കൊച്ചി: എടയാര് വ്യവസായ മേഖലയിലെ ഓയില് നിര്മാണ കമ്പനിയില് വന് തീപിടിത്തം. ഒരാള് വെന്തു മരിച്ചു. ഇന്നു രാവിലെ 8.30ഓടെ ആണ് തീപിടിത്തം ഉണ്ടായത്.
മരിച്ച ആളെ തിരിച്ചറിഞ്ഞിട്ടില്ല. തീ അണയ്ക്കാനുള്ള ശ്രമങ്ങള് അഗ്നിശമന സേനയുടെ നേതൃത്വത്തില് തുടര്ന്നു വരികയാണ്. കമ്പനിക്കുള്ളില് മറ്റാരും കുടുങ്ങിപ്പോയിട്ടില്ലെന്നാണ് നിലവിലെ വിവരം. കൂടുതല് പരിശോധനകളും തീ അണയ്ക്കാനുള്ള ശ്രമങ്ങളും ഊര്ജിതപ്പെടുത്തി.
24 മണിക്കൂറും പ്രവര്ത്തിക്കുന്ന കമ്പനിയാണിതെന്നാണ് ലഭിക്കുന്ന വിവരം. രാവിലെ തൊഴിലാളികളെത്തി ജോലികള് ആരംഭിച്ചതിന് ശേഷമാണ് തീ പിടിത്തം ഉണ്ടായത്.
ഇതോടെ തൊഴിലാളികള് പുറത്തേക്ക് ഓടി. ഇതിനിടെയാണ് ഒരാള് ഉള്ളില് അകപ്പെട്ടു പോയത്. രക്ഷപ്പെട്ടവര്ക്ക് ആര്ക്കും കാര്യമായ പരിക്കുകളില്ലെന്നാണ് വിവരം. പോലീസും സ്ഥലത്തെത്തി പരിശോധനകള് നടത്തി വരികയാണ്. തീപിടിത്തത്തിന്റെ കാരണം വ്യക്തമല്ല. തീ നിയന്ത്രണ വിധേയമായിട്ടുള്ളതായാണ് വിവരം.
