ര​ക്തം ഒ​ഴു​കി താ​ഴേ​ക്ക് വീ​ഴു​ന്നു​ണ്ടാ​യി​രു​ന്നു! മരത്തില്‍ കയറിയ ആളെ കണ്ട് ആത്മഹത്യാശ്രമമെന്നു കരുതി പോലീസിനെ വിളിച്ചു; പോലീസ് എത്തിയപ്പോള്‍ നാട്ടുകാര്‍ വെട്ടിലായി; സംഭവം കൊച്ചിയില്‍

കൊ​ച്ചി: ഇ​ല പ​റി​ക്കാ​ൻ പേ​രാ​ൽ​മ​ര​ത്തി​ൽ ക​യ​റി​യ മ​ധ്യ​വ​യ​സ്ക​നെ ക​ണ്ട്, ആ​ത്മ​ഹ​ത്യാ​ശ്ര​മ​മാ​ണെ​ന്നു തെ​റ്റി​ദ്ധ​രി​ച്ച് പോ​ലീ​സി​നെ വി​ളി​ച്ചു​വ​രു​ത്തി​യ നാ​ട്ടു​കാ​ർ പു​ലി​വാ​ൽ പി​ടി​ച്ചു.

ത​ടി​ച്ചു​കൂ​ടി​യ ആ​ളു​ക​ൾ ബ​ഹ​ളം വ​യ്ക്കു​ക​യും മ​ര​ത്തി​ൽ നി​ന്നിറ​ങ്ങാ​ൻ ആ​വ​ർ​ത്തി​ച്ച് ആ​വ​ശ്യ​പ്പെ​ടു​ക​യും ചെ​യ്തി​ട്ടും കൂ​ട്ടാ​ക്കാ​തെ ഇ​ല പ​റി​ക്കൽ തുടർന്ന മ​ധ്യ​വ​യ​സ്ക​ൻ ഒ​ടു​വി​ൽ പോ​ലീ​സി​നെ ക​ണ്ട് താ​ഴെ​യി​റ​ങ്ങി. ‘ഇ​ല പ​റി​ക്കാ​നും സ​മ്മ​തി​ക്കി​ല്ലേ’ എ​ന്ന ഇയാളുടെ ചോദ്യം കേട്ടതോ​ടെ ജനക്കൂട്ടം ചമ്മി.

എ​റ​ണാ​കു​ളം നോ​ർ​ത്ത് റെ​യി​ൽ​വേ സ്റ്റേ​ഷ​നു സ​മീ​പം എ​ക്സൈ​സ് ഓ​ഫീ​സിനു മു​ന്നി​ലെ പേ​രാ​ൽ മ​ര​ത്തി​ലാ​യി​രു​ന്നു സം​ഭ​വം. പൂ​ജാ സാ​ധ​ന​ങ്ങ​ൾ വി​ൽ​ക്കു​ന്ന തൃ​പ്പൂ​ണി​ത്തു​റ​യി​ലെ ക​ട​യി​ലേ​ക്ക് ന​ൽ​കു​ന്ന​തി​നാ​യി ഇ​ല പ​റി​ക്കാനാ​ണ് കൊ​ല്ലം സ്വ​ദേ​ശി​യാ​യ വി​ജ​യ​ൻ പേ​രാ​ൽ മ​ര​ത്തി​ൽ ക​യ​റി​യ​ത്.

ക​യ​റു​ന്ന​തി​നി​ടെ മ​ര​ത്തി​ലേ​ക്ക് നീ​ണ്ടുനി​ന്ന എ​ക്സൈ​സ് ഓ​ഫീ​സി​ന്‍റെ അ​ലൂ​മി​നി​യം മേ​ൽ​ക്കൂ​ര​യി​ൽ കാ​ലു​കൊ​ണ്ട് മു​റി​വു​ണ്ടാ​യി. ഇ​തു കാ​ര്യ​മാ​ക്കാ​തെ ചാ​ഞ്ഞുനി​ന്ന ചി​ല്ല​യി​ലേ​ക്ക് ക​യ​റി​യ​തോ​ടെ ആ​ത്മ​ഹ​ത്യ​യ്ക്കു​ള്ള ശ്ര​മ​മാ​ണെ​ന്ന് ക​രു​തി യാ​ത്ര​ക്കാ​രും സ​മീ​പ​ത്തെ ഓ​ട്ടോ​റി​ക്ഷതൊ​ഴി​ലാ​ളി​ക​ളും ത​ടി​ച്ചു​കൂ​ടുകയായിരുന്നു. മ​ര​ത്തി​ൽനി​ന്ന് ഇ​റ​ങ്ങാ​ൻ ഇ​വ​ർ പ​ല ആ​വ​ർ​ത്തി ആ​വ​ശ്യ​പ്പെ​ട്ടി​ട്ടും വി​ജ​യ​ൻ കേ​ട്ട​ഭാ​വം കാ​ണി​ച്ചി​ല്ല.

ഇ​തി​നി​ടെ കാ​ലി​ലെ മു​റി​വി​ൽനി​ന്നു ര​ക്തം ഒ​ഴു​കി താ​ഴേ​ക്ക് വീ​ഴു​ന്നു​ണ്ടാ​യി​രു​ന്നു. ലഹരി മൂ​ത്ത് മ​ര​ത്തി​ൽ ക​യ​റി​യ​താ​ണെ​ന്നാ​യി​രു​ന്നു കൂ​ടി​നി​ന്ന​വ​രി​ൽ ഒ​രുവി​ഭാ​ഗ​ത്തി​ന്‍റെ അ​ഭി​പ്രാ​യം.

20 മി​നി​ട്ട് ക​ഴി​ഞ്ഞ് നോ​ർ​ത്ത് സ്റ്റേ​ഷ​നി​ൽ​നി​ന്ന് പോ​ലീ​സെ​ത്തി​യ​ത് ക​ണ്ട് താ​ഴെ​യി​റ​ങ്ങി​യ വി​ജ​യ​ൻ മ​ര​ത്തി​ൽ ക​യ​റി​യ​തി​ന്‍റെ കാ​ര്യം പ​റ​ഞ്ഞ​തോ​ടെ പു​ലി​വാ​ല് പി​ടി​ച്ച​പോ​ലാ​യി ത​ടി​ച്ചു​കൂ​ടി​യ​വ​ർ.

ചെ​റു​പു​ഞ്ചി​രി​യോ​ടെ പോ​ലീ​സ് മ​ട​ങ്ങി​യ​പ്പോ​ൾ വി​ജ​യൻ ഒ​ന്നും സം​ഭ​വി​ക്കാ​ത്ത പോ​ലെ താ​ഴെ വീ​ണ ഇ​ല​ക​ൾ ഒ​രി​ട​ത്തേ​ക്ക് കൂ​ട്ടി​യി​ട്ട് സ​മീ​പ​ത്തെ ഹോ​ട്ട​ലി​ൽനി​ന്ന് ഉ​പ്പു വാ​ങ്ങി കാ​ലി​ലെ മു​റി​വി​ൽ തേ​ച്ചു. പിന്നീട് ഇ​ല​കളുമായി സ്ഥലം വിടുകയും ചെയ്തു.

പൂ​ജാ സാ​ധ​ങ്ങ​ൾ വി​ൽ​ക്കു​ന്ന ക​ട​ക​ളി​ലേ​ക്ക് പേ​രാ​ൽ മ​ര​ത്തി​ന്‍റെ ഇ​ല​യും മൊ​ട്ടു​ക​ളും എ​ത്തി​ച്ചു​കൊ​ടു​ത്തു കി​ട്ടു​ന്ന തു​ച്ഛ​മാ​യ പണം​കൊ​ണ്ട് ദൈ​നം​ദി​ന ചെ​ല​വു​ക​ൾ ന​ട​ത്തി​വ​രു​ന്ന ആ​ളാ​ണ് വി​ജ​യ​ൻ. മു​ന്പും ഇ​തേ മ​ര​ത്തി​ൽനി​ന്ന് ഇ​ല പ​റ​ിച്ചു​കൊ​ണ്ടു​പോ​യി​ട്ടു​ണ്ടെന്നും ഇ​ത്ത​ര​മൊ​രു അ​നു​ഭ​വം ഇതാദ്യമാണെന്നും വി​ജ​യ​ൻ പ​റ​യു​ന്നു.