തിരുവനന്തപുരം: സമൂഹമാധ്യമങ്ങളിലൂടെയുള്ള സൈബര്‍ ആക്രമണത്തില്‍ പരാതിയുമായി രാഹുല്‍ മാങ്കൂട്ടത്തിലിന്‍റെ പീഡനത്തിനിരയായ യുവതി. പരാതിയെത്തുടർന്ന് യുവതിയില്‍ നിന്നും പോലീസ് മൊഴി രേഖപ്പെടുത്തി. രാഹുല്‍ മാങ്കൂട്ടത്തില്‍ അനുയായികളുടെ ഗ്രൂപ്പുകളില്‍ നിന്നാണ് പെണ്‍കുട്ടിക്കെതിരേ സൈബര്‍ ആക്രമണം ഉണ്ടാകുന്നതെന്നാണ് റിപ്പോര്‍ട്ടുകള്‍.
സോഷ്യൽ മീഡിയയിൽ യുവതിയുടെ ചിത്രങ്ങളും വീഡിയോകളും പ്രചരിപ്പിക്കുകയും, ഇരയുടെ ഐഡന്‍റിറ്റി വെളിപ്പെടുത്തുകയും ചെയ്യുന്ന രീതിയിൽ പോസ്റ്റുകൾ പ്രചരിക്കുന്നുവെന്നാണ് പരാതി. ഇത്തരം സമൂഹമാധ്യമ ഹാന്‍ഡിലുകളില്‍ സൈബര്‍ പോലീസ് നിരീക്ഷണം കര്‍ശനമാക്കിയിട്ടുണ്ട്.
