം ഇ​തി​ലു​ണ്ടാ​യി​രു​ന്നു.

പ​രി​ശോ​ധ​ന വൈ​കു​ന്ന​തി​ൽ യാ​ത്ര​ക്കാ​ർ പ്ര​തി​ഷേ​ധി​ച്ചെ​ങ്കി​ലും ഒ​രു ഫ​ല​വു​മു​ണ്ടാ​യി​ല്ല. ചെ​ക്ക് പോ​സ്റ്റി​ൽ സ​ർ​ട്ടി​ഫി​ക്ക​റ്റു​ക​ളു​ടെ പ​രി​ശോ​ധ​ന​യ്ക്കാ​യി നി​യോ​ഗി​ച്ച ജീ​വ​ന​ക്കാ​രു​ടെ എ​ണ്ണം കു​റ​ച്ച​താ​ണ് യാ​ത്ര​ക്കാ​ർ​ക്ക് തി​രി​ച്ച​ടി​യാ​യ​ത്.

നേ​ര​ത്തെ ആ​രോ​ഗ്യ​വ​കു​പ്പി​ൽ​നി​ന്ന് ര​ണ്ട് ഹെ​ൽ​ത്ത് ഇ​ൻ​സ്‌​പെ​ക്ട​ർ​മാ​രും ര​ണ്ട് റ​വ​ന്യൂ ഉ​ദ്യോ​ഗ​സ്ഥ​രും ഉ​ണ്ടാ​യി​രു​ന്നു.

പ​രി​ശോ​ധ​ന ക​ടു​പ്പി​ച്ച​തോ​ടെ ആ​ർ​ടി​പി​സി​ആ​ർ സ​ർ​ട്ടി​ഫി​ക്ക​റ്റ് പ​രി​ശോ​ധി​ക്കു​ന്ന ആ​രോ​ഗ്യ​വ​കു​പ്പ് ജീ​വ​ന​ക്കാ​രു​ടെ എ​ണ്ണം ഒ​ന്നാ​യി കു​റ​ച്ചു.

സ​ർ​ട്ടി​ഫി​ക്ക​റ്റ് പ​രി​ശോ​ധി​ച്ച് ഉ​റ​പ്പാ​ക്കി​യ​ശേ​ഷം യാ​ത്ര​ക്കാ​ര​ന്‍റെ ആ​ധാ​ർ കാ​ർ​ഡും പേ​രും വാ​ഹ​ന ന​മ്പ​റു​മെ​ല്ലാം ര​ജി​സ്റ്റ​റി​ൽ രേ​ഖ​പ്പെ​ടു​ത്തു​ന്ന​തും ഒ​രു ജീ​വ​ന​ക്കാ​ര​ൻ ത​ന്നെ​യാ​ണ്.

ഒ​രാ​ളു​ടെ പ​രി​ശോ​ധ​ന​യ്ക്ക് അ​ഞ്ചു​മി​നി​റ്റി​ല​ധി​കം കാ​ല​താ​മ​സം ഇ​തു​മൂ​ല​മു​ണ്ടാ​യി. ഇ​താ​ണ് പു​ല​ർ​ച്ചെ എ​ത്തി​യ​വ​ർ​ക്കും പ​ത്ത് മ​ണി​ക്കൂ​റി​ല​ധി​കം കാ​ത്തി​രി​ക്കേ​ണ്ടി​വ​ന്ന​ത്. വ​രും​ദി​വ​സ​ങ്ങ​ളി​ലും ഇ​ത് ആ​വ​ർ​ത്തി​ക്കാ​നാ​ണ് സാ​ധ്യ​ത.

നെ​ഗ​റ്റീ​വ് സ​ർ​ട്ടി​ഫി​ക്ക​റ്റ് ഉ​ള്ള​വ​രെ വേ​ഗ​ത്തി​ൽ അ​തി​ർ​ത്തി ക​ട​ത്തി​വി​ടാ​ൻ ക​ർ​ണാ​ട​ക സ​ർ​ക്കാ​രി​നോ​ട് കേ​ര​ള സ​ർ​ക്കാ​ർ ആ​വ​ശ്യ​പ്പെ​ട​ണ​മെ​ന്ന് യാ​ത്ര​ക്കാ​ർ ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും സ​ർ​ക്കാ​ർ​ത​ല ഇ​ട​പെ​ട​ൽ ഉ​ണ്ടാ​കു​ന്നി​ല്ല.