അ​പാ​ർ​ട്ട്മെ​ന്‍റി​ൽ യുവാവിന് ജീവൻ നഷ്ടമായതിന് പിന്നിൽ യുവതിയോ? സ്വകാര്യ ഭാഗങ്ങളിൽ ഉൾപ്പെടെ മൃ​ത​ദേ​ഹ​ത്തി​ൽ മു​പ്പ​തി​ലേ​റെ മു​റി​വു​ക​ൾ;  രണ്ട് യുവതി ഉൾപ്പെടെ ആറുപേർ അറസ്റ്റിൽ



തി​രു​വ​ന​ന്ത​പു​രം: ക​ര​മ​ന​യി​ലെ അ​പാ​ർ​ട്ട്മെ​ന്‍റി​ൽ യു​വാ​വി​നെ കു​ത്തേ​റ്റു മ​രി​ച്ച നി​ല​യി​ൽ ക​ണ്ടെ ത്തി​യ സം​ഭ​വ​ത്തി​ൽ ക​സ്റ്റ​ഡി​യി​ലു​ള്ള ആ​റു പേ​രെ പോ​ലീ​സ് ചോ​ദ്യം ചെ​യ്യു​ന്നു.പോ​ലീ​സ് ക​സ്റ്റ​ഡി​യി​ൽ ര​ണ്ട്  യു​വ​തി​ക​ളും ഉ​ൾ​പ്പെ​ടു​ന്നു.

പെ​ണ്‍​വാ​ണി​ഭ സം​ഘ​വു​മാ​യി ബ​ന്ധ​മു​ള്ള​വ​രാ​ണ് ക​സ്റ്റ​ഡി​യി​ലു​ള്ള​തെ​ന്നാ​ണ് പോ​ലീ​സ് വൃ​ത്ത​ങ്ങ​ളി​ൽ​നി​ന്നു ല​ഭി​ക്കു​ന്ന വി​വ​രം.

വ​ലി​യ​ശാ​ല പാ​ല​ത്തി​നു സ​മീ​പം തു​ണ്ട ിൽ ​വീ​ട്ടി​ൽ വൈ​ശാ​ഖ് (34) നെ​യാ​ണ് ഇ​ന്ന​ലെ രാ​വി​ലെ ക​ര​മ​ന​യി​ലെ അ​പാ​ർ​ട്മെ​ന്‍റി​ൽ കു​ത്തേ​റ്റ് മ​രി​ച്ച നി​ല​യി​ൽ ക​ണ്ടെ ത്തി​യ​ത്. ഇ​യാ​ളു​ടെ മൃ​ത​ദേ​ഹം ഇ​ൻ​ക്വ​സ്റ്റ് ന​ട​ത്ത​വെ നി​ര​വ​ധി മു​റി​വു​ക​ൾ ക​ണ്ടെ​ത്തി​യി​ട്ടു​ണ്ട്.

സ്വ​കാ​ര്യ ഭാ​ഗ​ങ്ങ​ളി​ലും
30ൽ​പ​രം മു​റി​വു​ക​ൾ മൃ​ത​ദേ​ഹ​ത്തി​ൽ ക​ണ്ടെ​ത്തി​യി​ട്ടു​ണ്ട ്. സ്വ​കാ​ര്യ ഭാ​ഗ​ങ്ങ​ളി​ൽ ഉ​ൾ​പ്പെ​ടെ​യാ​ണ് മു​റി​വു​ക​ൾ. മു​ഖ്യ പ്ര​തി ക​സ്റ്റ​ഡി​യി​ലാ​ണെ​ന്നാ​ണ് പോ​ലീ​സ് വൃ​ത്ത​ങ്ങ​ളി​ൽ​നി​ന്നു ല​ഭി​ക്കു​ന്ന വി​വ​രം.

ക​ഴി​ഞ്ഞ ദി​വ​സം രാ​ത്രി​യി​ൽ ഉ​ണ്ട ായ ​വാ​ക്ക് ത​ർ​ക്ക​ത്തി​നി​ടെ​യാ​ണ് വൈ​ശാ​ഖി​നെ പ്ര​തി​ക​ൾ ക്രൂ​ര​മാ​യി കൊ​ല​പ്പെ​ടു​ത്തി​യ​തെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്.

ശാ​സ്ത്രീ​യ തെ​ളി​വു​ക​ൾ കൂ​ടി ല​ഭി​ച്ച ശേ​ഷം പ്ര​തി​ക​ളു​ടെ അ​റ​സ്റ്റ് പോ​ലീ​സ് ഇ​ന്നു വൈ​കു​ന്നേ​ര​ത്തോ​ടെ രേ​ഖ​പ്പെ​ടു​ത്തും. ഇ​ന്ന​ലെ രാ​വി​ലെ​യാ​ണ് വൈ​ശാ​ഖി​ന്‍റെ മൃ​ത​ദേ​ഹം ക​ര​മ​ന​യി​ലെ അ​പ്പാ​ർ​ട്ട്മെ​ന്‍റി​ലെ ബാ​ൽ​ക്ക​ണി​യി​ൽ ക​ണ്ടെ​ത്തി​യ​ത്.

അ​പ്പാ​ർ​ട്ട്മെ​ന്‍റി​ലെ ജീ​വ​ന​ക്കാ​ർ അ​റി​യി​ച്ച​തി​നെ​ത്തു​ട​ർ​ന്നു ക​ര​മ​ന പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ പി​ടി​കൂ​ടി​യ​ത്. വൈ​ശാ​ഖി​ന്‍റെ മൃ​ത​ദേ​ഹം ഇ​ന്നു പോ​സ്റ്റ്മോ​ർ​ട്ട​ത്തി​നു വി​ധേ​യ​മാ​ക്കും.

ഒ​രു മാ​സം മു​ന്പ്
ഒ​രു മാ​സം മു​ൻ​പാ​ണ് പ്ര​തി​ക​ൾ ഉ​ൾ​പ്പെ​ട്ട സം​ഘം അ​പ്പാ​ർ​ട്ട്മെ​ന്‍റ് വാ​ട​ക​യ്ക്ക് എ​ടു​ത്ത​ത്. ഈ ​അ​പ്പാ​ർ​ട്ട്മെ​ന്‍റ് കേ​ന്ദ്രീ​ക​രി​ച്ച് മു​ൻ​പു എ​ന്തെ​ങ്കി​ലും ക്രി​മി​ന​ൽ പ്ര​വ​ർ​ത്ത​ന​ങ്ങ​ൾ ന​ട​ന്നി​ട്ടു​ണ്ടെ യെ​ന്ന് പോ​ലീ​സ് പ​രി​ശോ​ധി​ക്കു​ന്നു​ണ്ട്.

പ്ര​തി​ക​ളു​ടെ മൊ​ബൈ​ൽ ഫോ​ണ്‍ കോ​ളു​ക​ൾ പോ​ലീ​സ് പ​രി​ശോ​ധി​ച്ച് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. വൈ​ശാ​ഖി​നെ സ്ക്രൂ ​ഡ്രൈ​വ​ർ പോ​ലു​ള്ള ആ​യു​ധം ഉ​പ​യോ​ഗി​ച്ചാ​ണ് കൊ​ല​പ്പെ​ടു​ത്തി​യ​തെ​ന്നാ​ണ് പോ​ലീ​സ് പ​റ​യു​ന്ന​ത്.

അ​തേ​സ​മ​യം ക​സ്റ്റ​ഡി​യി​ലു​ള്ള​വ​രെ ചോ​ദ്യം ചെ​യ്ത​പ്പോ​ൾ കൊ​ല​പാ​ത​കം ന​ട​ത്തി​യ​ത് യു​വ​തി​യാ​ണെ​ന്ന് ചോ​ദ്യം ചെ​യ്യ​ലി​നി​ടെ ഒ​രു പ്ര​തി​യും യു​വാ​വാ​ണ് ആ​ദ്യം കു​ത്തി​യ​തെ​ന്നു മ​റ്റൊ​രു പ്ര​തി​യും പോ​ലീ​സി​നോ​ടു പ​റ​ഞ്ഞു.

ഇ​ക്കാ​ര്യ​ത്തി​ൽ കൂ​ടു​ത​ൽ വ്യ​ക്ത​ത​യ്ക്കാ​യി പോ​ലീ​സ് ക​സ്റ്റ​ഡി​യി​ലു​ള്ള മു​ഴു​വ​ൻ പേ​രെ​യും വി​ശ​ദ​മാ​യി ചോ​ദ്യം ചെ​യ്യു​ക​യാ​ണ്.

പെ​ൺ​വാ​ണി​ഭ​ത്തെ​ക്കു​റി​ച്ചു ചോ​ദ്യം ചെ​യ്ത​താ​ണ് കൊ​ല​പാ​ത ക​ത്തി​ൽ ക​ലാ​ശി​ച്ച​തെ​ന്ന പ്ര​ചാ​ര​ണ​വും ഉ​യ​ർ​ന്നി​ട്ടു​ണ്ട്. യു​വാ​വ് അ​പ്പാ​ർ​ട്ട്മെ​ന്‍റി​ലേ​ക്ക് എ​ത്താ​നി​ട​യാ​യ സാ​ഹ​ച​ര്യം പോ​ലീ​സ് പ​രി​ശോ​ധി​ക്കു​ന്നു​ണ്ട്.

Related posts

Leave a Comment